ماذا فعل بك الزمان يا فهد الغشيان .. وخذ عبرة يا دوخي وخميس العويران[حديث ساخن]
 

[align=center]السلام عليكم

كل عام وانتم بخير وصحه وسلام

وكل عام وانت يالزعيم من بطوله لبطوله

بصراحه من أول رمضان وأنا ودي أشارك معكم في منتدى الكابتن ياسر .. ولكن ضروف الوقت تمنعني من المشاركه معكم ..

طبعاً موضوعي معروف من (العنوان) ولو ان صاحبه صار في طي (النسيان) ... اللي هو فهد (الغشيان) ..

في يوم من الأيام كنت في اسواق التميمي اللي في طريق الملك عبدالله بن عبدالعزيز في اخر الليل قبل شهر رمضان تقريباً بأيام اتقضى بعض الاغراض ... المهم صادفني اللإعب (( فهد الغشيان )) ,,

سلمت عليه وباركت له برمضان .. طبعاً أخذتنا السوالف حتى وصلنا في الكورة .. بصراحه تفاجات يوم سولف في الكورة ..

وكانه لاعب هلالي إلى يومنا هذا .. ولا تقول إنه راح للنصر . أو حتى لاعب فيه ..

سالته .. متى بتعتزل يا فهد !! قال أمنيه والله أني اشوف أعضاء شرف نادي النصر يحاولان على الأقل يفعلون لي حفل أعتزل ..

بصراحه ,, تندمت يوم طلعت من الهلال .. وجالس يسولف .. ويقول .. أعتقد لو أني باقي في الهلال لاصبحت الكابتن ..

أو الأن حفل أعتزلي .. وراح يكون حالي غيرررر عن اللاعبين الباقين .. أن متندم يوم رحت للنصر .. مو نقص في الكيان النصرواي ..

لكن كنت اللاعب الصح .. في الوقت الغلط .. وجلسنا نتبادل الحديث .. قال تبي الصدق .. والله الى يومك وآنا احب الهلال .. وأحب جمهوره ..

وأشجعه بعد .. ويقـول عندي أشرطه لمباريات الهلال .. ووقتها كنت موجود .. وذكريات أشوفها والله شوي وأبكي ..

لكن اليد قصيره والعين بصيره .. والله تمنيت أني أخدمه لو بعيوني ..

طبعاً فهد أبتعد عن الووووسط الرياضي مره واحدة .. وأكتفى بالمشاهدة .. و (( تشجيع الهلال )) كما قال ..

أخواني .. الغشيان لو أنه موجود في وقتنا هذا .. وبقي في الهلال .. صدقوني بيحترف في الخارج .. وهذي ما يتناقش فيها أثنين

فهد الغشيان أعتقد أنه أفضل لاعب مهاري في السعوديه لو بقي ..


طبعاً شكله متغير بصراحه .. صار متين .. والكُبر واضح في وجهه ..

وهذي معلومات عن فهد جديدة .. الرجال متزوج .. وعنده بنتين صغار .. الله يحفضهم له ..

وموتره جيب رانج روالفر سكري .. الله يعطيه خيره ويكفيه شره ..

الله يحفضك يا فهد .. وصدقني أنت بالقلب .. ما راح ننسـاك أبداً

وأذا أنت تحب الهلال .. صدقني حتى الجماهير الهلاليه تموت فيك ..

والدليل .. لقطاتك لازالت منتشره وأنت بالطقم الأزرق والأبيض .. وباسم مواقع هلاليه

أمنيتي لك بحياه سعيده ..


@@@@@@@@@@@


(( طبعاً هذا الكلام صار لي مع فهد .. وصدقوني مافيه إي تحريف أو تزييف .. وآنا كاتب الموضوع وأنا صايم ))



@@@@@@@@@@@


+__[ ومضه سريعه ]__+

يا ترى !! هل سيكون مستقبل أحمد الدوخي وخميس العويران في طي النسيان .. كما حدث للكونكورد فهد الغشيان !!!!!!!

(( راح تثبت لنا الأيام ))


تحييه معطره لأحلى أعضاء ![/align]

هلا اخوي تكره سامي تموت بدري .. :razz:


موضوع جميل .. واللاعب فهد الغشيان كان لاعب كبير ..

الله يوفقه في حياته .. :rolleyes:


شكرا على موضوعك :)

أذا يحب الهلال وجماهيره نحبه ونقدره

لكن قدر الله وما شاء فعل


لكن العويران والدوخي شوفو نهايتهم بتصير أفشل من الغشيان

قالوها ونرجع نقولها : من طلع من داره قلّ مقداره :sad:


آه يافهد ذكرتنا بمهاراتك وفنك الذي مضى معك بإعتزالك :sad:

من ينسى هدفه التاريخي في مرمى السويد ؟؟ :sad:


لكنك فقدت كل شئ بخروجك من الهلال الذي احتضنك وجعلك احد افضل لاعبي المملكة

وآثرت الانتقال للنصر وبهذا قد تكون انت قد خسرت كل شئ الا شيئا واحدا وهو :

ذكرياتك الحلوة مع الهلاااااااال s13s



تحياتي :sad:

الغشيان اه يالذكريات :wallbash:

:D :D :laugh: ..!!

على العموم الله يعطيك العافية

[align=center]

هـلا بـك أخـوي

تـكرهـ سـامي .. تـموت بـدري

اشـكرك علـى طـرح هالـقصه (( المـوضـوع ))

وصدقـني فـهد الكـنكـورد .. بـاقي فـي القـلب ..

وروحتـه للنصـر ماغيـرت الاحسـاس والنـظرات ..

ولا نسـينا اهـدافه وكـم من اللقطـات والمـهارات ..

فـهد اسـطورة لـو (( بـقي )) ازرق الـدم .. ابيض المـذهـب ..

فـهد عـملة نـادرة .. قـليل تـجد مثلـها فـي المـلاعب :

سرعـه .. رشـاقه .. تهـديف .. تمريـر .. مـناورة .. انتـهازي ..

آآآهـ يافـهد .. وآآآه يازمـن ..

الله يوفقـه دنيـا وآخرهـ .. ويعطيـه علـى قد نيـتك ..

ومشـكور اخـوي علـى النقـل الحـي الصـادق ..

وتقبـل خـالص تحيـاتي ..[/align]

هلا اخوي تكره سامي تموت بدري ..


موضوع جميل .. واللاعب فهد الغشيان كان لاعب كبير ..

الله يوفقه في حياته ..


شكرا على موضوعك

الله يذكره بالخير كاان عشقي ولكن قدر الله وماشاء فعل

الله يوفقه في حياااته ويخليله بنااته ويرزقه بولد يخلف فنه بس يكوون هلاااالي :d

والله يعطيك العافيه اخووووي تكره ساامي تمووت هوى

على النقل

مع خالص تحياتي :

أخوووك قوووووبي

ضيع نفسه عشان ناس لعبوا بعقله, الله يوفقه كان نجمي المفضل بعد الفيلسوف.

للأسف بهد الغشيان الله يهدينا واياه كان شوي متسيـّـب ومتساهل في التمارين يعني ماهوب بعيد عن الجمعان ،،، حتى يوم راح للنصر لعب معهم كم مباراة يبي يقهر الهلاليين وبعدين رجع لتسيـّـبه وبزوطته


على كل حال الله يستر علينا وعليه ،،، واحنا كـ جمهور مسامحينه على الخيانات اللي سواها .....

سلام s102s

شكرا لك

أنا معك
لكن ألا ترى أن الغشيان هو الذي دمر نفسه بنفسه
من السهر وغيرها

الغشيان لاعب كبير بس ضيع نفسه :wallbash: