|
الصداقه عند ألأولين ( قصة - وقصيدة ) قصه وقصيده _________ قال عبيد العلي ال رشيد في آخر حياته هذه القصيده وسببها : ان عبدالله العلي ال رشيد وأخوه عبيد صديق من يدعى عبدالمحسن بن سيف الملقب بالملا من أهل بريده وكانو يتجاذبون الحديث 0 فقالوا له ياعبدالمحسن علمنا بما فينا من العيوب حيث انه كما قيلفي المثل ( كل بصير في عيوب غيره ) فقال لهم لن أعلمكم بما فيكم إلا إذا أمنتموني0 فقالوا لك ألأمان منا فقال : اما نت ياعبدالله فعيبك عدم تقديرك للأجاويدوأخيار الناس وذلك يعتريك عند الغضب وهذه خصله غير حميده فيك00 وأما عبيد فجميع مكارم ألأخلاق حاويها ومدركها ولا فيك عيب سوى عيب وأحد وهو عظم تقديرك ((للصـلبي: ساهي)) إذا دخل في المجلس أقربته حولك وأدنيته بجانبك 00 فقال عبيد نعم انا ياعبدالمحسن إن هذا رجل طيب وفيه شجاعه وهمه عاليه ونفس ابيه عن ألأدناس00 فمن هذا قال عبيد ال رشيد هذه القصيده: ____________ طـلبت ربً يعلم السر والغيــــــــب ..... يقبل صلاةً لـي ويقبل صيامـــي ويجعل لنا عرضٍ نزيه عن العيــــــب ..... ويفكنا من شر شو الاثامـي ابن آدم ملفا الرّدى والعذاريـــــب ..... لو ما فعل رِميت عليه التّهامي جليت عن نفسي شبا الشك والريــــب ..... ولا أحسب يلقون العرب بي كلامــي وربعي لقوبي عقب شيـبي عذاريــــب ..... بتسطير كذب امفسرين الحلامــي قلت أخبروني ويش مغضا هاك العيـــب ..... قالوا على سـاقت رفيقك تحامـي قلت إن هذا من قديمٍ لنا عيــــــب ..... مستارثينه من خوال وعمامــــي العيب ترك المعرضه بالمواجيــــــب ..... واَّلا الرفيق ابفزعته ما يلامــي رفـــيقنا كنه بروس الشخانيـــــب ..... يجبر بنا لو مكسره بالعظامــي ورفـــيقنا ما نجدعه للقصاصيـــــب ..... في راس حيدٍ نايفٍ ما يظامــــي ورفــيقنا لو هو من الجد بصُلِيــــبُ ..... متعلّق مِنّا بِذِرُوةُ سنامـــــــي والـــشّرُّ ما نسعى بجرّ‘ه بتقريــــب ..... وندري إلى هبت لنا بالاولامـــي هذى قدايمنا إلى عدو الطيــــــــب ..... وكلّ يريعُ الفعل اهله القدامـي ويوم الوغى ما نستشير الزواريــــب ..... لا طار عنُ سود العيون اللّثامـي مركاضنا يَشُيَعُ به الطّير والذّيـــــبُ ..... وِنِرُوِي معاطِيش السّـيوف الظّوامي نلُحقُ على سردٍ يجنك جناديـــــــــب ..... بـمطارقٍ مع مثل صفّ النّعامـــي يتلون ابو بندر ربيع السعاعيـــــب ..... اللي على خيره تعيش اليتامــي فإنُ سِلُم راس أمبيّد الكنس النيــــب ..... حريبنا ما يهتني بالمنامــــــي غنّوُا بها أركاب عوج المصاليــــــب ..... منُ مِصُرٍ الغربي إلى ديار يامـي ___________ وسلامتكم وأرجو ان تعجبكم المصدر/ كتاب ألأزهار النادره من أشعار الباديه مكتبة المعارف/ محمد سعيد |
يعطيك الف العافيه اخوي بو سليمان ...:) وانت يابو سليمان فجميع مكارم الاخلاق حاويها ومدركها ولا فيك عيب سوى عيب واحد هو انك طيب .. وما احلاه من عيب :D اعذرني على اقتباس الجمله من موضوعك ... بس انت تستاهل كل خير:D تقبل تحيات اخوك الصغير BoW WoW ...:cool: |
صح لسانك ابو سليمان وتسلم يمينك جعل عينن ترجيك ما تبكيك . الصداقه عند الاولين وينها وين صداقتنا منول الواحد لا صادق له واحد له يخلص له ويوفي له ويعتبر واحد من اخوانه ويبدي مصالح خويه على مصالحه . اما صداقة الزمن هذا !!! حدث ولا حرج . وشكرا لك . |
================================= =================================== ما شاء الله عليك دائما مبدع =========================== ===================================== |
الغاليٍ BoW WoW الله يرضاعليك ويسلمك شاكر تواصلك الغالي صدى الامس يعل ربي يسلمك ويرعاك على قولك بس أبشرك ألأجواد واجد وشاكر تواصلك يالغالي الشايب فهد الغالي كم انا أحبك ويعلم الله ذلك شرف لي شهادتك وأشكرك على تواصلك |
مبدع يا ابو سليمان ... يعجبني جداً التنويع بالمواضيع ... وبالذات القصص القديمة المدعومة بقصائد شعرية ... وياليت ياغالي إذا عندك قصص لراكان بن حثلين أو تركي بن حميد ... نشوفها هنا ... ولك تحياتي ... أخوك / سفر المرزوقي . |
تسلم ابو سليمان والله انا مع اخوي / سفر ياليت بقصص الأولين المشاهير وأشعارهم الرائعة . بنتعبك يالغالي ..... تحملنا:cool: |
الاستاذ الغالي ابوسليمان : حقيقه انت مبدع في نقل القصص واختيارها وهذه ليست بالقليله لذلك اتمنى منك عدم ابخاس حق نفسك فانت مبدع ويكفي انك تهتم بمثل هذه كتب وهذا احد اهم مميزاتك نقيض عيوبك التي اوردتها في (( السالفه )) ... اخوي صدي الامس : لي تعليق بسيط حول كلامك صدقني اخي الكريم ان الصداقه هي هي لم تتغير ولكن ماتراه الان اخي الكريم ليس صداقه كما تضنه لذلك ارجوا ان تنظر الي الحياة نظرو تفاؤل وتاكد انها صادقه في هذه الايام كما هي في السابق وستجدها في قادم الايام اذا ماكتب الله لنا عمر .... اخي انظر للحياو نظره تفاؤل وسترى اشياء لمك تكن تراها سابقاً (( نصيحه اخ اتمنى ان تجد لها مكاناً في قلب تعودناه متسعاً )) سلالالالالالالام اخوك سلمان |
الغالي سفر المرزوقي الله يسلمك ويرعاك وأبشر يالغالي باللي تبي عن قريب انشاءالله أكتب عن اللي ودك اياه مو انت كبتن ذا المنتدى;) ;) J.A.J بعد حيي يكفي انه تعجبك وأبشر والله باللي يرضيك يالغالي الغالي salman99999 اخاف اقولك يامدير وتزعل بس ليش تقولي ياأستاد :p :p ابشر يالغالي باللي يرضيك وشهاده منك وسام حتى لو زعلت فهذه الحقيقه تحياتي للجميع |
للرفع |
هلا الغالي :ابوسليمان رائع..رائع... واختيار موفق...وموضوع حساس.. فالصداقه لها معا ني كبيرة وكثيرة... وان كنا نخشى هذا الزمن المتسارع.... فالصديق الصدوق..كنز لا يفنى...ويجب عدم التفريط فيه.. احييك اخوي ابو سليمان..ويا جعل عمرك طويل يارب... والله يكثر من امثا لك.. |
الاخ العزيز ابوسليمان اختيار رائع وموفق يدل على حسن ذوقك وتقديرك لأهل الهمم العاليه ، ومنهم الشاعر الفارس الامير عبيد العلي الرشيد، والله والف نعم فيه وفي شمر اهل الكرم والطيب والنخوه والشهامه. قلت أخبروني ويش مغضا هاك العيـــب ..... قالوا على سـاقت رفيقك تحامـي قلت إن هذا من قديمٍ لنا عيــــــب ..... مستارثينه من خوال وعمامــــي العيب ترك المعرضه بالمواجيــــــب ..... واَّلا الرفيق ابفزعته ما يلامــي رفـــيقنا كنه بروس الشخانيـــــب ..... يجبر بنا لو مكسره بالعظامــي ورفـــيقنا ما نجدعه للقصاصيـــــب ..... في راس حيدٍ نايفٍ ما يظامــــي ورفــيقنا لو هو من الجد بصُلِيــــبُ ..... متعلّق مِنّا بِذِرُوةُ سنامـــــــي كفو. اكرم بها والله من عيوب كهذه ، هو خلى من الطيب شيء ابن رشيدوجماعته شمر؟. العيب ترك المعرضه بالمواجيــــــب ..... واَّلا الرفيق ابفزعته ما يلامــي صدق والله . اخي ابو سليمان ، ماشاء الله عليك انت كاالنحله اللي ما تهبط الى على اجمل الزهور وتعطي احلى عسل ، لذا نرجوك ان تذكر لنا قصه وابيات لتركي بن حميداو محمد بن هندي بن حميد او محمد بن هادي او راكان بن حثلين اذا ماعليك كلافه . وشكرا لك على حسن الاختيار . |
الغالي محترف توقعات الله يسلمك ويرعاك يالغالي والله يحبك ويرضىعليك وشاكر تواصلك الغالي khaled79 الله يسلمك ويرضىعليك ومعليكم زود يالغالي وأبشر باللي ودك اياه , انشاءالله اني تلبيه لك ولباقي ألأعزاء شاكرلك تواصلك يالغالي |
| الوقت المعتمد في المنتدى بتوقيت جرينتش +3.
الوقت الان » 08:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd