====وش اللي حصل للكالتشيو=====
 

السلام عليكم....

كلنا نعرف كيف الوضع بالليغا...مافيه مرشحين غير برشلونه و ريال مدريد...وأحياناً يكون فيه ثالث أما فالنسيا أو ديبورتيفو....و طبعاً أنا ما أتكلم عن هالسنة...أنا أتكلم عن عشرين سنة ورى

اللي كان متابع الكالتشيو خلال السنوات الماضية...بيلاحظ أن الدوري أختلف كلياً خلال السنتين الماضيتين...

يعني أول محد يقدر يتوقع من بينافس...كان فيه فرق قوية و كلها متقاربة المستوى...
مثلاً كان فيه اليوفي و ميلان و الأنتر و لاتسيو و بارما و روما و حتى فيورينتينا كلهم كانوا من المنافسين على بطولة الدوري الإيطالي في الماضي...الشي اللي كان مخلي الدوري الإيطالي أفضل دوري على ألأطلاق
في السنتين الماضيتين...للأسف المنافسة أنحصرت بين أي سي ميلان و اليوفي...والكل أصبح يستبعد منافسة من أي فريق ثاني...ولو حصلت لكانت من مفاجآت الدوري...

يعني بالعربي نظام الليغا...أصبح هو المعمول به حالياً في الكالتشيو...ناديين هم اللي عليهم الكلام...و الباقيين فقط للأثارة...

أنا لازلت أشوف أن الدوري الإيطالي هو ألأفضل...لكن ما أشوف أنه زي أول...لما تكون نص مباريات الفريق من العيار الثقيل...يعني لما يلعب الحين ميلان مع لاتسيو ماراح تكون مثل لما لعب ميلان مع لاتسيو عام 1998...راح تلاحظون الفرق
نفس الشي لما يلعب اليوفي مع بارما...مو نفس الشي لما لعب اليوفي مع بارما عام 1994

أنا صحيح أني أشجع ميلان...لكن بنفس الوقت أقدر كل فرق إيطاليا بنفس الوقت "حتى اليوفي"
لكن بصراحة الوضع اللي عليه الكالتشيو حالياً للأسف صار يجيب لي المرض

على العمووم...هل توافقوني الراي...وش تتوقعون أسباب أنحصار المنافسة بين الميلان و اليوفي؟؟؟؟؟؟

يعطيك العافية على الموضوع والسبب هو تخلي بعض الاندية الايطالية عن نجومها مثلا لاتسيو عام 98-99 من كانوا نجومهم نيدفيد نيستا ميهالوفتش سميوني ونفس الكلام على روما وبارما كان في بارما نجوم رائعون مثل كريسبو وفيرون وكانفارو وزامبروتا وبوفون وتورام وانا اشوف هذا السبب في ضعف الاندية لاتخليهم عن النجوم

لأنهم فرق التحكيم

s60s s60s s60s
s60s s60s
s60s

اكيد الدوري الكالتشيو مو زي اول واتوقع انه بسبب الضائقات المالية للفرق وسوء الحظ لبعض الفرق مثل الانتر

وياليت يرجع الكالتشيو زي اول

كلام كبير....بس ليش تظطر هالفرق أنها تتخلى عن نجومها...خصوصاً أن معظم اللاعبين اللي ذكرتهم تخلت عنهم هالفرق و هم توهم شباب...
أكيد لأسباب مالية أضطروا يبيعونهم...لكن وش السبب اللي خلى ميلان و اليوفي فقط ما يبيعون لاعبيهم...و يصير الكالتشيو زي الدوري الفرنسي...يصير كل الفرق مصدرين للنجوم للأندية الثانية في الليغا ولا الدوري الأنجليزي...

واحد أعرفه قال لي أن الدوري الإيطالي فيه فساد و رشاوي وبلاوي ما ندري عنها...الشي اللي خلى هذي الأندية تفلس و تبيع نجومها عشان ما يصير لها ماصار لفيورينتينا

والله يمكن كلامك صحيح...لكن وش السبب اللي يخلي الفساد ينحصر بين هالفريقين فقط...يعني الأنتر فريق ماهو بسيط زي بارما حالياً...ليش ما ينافس هالفريقين و يسوي زيهم؟!!!!!!!!!

أنا بصراحة ما أدري وش اللي صاير....يعني في أسبانيا...ريال مدريد يسمونه النادي الملكي...لأن الملوك و مدري مين كانوا هم اللي يدعمون النادي...و معارضين هالملوك متواجدين في كتالونيا...عشان كذا كانوا يدعمون برشلونة...لهالسبب أتصور أن المنافسة أنحصرت بين هالفريقين...
أما إيطاليا ما صار فيها هالخرابيط...يعني ما كان فيه صراعات بين ميلان و اليوفي زي ما صار بين برشلونه و ريال مدريد...
فأكيد أنه في شي خلى الفريقين هذولي هم اللي يسيطرون على الدوري...

على العموم مشكورين على المرور و المشاركة بآراكم...سلام

الماده

ولا أحد يتكلم عن التحكيم

خل عنكم اعذار النصر إلا ما لها فايده

الدعم المادي

الشباب كفووو ووفووو .... . . .

لكن اقولك ان الدوري ايطالي مايقان بالدوري الاسباني المايع . . . . . .... . . .