هذا طال عمركم حوطي اسمه راشد,زهق من حياته ومن ركضه كل يوم الى مكتب العمال و الديوان
يبي له وظيفه,وهو ما كمل سادس ابتدائي ... وصل رابع وجابوا له مدرس خصوصي في التعبير
ولا نجح...
المهم الرجال فكر وقرر وقال مالي الا اهاجر الى الخارج .....
ولامني كونت نفسي رجعت لديرتي ( اخس يالصعيدي)
الرجال كلم امه وابوه واخوانه وقال لهم :انا بهاجر قالوا له وين تبي تهاجر
قال بروح لامريكا وباتعلم واكون نفسي , واقنعهم ..
والله ويبيعون اهله ما وراهم ودونهم عشان يسفرونه ويفتكون من خشته اللي كانها ضب مسوي ريجيم
ايه سافر راشد للخارج وبعد فتره ارسل رساله لاهله يطمنهم عليه ويقولهم ان الاغراض غاليه
في امريكا من شمغ وعقل وطواقي وثياب( وش دعوى هذا سوق الديره موب امريكا)
قال لهم انه يبي اغراض كاتبها بالرساله وقال ارسلوها بسرعه وكتب لهم في نهاية الرساله
ص.ب42
اشتروا اهله كل شي وعجزوا لا يفكون هالرمز ص.ب42
قعدوا يسالون في الحوطه وما جاورها عن هالغرض اللي يبيه ولدهم وعجزوا لا يعرفونه
قالوا ما لنا الا الرياض المهم راحوا للرياض ويوجهون لاقرب سوق واول واحد قابلوه
واحد كاشخ ومترزز وقفوه وقالوا يالاخو انت من وين قال من اهل الحوطه بس الحمد لله متعلم ومعي الدكتوراه
قام الشايب وقال ما شاء الله تبارك الله والله تطوروا عيالس يالحوطه
المهم يا دكتور لنا ولد بامريكا ارسل لنا يبي مقاضي وجبناها الا آخر شي طلبه عجزنا لا نعرفه
وانت دكتور وفاهم واكيد بتعرفها ,
اخذ الدكتور الرساله وبعد ما قراها جلس يضحك وقال لكم اسبوع ما عرفتوها
انتم دايم كذا ياهل الحوطه تفشلونا ولا فيه امل تطورون عشان كذا انا منحاش وساكن بالرياض
المهم يبو راشد ص.ب 42 يعني ولدك يبي صندل بني مقاس 42 وامريكا ما فيها
رساله وصلتني على الايميل
الوضع العادي
