اجتمعوا اجتمعوا اجتعموا تكفون اجتعموا
 

اهلا بالجميع .

الله يالدنيا .. ماعمره طرى لي مثل هالطاري بس مادري ليه طرى .. كل اجتماعات اعضاء الشرف كانت تبحث في امور النادي او رئاسته .. واليوم طرا لي ليه مايجتمعون لمناقشة اسباب بعد بعضهم واختلافات بعضهم .
ويمكن يقول احد لا ماوصل بهم الحال يجتمعون لهالسبب .. طيب من اساسه هالطاري ليه انوجد .

الادارة دائما ماتصرح بان اعضاء الشرف مطلعون على كل مايجري وانه لايوجد اي خلاف بينهم وهذا مانتمناه .. ولكن !!
ولكن يادارتنا الموقره اللي نشوفه شي واللي تقولونه شي . برهنوا لنا واعقدوا اجتماع بعد موسم الاجازات خلونا نفرح عيوننا بشوفتكم كل واحدا ماسك الثاني مثل ماكنتم او انتم . اعضاد بعض . لن تكتمل افراحنا باي بطولة وانتم بعيدين عن النادي . وماتعودنا يكون تفكيرنا ونظرتنا اقصر من انوفنا .. حنااللي نرسم للبعيد ونخطط للبعيد . واذا اليوم ماجتمعنا فالله يستر على اللي يحمله لنا المستقبل البعيد .

قد يسأل سائلا مالفائده باجتماع الاجساد والقلوب ماهي على بعض .. واقول القرب كفيل بجمع القلوب . لاسيما وان اللي بين البعض اختلافات باذن الله بامكانها ان تزول المهم اننا نحط حد لهالامور اللي ارقتنا خلال هالاشهر ولا تلومونا.

بعدين ليه ماتجتمعون ياسند الزعيم .. الزعيم ومستقبله مو مستاهل اجتماع.. بعدكم الواضح مو مستاهل اجتماع . تقديركم لجمهوركم اللي يناشدكم بالوقوف مع بعض مو مستاهل اجتماع . استثمار النادي مو امر يستاهل الاجتماع .. اذا هالوقت اللي احوج مايكون فيه النادي لاجتماعكم ماجتمعتوا متى يكون الاجتماع اذا ؟؟؟!!!

*********************************************************

لانكم تستاهلون يا اعضاء الشرف ولان جهودكم الواضحه والمقدره على المدى البعيد سابقا ومستقبلا فانتم تستاهلون اقلها مباراة تكريمية لكم تجتمعون كلكم في المنصة الرئيسية ولا مع جمهوركم الذي احبكم . وامامكم عصارة جهودكم .. ابناءكم واخوانكم اللاعبين يمتعونكم ويمتعونا معكم على المستطيل الاخضر في سهره هلالية تعني الوفاء والتقدير لكم وتعني اولوية لم يسبقكم لها احد بالتكريم الجماعي لاعضاء الشرف
فهل تتحقق هذه المنية .

والله هذا الموضوع مسبب لي قلق من فترة طويلة....

في بعض اعضاء الشرف المعروفين ما سمعنا منهم او عنهم شي لأكثر من سنة...

السلام عليكم اخوي واازعيماه

هالشي بدا يخوفنا بعد ماكان يقلقنا:( ..

الشي هذا ليس من مصلحة الزعيم ...

ارجوا ان تصفى كل خلافات اعضاء الشرف باسرع وقت ممكن فالموسم قارب
موعد انطلاقته ،،

بالتوفيق للزعيم

هلا فيك يالغالي

حدث خلافات في الهلال قبل ذلك

ولكن عندما تكون مصلحة الهلال يتفقون

اختلاف الراي بالهلال غير باقي ألأنديه

اي لا يفسد للود قضيه

تقبل تحياتي

هذي اول مره تمر على اعضاء الهلال

هذا الجفاء والبعد عن النادي

فبعد ان كانوا يدا واحده ويختلفوا من اجل الهلال

ويتفقوا من اجله لم نعد نراهم !!!!!!

ايها الاعضاء الهلال بحاجتكم وانتم بحاجته .

لكن ان شاء الله يعودوا كما كانوا .

وشكرا لك .

اهلا بالجميع ..
هلا عزيزي hilali_4_ever
الكثير يشاركك القلق وانا اولهم وكلا عنده مصادره ورؤيته اللي تأكد ماتحاول الادارة ان تنفيه . الله يسمعنا ويسمعك الاخبار اللي تسر وتجلي الغمه وتزيل القلق يالغالي .

وعليكم السلام عزيزي جابر عثرات الهلال
ماهو القلق اذا مالقى من يهديه مصيره الخوف اخوي جابر .. وقربهم اللي ننشده ننشده دوم مو قبل بداية الموسم او عند البطولات . واشاركك الاماني بالتوفيق للزعيم .


هلا وغلا عزيزي ابو سليمان
اشاركك الرأي انه حصل امور كثيره اختلفوا فيها ورجعوا لمصلحة الزعيم .. لكن ماتشاركني ايضا الرأي انه لأول مره وفي أقل من ستة اشهر يقدم رئيس اعضاء الشرف صاحب السمو الملكي الأمير هذلول بن عبدالعزيز استقالته مرتين .. ولأول مره نرى صمت عجيب من بعض اعضاء الشرف في عدة احداث منها دورهم في استثمار النادي وموضوع التوأمه مع ريال مدريد و تأجيل بطولة العالم للاندية والايقاف الغير مقنع ليوسف الثنيان والكاتو والاحداث اللي صاحبت قناعات البعض بالاستاذ/ فهد المصيبيح . ولأول مره يتكفل رئيس النادي والنادي بعقود المدرب واللا عبين الاجانب دون ان يكون هناك اي دعم واضح من بعض الشرف الذين عودونا .. امور كثيره عزيزي ابو سليمان تضع الف علامة استفهام .. وانشاءالله مثل ماقلت يرجعون كما كانوا لمصلحة الزعيم .


هلا عزيزي صدى الامس ..
ياخوفي من احساسا نحسه ونشوفه اقرب للصح لكننا نكذبه ونحاول نقنع انفسنا اننا خطأ . الاختلاف هالمره من البعض شكلة مو من أجل الهلال . لانه مو اعتراضا على مدرب ولا اعتراضا على لاعب ولا اعتراضا حتى على سياسة وتوجهات النادي .. وان كانت هالاشياء هي السبب فتلك اعظم .. لانك يوم تختلف ولا تبدي الرأي فكانك مؤمن بانه لاوجود كلمة لاعضاء الشرف ويوم تختلف ولا تبي انت تبدي الرأي فانت للاسف مايهمك الزعيم ولكن مثل ماقلت انشاءالله هي شكوك واوهام . وانشاءالله بشوفتهم قريب مع بعض يرتاح البال ويزول القلق والخوف .

مهما اختلفنا مدام همنا الاول الزعيم هالشي قادر يزيل اي اختلاف .