والله هذي الحقيقة لعب الصويلح والعنبر أفضل من ياسر سواءاً في المنتخب أو الهلال

هذه الحقيقة المره صراحة وأنا كنت معارض بشدة على المبلغ

لكن إن شاء الله يتحسن :)

ياابن الحلال خلك من الاثاره اللى مالها داعى الحين تهاجم ياسر وهو ماله مباراتين علشان تطلع قضيه مالها اساس نسل الله لك الهدايه

امتحنتونا بياسر
نبيه نبيه

ويوم جا انقلع

ماصارت اصبروا على الرجال شوي

[align=center]السلام عليكم ورحمة الله وبركاته

تحية طيبة أخوي ...


راح أتكلم بموضوع ياسر بكل عقلانية مثل ماتفضلت أخوي ...


وراح أقول لك شي يمكن أنت رتبت كلامك عليه ... وهو حكمك على ياسر من خلال ثلاث مباريات ..

أي العقلانية أخوي وأنت الآن تحكم على ياسر من ثلاث مباريات ...


أنا لازلت أقول إن الصفقة كبيرة صراحة وبـ20 مليون مافيه ولا لاعب سعودي يستحق المبلغ ...

بس ياسر يبقى لاعب كاسر وقناص أمام الخصم ومهاجم خطير ومقاتل ...


ولكن ماتدري وش الأسباب الي منعته من الظهور بالمستوى المطلوب ....


فيه عدة أسباب يمكن تقول إنها سبب من أسباب عدم توفيقه ...


عندك فوق كل شي توفيق ربك .. ياسر لعب ثلاث مباريات فقط مايعني انه ماسجل الا هدفين يعني انه مهاجم غير كفؤ ...


يعني 3 مباريات وهدفين ممتاز لحد الآن نسبة إلى كونه لعب ثلاث مباريات ...


ياسر تحت ضغط جماهيري كبير ....

تحت ضغط جماهيره التي تعشقه وتنتظر منه الكثير والكثير ويبي يسعدهم ..

وتحت ضعط جماهير تتربص به وتنتظر من عدم تقديم المستوى المأمول عشان تسن سكاكينها ويبي يرد عليهم ...


ياسر لعب مهاجم وحيدا في خط الهجوم وهذا أنهك قواه ...


أول مباراة أمام الحزم أنا حضرتها كان ياسر وحيدا في خط الهجوم ...

وتراجع مخيف جدا في مستوى صانعي اللعب في الهلال في تلك المباراة ..

ومع ذلك سجل هدف التقدم للهلال ...



لعب مباراة مع الأهلي وكان تحت ضغط كبير وأول نهائي له ... وعدم التوفيق في مباراة مايعني بالضرورة إنه لاعب عادي ...


لعب مباراة مع الاتفاق .. وشاغب في خط الهجوم وقدم مستوى متطورا عن المباراتين السابقتين ..

وحقق هدف من ضربة جزاء كما أشرت .. ولكن ماذكرت انه كان المتسبب بضربة الجزاء ...




ياسر مهاجم بارع جدا وقناص .... اتركوه بحاله هاليومين بس ... وان شاء الله بتشوفون شي غير ..

الهلال كله ماقدم المستوى اللي كنا متوقعينه مع ذلك بدا الموسم كله بانتصارات لم يخسر ولا مباراة



الصويلح بصراحة ومازلت أقولها وأكررها ... >>> أفضل مهاجم سعودي الآن <<<

العنبر مهاجم خطير يجيد ضربات الرأس بشكل احترافي الله يوفقه ويطور من مستواه ....



يبقى الثلاثي الناري في خط الهجوم هم مستقبل الهجوم الأزرق .... دعواتنا لهم بالتوفيق ....


[glow=0000FF]سامي بن عبدالله الجابر .. روح الأزرق .... متى يرجع بس ..!؟!؟[/glow]



تحياتي لك أخوي وأشكرك على الموضوع ... أخوك أبوساري[/align]

اصبر الصبر زين

اصبر وتشوف ياسر كيف يقتنصهم

عزوزي يا شين العجلة
اركد
اركد
متعب نفسك على هالمقال علشان تقول ياسر ما عجبني ؟
ما راح ارد عليك
يسر بيرد عليك وبذكرك انت بالذات وابيك تمدحه اذا بدع علشان ما نشكك فيك وبمقاصدك :nono:

والله بدري عليه بعدين الكل يعرف مستواة يعني مو جديد عليكم
وانشاء الله ياسر هداف الدوري

لاتحكم على العب من مباره اوثنتين بالعكس كل العبين ممتازين وكلهم جسد واحد والله يعطيهم الصحه والعافيه

[align=center]حرااااااااااااااام عليك وانا اقولهم في المواضيع كل جماهير الهلال تقول اصبروا على ياسر وانت لأ
الصبر ثم الصبر ثم الصبر تحكم عليه من كم مباراه بس خليه ينسجم بعدين احكم
تحياتي[/align]

كم تبي؟
درزن أهداف كل مباراة؟
فكونا من هالمبزرة اللي ما تفهم كورة يا ناس.
لعلمك في مباراة الأهلي الرقابة شديدة على ياسر.

من جد انتم اكلتم ياسر بقشوره...... :cry: :cry:

اصبروا عليه شوي وبيسكتكم بافعاله وبتشوفون s13s s13s



يعني هذا القناص معقوله ماتعرفونه........... s60s s60s
s42s s42s s42s s42s
:raygun: :raygun: :raygun: :raygun:
:gunbandan :gunbandan :gunbandan :gunbandan
:sniper: :sniper: :sniper: :sniper:

كلهم نجوم



والعجله من الشيطان



والموسم توّه بأوله



فقط انتظروهم


وانظروا لهم بالعين الهلاليه الثاقبة النظر

عليك نقد مثل وجهك :nono:


ومعليش حبيبي ياسر المهاجم الاول بالمملكه بشهادة كاليدرون وفاندرليم الذين دربوا ياسر منذ انضمامه للمنتخب s13s

بعدين حبيبي اذا تبي تنتقد انتقد باسلوب حلو مو اسلوب همجي وتحطيمي :nono:

ياهلا والله بكل من رد وتفاعل ورد على الموضوع سواءا كان بالاحسان او بالاساءة :)

انا كنت متوقع هالرد من بعض الجمهور الهلالي الذي اصبح ياسر احد رموزه رغم انه

حاليا في بداية المشوار مع الزعيم وانا عالعموم انا ماقلت طردوا ياسر او رجعوه ياسر

ولكن كل الي قلته انه بهذا المستوى الذي يقدمه حاليا اعتقد ان العنبر والصويلح هم

الاحق بالمشاركة ومتى ماعاد الى مستواه المعروف عنه فسيكون الخيار الافضل لي

انا اولا وللجماهير الهلالية عامة s13s

انا انتقدت ياسر لتنبيهه ان هذا المستوى ليس مستواه المعروف عنه وليس هو المنتظر منه

وماذكرته صحيح واتمنى ان يرجع لنا ياسر المعروف بمستواه الرائع وبقنصه للاهداف :rolleyes:


خلال ردي سأعلق على كل من تفاعل مع موضوعي بالرد والتعبير عن وجهة نظره :

الساهر 99 : آه من الذيب بس متى بيرجع الذيب ؟ مشكور اخوي على الرد . .


جروح البعد : ان شاء الله يرجع لنا ياسر الي نعرفه بسرعة . .


روح الوافي : نتمنى ان يكون ياسر هو الهداف ولكن بهذا المستوى لااعتقد وان كنت

ترى نسبة الهدفين كويسة وهما على الحزم والاتفاق احدهما من ضربة جزاء فبو عذاب

احرز ثلاث اهداف على بطل ووصيف الدوري وانظر الى الفرق ، عالعموم ننتظر من ياسر

المستوى المعروف عنه . .


الهلال موتي : مشكور اخوي هذا رايك والرأي لايفسد للود قضية ونحن في انتظار مستوى

ياسر المعروف عنه . .


صعبة اتغلى عليك : نحن في انتظار مستوى ياسر المعروف عنه . .


صدوق الود : نحن في انتظار مستوى ياسر المعروف عنه ، والعنبر احلى مافيه يجيب اهداف

سواءا براسه ولا بيده المهم انها اهداف وفي اوقات حساااسة s60s


الشاكي : نتمنى ان يكون ذلك بأسرع وقت ممكن . .


لولوة الزعيم : ان شاء الله يرجع لنا ياسر الي نعرفه بأسرع وقت ممكن . .


صالح ؟؟؟؟ : مالنا الا الصبر وان شاء الله يعوضنا عن هالصبر القناص يارب آمين :rolleyes:


صفر واحد : والله انا اقول الاستفادة من الصويلح مع الفريق الاولمبي او الاول افضل من اعارته

لانه بصراحة من افضل المهاجمين الموجودين في الهلال ولو مالعب اساسي بيكون احتياطي . .


BEBRS : كل واحد وله رايه وعالعموم كلهم مجندين لخدمة الزعيم وان شاء الله يرجع لنا

ياسر الي نعرفه . .


باكيتا الصغير : والله اخوي هاذي الحقيقة ممكن انها تزعل البعض ولكن الاهم هو انه يتنبه

ان الجمهور الهلالي ماراح يرضى الا بياسر القناص . .


تشيلساوي : هههههههههههههههههههههه والله كلنا كنا نبيه بس نبي ياسر القناص

بمستواه المعروف عنه . .


درعاوي - هلالي : ان شاء الله يرجع لنا ياسر الي نعرفه . .


سامي والباقي اسامي : نحن في انتظار القناص لكي يقتنصهم . .


blueto0oth : انا والله مااستعجلت الا بعد ماشفت كيف الصويلح كان يحترق في الاحتياط

يبي ينزل الملعب ولما نزل حط هدف عالمي وقدم لمسات لم يقدمها ياسر طوال المباراة

عالعموم نحن في انتظار ياسر القناص وصدقني لو شفت بكون اول الفرحين بمستوى القناص

وراح ابارك لك انت بالذات عشان اذكرك فيني . .


ابو منال : ان شاء الله يرجع لنا ياسر الي نعرفه بمستواه كقناص ونحن في الانتظار . .


GAME: مشكور اخوي وان شاء الله يرجع لنا ياسر الي تعرفه . .


هلالية مووت : والله انا ماانتقدته الا لمصلحته لان مو هذا ياسر الي نعرفه ، عالعموم ان

شاء الله يرجع لنا ياسر الي نعرفه بسرعة . .


عنتر بنشداد : ماابغى نص درزن ابي ياسر القناص المعروف بمستواه الرائع وكيف يقتنص

الاهداف وان جات النص درزن ماراح اكره ، من ناحية المبزرة الي انت تتكلم عنها فيني

انا بوضح لك نقطة يمكن انها غابت عن بالك : انا قلت هذا رايي ومافي احد له دخل في

رايي وان كنت ماتعرف تقرأ تقدر تستنتج منهو البزر احين ياغالي ، اما الرقابة التي على

ياسر فالعنبر كذلك كانت عليه رقابة ولكنه هدد المرمى في الشوط الاول لوحده بسبع

كرات رأسية وهنا يتضح لنا ان ياسر لم يقدم مستواه المعروف عنه ، احنا في انتظار القناص . .


ظهير ايسر : كلهم نجوم ومو مقصرين وان شاء الله يرجع لنا القناص الي نعرفه بأسرع وقت

ممكن . .


الابداع كله سامي : والله اخوي كنت تقدر تقول كلمة احلى من زي وجهك على الاقل احتراما

للكاتب وللقراء وانا زي ماقلت هذا راايي ومافي احد له دخل في رايي ، ياسر هو الافضل

ولكن بمستواه المعروف عنه وليس بهذا المستوى ، وان كان اسلوبي همجي اتمنى ان تقرا

ردك وتعرف من الي يتكلم بهمجية وتعصب . .



لي عودة مع اصحاب الردود المطولة والذين لهم مني كل محبة وتقدير s13s