|
شباب تكفون فزعتكم ...عني بحث عن طرق الغش بالكمبيوتر ومحتاج لكم شباب تكفون فزعتكم ... عندي بحث يتكلم عن أساليب الغش في بيع أجهزة الكمبيوتر وتكفون عطوني اللي عندكم... ولو فيه مواقع تتكلم عن الموضوع تكفون علموني ... ومشكورين مقدما ... |
احوم حول الموضوع من ربع ساعه تقول صقر يحوم على ارنب :D مدري وش تبي بالضبط وضح عشان يمكن اقدر اتفلسف عليك والا قلت ما اعرف :( |
:) الموضوع مش واضح زي ما قال ابو طفولة متأخرة عويشق النمر بس الغش هالايام عيني عينك قبل اسبوع رحت انا وخويي نشتري جهاز كمبيوتر المهم طالبين كرت شاشة تي ان تي ريفا حطوا لنا( سفاج ) يوم اكتشفاها بالصدفة خرب الجهاز وفتحناه ..(مسوين فاهمين) .. الا كرت الشاشة مهوب على خبرنا واحنا نقش الجهاز ونروح لواحد رفيقنا خبير قال: كرت الشاشة زي ماقلت (سفاج) ونجيك مشوتين للمصري وقلنا له السالفة يوم غدا لونه ازرق قال : (ياليته ماقال ) :mad: تعرررف وش قال : كلها زي بعض اعنبوا دارك تي ان تي ريفا زي السفاج والله ودي اني صافقه على جبعته عشان يعرف يتفلسف كلمنا راعي المحل (السعودي ) وغيرروه . ياكثر ماصارت لبعض الناس ياليت توضح عشان نقدر نفيدك كانك تبي شوري الف كتاب غش عن هالمصاريه يعطونك من هالكلام اللي يقطر عسل والواحد يصدق |
الغالي عاشق النمر .. الغالي غبار النجوم ... مشكورين على المساعدة ... القصة وما فيها ... تخيل إن فيه واحد ناوي يشتري جهاز كمبيوتر ... وهو مايدري وش السالفة .... كيف بتنصحه ... مثلا ... أنا من الناس اللي غشوني في جهاز .. شاريه بست آلاف والرام 256 لكن آخرها حط عرض الناقل (bus) .. 100 والمفروض 133 يعني زي كذا ومشكورين على المساعدة |
اذا عزمت تشتري جهاز او كان احد موصيك على جهاز علمني وانا ادلك على محل من ثقة بعض زباينه يطلبون المواصفات بالتلفون وهي شركة مرموقة هــــــــــــــــذا اذا كنت بتشتري تجميع . اما اذاكنت بتدفع ستة الآف ورا ماتشتري جهاز مقفل يعني شد بلد من بلده كذا وترتاح من قضية الغش وافضل الشركات في الاجهزة المقفلة بلامنازع IBM وفي شركة حلوه ايضا وهي CREATIVE وعندها جهاز حاز على عشرات الجوائز العالمية بجيب لك موديله اذا بغيت. وفيه ايضا كومباك لا بأس بها . وانا رهن اشارتك .. |
| الوقت المعتمد في المنتدى بتوقيت جرينتش +3.
الوقت الان » 01:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd