|
مساعدة ياشباب أحد يعرف اسم مدير شؤون المعلمين بالوزارة يا شباب أحد يعرف اسم مدير شؤون المعلمين بوزارة المعارف وهل هو موجود أم مجاز للأهمية وشكراً للجميع.. ممكن مساعدتي على البريد أو هنا ... |
اسمه عبدالكريم الزهراني .. ولاتقول لي بتدور واسطه باذن الله مايردك الا ابقيق والا الخرخير واسئل مجرب قبلك يابعدي ........وتراه حسب علمي غير مجاز وبتبدا اجازته مثل عادتهم كل سنه بعد اسبوع من الان او اكثر شوي تحياتي لك واذا بغيت شي تامر امر <-------- واحد مسوي نفسه يعرف كل حقين الوزاره ... سلالالالالالالالام |
الله يعطيك العافية ...... الله يخليك يا خوي salman99999 ، والحين عرفت اسمه.... والموضوع ما فيه واسطه ولا غيره عندهم خطأ في نقلي والسبب إدخال بيانات خاطيء ، وإن شاء الله ( محلوله ) ، صارت كمياء!.. وإن شاء الله جنب البيت ..( إنقهرو .. إذا كنتم من أهل بقيق والا الخرخير ).. أنا بدون واسطة أو أي شيء غيره .. جنب الدار إن شاء الله . وردك أفضل من حقين الوزارة كلهم.... ألف شكر لك ... وللمرة الخمسين ما تقصر .. وتحياتي لك يالغالي |
ياخوي انشالله يحطونك جنب البيت بس لا تغلطون على بقيق...... وش جاب بقيق للخرخير الخرخير مره وحده:mad: واذا ماتعرفون عن بقيق شي فرصه اعرفكم على مدينتي الحبيبه:D اضغط هنا |
لا تفهمنا غلط......! الله يعطيك العافية أخوي أبو نوف بس لا تفهمنا غلط ترى بقيق على العين والراس وهي من محافظاتنا الحبيبة والغالية علينا يكفي إنك منها ... المهم هذا سلمان هو الي جاب الكلام ... ( ما علي منه ) تورط سلمان...! اسمعني زين .. ترى سلمان99999 يقصد أنه ببعد المسافة تكون في بقيق أو أبعد في الخرخير .. وأنا ما علي منه .. إن شاء الله واثق جنب الدار.. أي المقصود هي المسافة وليس شيء آخر ... وبعدين ترى بقيق أعجبتني من الوصلة التي وضعتها لنا وعلى فكرة الصور مرة حلوة وأكيد اهل بقيق ممتازين واخلاقهم عالية مثلك .. وختاماً لك ألف شكر .. وتقبل تحياتي .. أخوك صالح |
اخوي صالح مشكور على كلامك الطيب والموضوع مايتعدا مزح وحتى لو نقلوك في بقيق بنحطك في عيونا;) انت واخوي سلمان |
لا والله يابونوف انا ابي الرياض ولاابي ابقيق ولاغيرها ولو انك فيها ..... وبعدين يابونوف ترى الخرخير تبع المنطقه الشرقيه تعليمياً وابقيق نفس الشي انا ماابعدت وهذا قصدي اللي يتعين في الشرقيه مايخاف الا من ايقيق او الخرخير...... تحياتي لكم والله من قلها ياصالح اجل خرت وقلت سلمان اللي قال ايه وضامن تعيين في الرياض باذن الله اسعي فيها وتروح للخرخير :):) ... سلالالالالالالالالالالالام |
اسمع يخوي كان تبي واسطه انا مستعد ترى انا امون على فراش مكتبه :rolleyes: يعني من زود الميانه اول ما يشوفني مقبل عليه على طول يصب الشاهي لي :o تدلل آمر وش تبي منه لا يردك الا لسانك :cool: |
ما عندك إلا كل خير..........! رحت عندهم و ياليتي مارحت ، برنامج حوسه الظاهر الي مسويه لهم ما يعرف شيء اسمه رغبة والا خدمه جدع وبس هذا الي عنده ، وخذ يا أوراق وخذ روحة وجيه الين ادوخ حول العصر ( والله تجيء ثلاث ) وانا انزل وأطلع وفلان طلع وعلان ما جاء والحين أنا مليت منهم ورجعت ولقيتكم رادين وقلت ما أخليك يا سلمان99999 انت وعاشق النمر....... البلشه ذا .. اسمع يا سلمان الحمدلله إن الخرخير تبع الشرقيه وإلا كان علوم ، وأنت تبي من يقعدلك قعده ويدبر أموره ثم ينقلك لعبيله وشواله. وانت ياعاشق .. ترا صبة الشاهي ماهي عندهم والله شفه عند الشركات وعصير اول ما تدخل ولكن دوام ينحلونك تنحيل إلى خمس العصر وتطلع دايخ ، ولا تعرف عمه وإلا خاله. يعني ما تقدر تزور وتصل رحمك ..... وفراشك الي انت باز فيه مريت عليه في غرفة الشاهي ويوم شاف إني صاكن راسي وأبدخل عليه ومير هاك الشايب يفترك ويعطين ظهره ، وأجلس وأقوله وين المغاسل ودورات المياة أبتوضأ ، قال هذي ماهي دورة مياة وهو يتكلم عرف إني منحاس ويلتفت لمي ، قال وش جايبك قلت صبلي شاهي وأعلمك ويصب الرجال بكاس كبير قلت له ترآي راعي قهوة إذا عندك قال الي يبي قهوة يجيء بدري وأنا مشيء الموظفين على كذا ( والله أثر خويك شديد ) وأعطيه السالفة كله . قال هذا أبو زهراني : المدير ، رجال طيب اشرح وضعك وترا الرجال دايم يحل مشاكل الناس ويقضي الشاهي وأجي أبمشي للصلاة قال إذا جيت السبت مر علي بدري . عاد مدري وش يبي الظاهر إنه عرف إني دايخ منهم ويمكن يبي يتوسط لي ، وإلا يمكن يعني ( يمكنين أو ثلاث يمكنات ) إنك يالعاشق موصيه علي بس مدري هي على صبة الشاهي وإلا على التقريب ... وشكراً لكم جميعاً.. |
| الوقت المعتمد في المنتدى بتوقيت جرينتش +3.
الوقت الان » 08:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd