نادي الهلال السعودي - شبكة الزعيم - الموقع الرسمي - وانا وسامي وقصة العاشق المجنون

[align=center]
منذ نعومة أظافري أيام المسح اللي يصير باليدين

عندما كنت صغيرا وش حليلي بس ماني نضيف مثل ما انتم عارفين :p

وبعد أن اشتغل عندنا التلفزيون وعرفت الهلال وعشقته بجنون :tvhappy:

فأصبحت بحمد الله هلاليا <-- لان أول مباراة جابوها بالتلفزيون كانت للهلال فشجعته لأني مدري

إذا فيه أندية غيره وغير نادي الارطاوي

فتولعت بالهلال ومحد طفاني إلى الآن والحمد لله ..

وبقيت أشجع الهلال وأحب لاعبينه كل أبوهم .. من طيب الذكر أبو فهد

إلى خشة الحبشي فهد

لافرق بينهم عندي كلهم سواسية كأسنان المشط باسكال مشعلاني .. :D

ومع مرور الأيام أصبحت متعصباً للهلال .. :gunbandan

واذكر أني في مباريات الهلال كنت امسك بيدي نعلة قصيمية s29s

أصفق بها رأسي عندما تضيع فرصة للهلال من شدة التعصب .. :wallbash:

ودارت الأيام ومشت الأيام وكبر دماغي من صفق النعول :hammer:

وفجأة

ظهر هذا المدعو سامي الجابر غفر الله له ذنوبه وسدد خطاه

وكان هذا في بداية انتقالي للرياض للدراسة ..

ووينك يا ملعب الملز كل مباراة وأنا مثل الجني بالمدرج لحالي من بدري .. s13s

وشوي شوي صرت أشوف نفسي أحب هالولد اللي ينقاله سامي :wub:

وأكيف وافرح إذا سجل قول .. أكثر من فرحتي يوم يوسف جازع يسجل

وكدت اشك بنفسي وأنا مني قلت لازم احلل

وسألت نفسي

قلت وش فيني بس افرح لأهداف سامي

فجاوبني صدى فؤادي انه الحب يا ولد

وبدأ هذا السامي يأكل قلبي شيئا فشيئا وأنا أتفرج عليه ولا اهاوشه

ومخليه على راحته .. ما أقول له شي

ولقيت نفسي صرت أبيه يسجل حتى لو انهزم الهلال

يعني صرت أشجع سامي مو الهلال ...

أما منتخبنا الوطني فحدث ولا حرج ..

فلا اذكر أني فرحت لهدف للمنتخب من غير سامي .. والله لو على كاس ا لعالم

وإذا مو بالتشكيلة أو مالعب .. المباراة كلها ما أشوفها

بالله وش لي فيهم بدون سمسم

وحتى إلى درجة واقسم بالله على هذا

إن ا سامي إذا تغير بالشوط الثاني اقلب وأشجع الفريق اللي ضد منتخبنا

ليش ماا دري ؟

وكانت الطامة أني شجعت النصر ضد الهلال رغم أني اكره النصر

أكثر من القمل والصيبان اللي براسي يوم أنا صغير

لكن بعد احتراف معشوقي .. أي سامي في بريطانيا

شجعت النصر في نهائي البطولة العربية ضد الهلال .. كش علي

ولا ادري إلى الآن لماذا

ربما حتى أقول للي ما يحب سامي

كش عليهم

نسمع من يقارن الاسامي بماجدهم

وش جاب الثرياء عند الثراء :nono:

امثال هلالية

سامي هو السامي والباقي اسامي s60s

مسكين ياللي ماعنده سامي :wallbash:

**************************************************

قفلة [/align]

[align=center]وأنا بعيد عنكِ ..وأنتِ بعيدة
تتوقف كل الحواس .. وتصبح بلا فائدة
وأكتفي بحاسة الشوق
التي تشتعل من أجلكِ بلاتوقف.[/align]