بسم الله الرحمن الرحيم
اهلا بكم يامشجعي اعظم نادي في اسيا ونادي القرن (الهلال)
حبيت اسالكم عن اي موقف حصلكم في سبيل حبكم للهلال سواء موقف حزين او سعيد
وبابدا انا باللي صار لي في يوم مباراه الهلال مع القادسيه بكاس ولي العهد في عهد الامير عبدالله بن مساعد
يوم سجل الهلال هدف الفوز قمت اصرخ وانطنط من الفرحه وطلعت من الغرفه باروح الملحق ومن الفرحه ماشفت الدرجتين اللي عند الباب وطحت وودوني المستشفى الجامعي طلع عندي 3كسور بامشاط القدم اليمنى وحطولي جبيرة لمده شهرين واسبوعين وصرت اراجع لين ماراحت والحمد لله ويوم الحادثه ابوي نصراوي وهو موديني للمستشفى قاللي قوليلي الحين بايش راح يفيدك الهلال
قلتله كل شي لاجل الهلال يهون
وانا حبيت اعرف كل عضو ايش صار له من موقف مع اهله اوصديقه اوحتى بالمدرسه
يقولنا عليه [/color]وسلامتكم
عاشقه الهلال منذ الصغر(الزعيمة)

بسم الله الرحمن الرحيم
اهلا بكم يامشجعي اعظم نادي في اسيا ونادي القرن (الهلال)
حبيت اسالكم عن اي موقف حصلكم في سبيل حبكم للهلال سواء موقف حزين او سعيد
وبابدا انا باللي صار لي في يوم مباراه الهلال مع القادسيه بكاس ولي العهد في عهد الامير عبدالله بن مساعد
يوم سجل الهلال هدف الفوز قمت اصرخ وانطنط من الفرحه وطلعت من الغرفه باروح الملحق ومن الفرحه ماشفت الدرجتين اللي عند الباب وطحت وودوني المستشفى الجامعي طلع عندي 3كسور بامشاط القدم اليمنى وحطولي جبيرة لمده شهرين واسبوعين وصرت اراجع لين ماراحت والحمد لله ويوم الحادثه ابوي نصراوي وهو موديني للمستشفى قاللي قوليلي الحين بايش راح يفيدك الهلال
قلتله كل شي لاجل الهلال يهون
وانا حبيت اعرف كل عضو ايش صار له من موقف مع اهله اوصديقه اوحتى بالمدرسه
يقولنا عليه وسلامتكم
عاشقه الهلال منذ الصغر(الزعيمة)[/color]

اطرف موقف صار لي بكافييه .. ايام البطولة العربية .. يوم يلعب النصر
ويضيع ضربه جزاء اللي كملها البيشي برى :p
قمت لا شعوريا من الفرحه .. لان البطولة اتوماتيك بتتجه للزعيم
ونسيت ان اغلب الموجودين نصراويه
وبقية المشهد ( طق وطقيق وهواش ) >>> لا تعليق .... ساااالفه بس ما انساها

سلامتك والله
هههههههههههههههههههههههه

انا بالنسبه لي وانا صغير ما كنت يم الكووره ابد

الين جا ذاك اليوم اللي سالني فيه خالي وش تشجع
الهلال ، النصر ، الشباب
عاد انا مدري وش السالفه قلت له الشباب
قام وداني لغرفته وقال اللي مهوب هلالي يبنطق بذا الخيزرانه
هاه وش تشجع قلت له الهلال وانا اصيح من الخوف
قام عطاني خمسين ريال وقالي ايه خلك كذا رجال


وتقبلوا تحيتي

الموقف الي حصل هو انه اول مره رايح اشوف زوجة المستقبل طبعاً النظره الشرعيه كان يوم مباراة الهلال والنصر قبل ثلاث سنوات وكنت في المجلس اطالع المباراه ووقت دخول البنت بالعصير سجل النصر هدف
لا شعورياً قلت ويش هالنحس اليوم !!!!!! طبعاً اول مره اشوفها وهي كذلك حاولت ارقع بس ما فاد
كان اثر الهدف النصراوي قوي ..... ولكن الحمدلله اليوم انا متزوجها وفي خلال الأسبوعين القادمه ان شاءالله تطل اشراقت اول مولود لي وتحديداً بنت قررت تسميتها بأسم ام او زوجة الامير محمد بن فيصل ولكن للاسف لا اعرف اسم احد فيهم اتمنى من يعرف الاسم ابلاغي بسرعه ..
وعلى فكره من ذاك اليوم الى اليوم مباراة الهلال والنصر اشوفها بعيد عن زوجتي

ههههههههههههههههههههههههههههههههههههههههههههههههههههههههههههههههههههههههههه
الله يرج ابليسكم

<<< منبطح ارض جو ضحك

مواقف جدا حلوه

وبالنسبة لي اكثر من موقف منها

كنت اتابع مباراة الهلال والنصر اللي فاز فيها النصر بأسم النهائي المثير او نهائي العمر بضربة الجزاء المضحكه المبكيه المهم كنت من زود الحماس جالس على كرسي قبال التلفزيون مباشره وحاط رجلي على المكتبة ويوم سجلوا الهدف من زود القهر دفيت المكتبه بأقوى ماعندي وطاح بي الكرسي على ورى وجت ضربه براسي واغمى علي ونص اغارض المكتبه طاحت فوقي ماقمت الا وانا في الصاله يرشون علي مويه .

والموقف الثاني في الملعب حصل لي من قبل كم سنه الهلال والنصر كنت في الملعب ومعاي اخوي الصغير وبعد نهاية المباراة كنت متشقق من الفرحه وازاعق وانطنط وانهبل واخوي مستغرب مني لين طحت واغمى علي من الاجهاد عاد اخوي وصل الخبر لأبوي وقعد يهزئ مهبول ومو صاحي انت و و و و

هذا اللي اذكره زيادة على ان اي نهائي يخسره الهلال او يوم 4/4 ويوم الخمسه من الاهلى قبل العام كنت اغيب عن الدوام

ولكم جزيل الشكر

طبعاً أطرف موقف صااار معي وأنا عمري 7 سنين [ أولى إبتدائي ] وكااااانت أول سنه لي أشجع يعني ولله الحمد من بداياتي كانت ميولي هلاليه والوريد أزرق والشريان أبيض مثل مااااقول لأهلي المهم ندخل بالساااالفة كااااانوا الأهل خااارجين تمشيه وسبحاااان الله موقتين مع بداااية المبااارااه المهم أخووووكم حطهاااا في رأسه أنه المبااراااه ذي ماتفوووته أعتقد كاااانت مع فريق كوووري بس والله ما أفتكره المهم جبت الموضوع للوااالده من تحت لتحت يعني من دووون أحد يعرف والواااالده كل شي إلا إني أزعل طبعاً هذااا زمااان الحين خلاااااص قالت الوااالده مااايصير وكيف وماأدري ايش ولحااالك المهم بعد محاااولاااات وافقت جينااا في المصيبه الكبرى كيف يواااافق الواااالد أبوي الله يحفظه ماااااتمشي عنده السوووالف ذي كووووره وماأعرف أيش المهم نزلوا الأهل بقيت أنا لوووحدي في البيت والوااالد ينتضر في السيااااره الكلااااام هذا وقت صلاااااة العشااااااء سأل الوااااالد عني قااالت الواااالده والله مو جاااي ليه قاااالت بيتفرج في المباااراااه قاااام سحب البريك سمعته من الدووور الثاااالث عرفت ان الساااالفه فيهاااا طق وطقيق قلت أيش اسوووي مااااالك إلا تصلي وتطوووول في الصلاة والله كبرت على طووول من دووون لا وظوء ولا شي مااافي إلا سور أخلص من الفااااتحه وأقرأ خمس سور وراااهااا ولا بعد أرتلهاااا المهم دخل علي وأنا أصلي وانا الحين أشوووف ثوووبه من الجنب مااااامشى وجلس لين خلصت طبعاً كااانت التسليمه الثااااانيه على جهته لمن سلمت وشفته وااااقف قمت وكملت الله أكبر من زووود الطواااعه قااااام سحبني مع رقبتي :p قاااال أقلك بتضحك علي أنت صلااااة أيش هذي اللي بتصليهاااا قلتله والله اليوووم نسيت ماااصليت العصر والمغرب وبصليهاااا كلهااااا الحين ناااااظر فيني بحرقه عين المهم ماااااتحمل المووووقف قاااام يضحك قال الله يهديك ياااااااولدي بدت المبااااراااه وقد راااح منهااا ربع ساااعه وأنا أصلي قاااالي خلااااااص أجلس بس أنتبه على نفسك والله تقووول فاااااز الهلاااال يووووم قااال أجلس ولين يووومك هذاااا الواااالد يذكرررررني فيهااااا تقريباً 18 سنه

وآسف على الإطااااااااااااالة

هههههههههههههههههههههههههههههههههههههه

موقف صار لي يوم يفوز الهلال على الاتحاد في الكاس ونسيت اي كاس في العطله

دخلت مطعم البيك في جده ولقيت ثلاثه حطين شال الهلال على روسم

واناضر الاتحادين والله يناظرونهم بحقد والي يلعنهم واليشتم فيهم

استغربت قلت كل الحقد هذا عشان الهلال بطال



[align=center]قصمجي...MATRIX[/align]

بصراحه الموقف الوحيد وإلي كان يتكرر معي

إني أحضر مبارايات الهلال بلموزين

بس الحمد لله الحين معي سيارة

تحياتي

الهـ محمد ـلالي

اخوي هلالي الماسي

موقفك ذا يبغاله مجلد

يعطيك ا لعافيه