|
مقارنة(اللندxالسفاري) http://www.arabinow.com/car/carinfo/...oy_lcbrado.jpghttp://www.ecoworld-mag.com/Images/e.../p72_01_01.jpg حبيت أسوي مقارنة بين سيارتين متنافستين (اللندوالسفاري) ومن شركتين قويتين(نيسان وتويوتا) أتكلم عن اللند بالنسبة للجي اكس ار |
أبدأ انا وأقول السفاري أفضل في البران وفي القومات ليييه؟؟ السفاري قوة المحرك 280 اللند قوة المحرك 250 السفاري المحرك 4800 سيسي اللند المحرك 4500 سيسي واسألوا أهل البر ان كنتم لا تعلمون ***************************************************************** غلطان ياللي ما شرى الجيب بترول سباح طعوس الثرى مثل الثعابين ***************************************************************** هاذي قصيدة في الـسفاري vtc4800 عزمــــــه قـــوي ما عمر يوم تعلق لا شاف حمر النفط فاع انطلقيــا يشبه شيهــــان مع الجو حلـــــــق لا جاك مهوب شايف الا السمقيا الجمس والتايــــــوت والفرد الأخرق كله مع البترول خاق وخقيــــــا كنج الصحاري دقدق خشومها دق دقدق خشوم اللي تريد السبقيا |
طيب بس هذي المقارنه :confused: :confused: :confused: |
الاند افضل s60s |
يخوي زعيمهم كلهم انت رايك اللند أفضل صح؟؟ وضح لييش ؟؟عندك لند ؟؟ مجرب الموترين؟؟ |
أخوي اللند أحسن عندي لأن يستحمل أكثر من السفاري |
مشكوور بس اللند فيه عيوب كثيرة انه ثقيل في البر و لاحملت أغراض ورا تشوفه نازل بصورة كبيرة ;) |
[align=center]حبيبي ابو عبدالله انت جاي تقارن والا تدافع عن السفاري تبي تدافع مايهم انا ادافع عن اللاند الظاهر ماقد ركبت لاند يابعدي ولا قد جربته اكثر من سنه جربه وجرب السفاري وتعرف ان الله خلق وفرق مزايا السفاري : وبقارن على الفل كامل 1- سعر رخيص 2- نظام ملاحي 3- جنوط 17 4- جلد 5- فتحه 6- انوار زينون 7- مكينه 4800 8- قير تبترونيك 9- تانكيين العيوب حدث ولا حرج 1- يتفكك على طول 2- يطيح سعره من اول 1000 كيلو حدود 35الف واسئل خبره في هالكلام يابعدي 3- صرفية نزين على غير سنع 4- بودي خفيف الباب تصكه باصبعك الصغير 5- فخامه يسمع فيها ومنها : أ-المراتب ماتعرف الراحه واتمس فيه خط في الفل كامل الجلد وتعرف ان الله حق ب- الخشب المستخدم داخليا السوناتا افضل منه جـ - غير مريح في الطرق الغير معبده يكفيك والا ازيد :) مزايا اللاند كروزر GXR فل كامل 1- نظام ملاحي 2006 طلبيه من البازعي 2- جلد 3- استبنين << لاحظ هذي 4- فتحه 5- جنوط 17 6- كبس زينون 7- خشب المستخدم داخليا من اجود الانواع 8- تانكيين 9- ونش << ولاحظ هذي بعد 10- قوة تحمل غير طبيعيه وبصراحه اللاند الان هو الكرسيدا قبل واسئل مجرب يابعدي :) عيوبه ويشهد الله علي في هذي 1- مكينه 4500 ومع ذلك يطرح السفاري بشرط يكون الـ GXR قير عادي :) 2- قير موحد مع اني ماشوف في قير التبترونيك فايده غير التحكم يدوي فقط 3- تصميم الخارجي جلس اكثر من ثمان سنين شف يالغالي ولا تزعل مني بصراحه مافيه مجال للمقارنه واذا هي على قوة السفاري في البر فياخوك كامريات وكوابرس تطلع الطعوس :D ولكن دام مكينة السفاري 4800 اجيب لك طال عمرك VXR قير عادي ذيك الساعه تعرف ان السفاري هو والدجه سوا :D ياخي اللاند ثقل رساوة فخامه موتر شيوخ طال عمرك شيوخ تركبه وشعار تقصد فيه اجل قد شفت امير والا شيخ يقنص في سفاري :) شف خلن ازيدك من الشعر بيت نيسان الان حاطه كل قوتها في الارمادا على قولة انها بتكسر سوق الاند والامريكي ولكن هيهات كل سنه ومبيعات اللاند ترتفع حتى وهو شكله ماتغير من سبع سنين والله العظيم سكوت تويوتا عن الاند الجديد فيه اكثر من تسائل وانا اراهنك اذا ماكسر السوق تكسير ماني ولد وايل تويوتا الحين مخليه الساحه لكل من هب ودب حتى هوندا تطورت والله الله يعينهم بعد 2007 والله الظاهر مبيعاتهم بتخق يارجل وعلى فكره في عام 2000 طلب وكيل الامارات من شركه نيسان انها تقوي مكينه السفاري لان نيسان كانت بتوقف الموتر نهائي ووافق جميع وكلاء الخليج وقوو المكينه وماصار شي المبيعات هي هي وقالوا بنوقفه ورفضوا الوكلاء يقالك انهم الحين لاقين شي فيه اكثر الباترول تلقاه نص فل حق مقاضي والا سواق وغيروا نسبة 50 % من شكله ولازال السفاري منافس للدايو والهونداي وهذي حقيقه ولاتزعل منها واذا تبي طال باختصار الاند وش هو من موتر اسمع شريط الحبيل العتيبي في الـ VXR تحيه لك يابعدي والكلام يمثل وجهة نظر :) [/align] |
معك حق أخوي هلالي سمعا وطاعة بس يا بعدي أنا مجرب الفي اكس ار والسفاري ومعي موتر سفاري المهم ،السفاري في البر ما عليه كلام يمشي ولا غرز(هذا شي مستحيل) يطلع زي سلام سلام لاكن الفي اكس ار لاغرز شيطلعه(ما يطلعه الا النيسان s60s ) حلو،بعدين: انا قدام عيني شايف مقاوم على طعس كان فيه 2جي اكس ار (واحد 2004 وواحد2001) وسفاري(2002 ) وفي اكس ار (2003) وبرادو الفي اكس ار وقف باول الطعس السفاري ما شموا ريحته ... الجكاسر واحد غرز بنص الطعس والثاني شد وقبل النيسان بشوي غرز والبرادو على برادو ما كمل حبيبي بتقنعني باللند :nono: :nono: :nono: انا سائل بدو أهل بران يقولون النيسان بالرمل مافي زيه بالنسبة لي اللند ممتاز بالخطوط و على الطرق الغير معبدة لكن بالرمل :nono: :nono: ومشكور أخ هلالي على المجهود s60s |
عزمــــــه قـــوي ما عمر يوم تعلق لا شاف حمر النفط فاع انطلقيــا s13s يشبه شيهــــان مع الجو حلـــــــق لا جاك مهوب شايف الا السمقيا s13s الجمس والتايــــــوت والفرد الأخرق كله مع البترول خاق وخقيــــــا s13s كنج الصحاري دقدق خشومها دق دقدق خشوم اللي تريد السبقيا |
land احلى |
إقتباس:
ليه أحلى ؟مجربه؟؟ :rolleyes: :rolleyes: :rolleyes: :rolleyes: :rolleyes: كل مادخل واحد قال (اللااااند) أحلى :laugh: :laugh: |
اللاندأفضل من السفاري في أشياء 1-الشكل أفضل من داخل و الخارج 2-اللاند أفضل في الطعوس لا تقولي السفاري يقوم على اللاند (السواقه له دووور) 3-سواقته أريح 4-يصرف أقل بنزين 5-يتحمل ويصبر أكثر من السفاري 6- دليل أن اللاند أفضل أنه منتشر مع الناس أكثر من السفاري 7- أكثر السفاري مع سواقين لاتزعل من الحق |
يا جماعة شبلاكم البنزين تقريبا نفس الصرفية لأن اللند التنكي أكبررررررررررررر :wallbash: اللند الفل تعبي ب125 تقريبا (التانكيين) السفاري تعبي ب110 تقريبا (التانكيين) عشان كذا الناس تظن انه اللاااااااااااااااااااااااااااااااااااااااااااااند صرفيته أقل :wallbash: وقال ايش قال احسن في انت وشعرفك بالبر أعرف ناس بدو مو انت يقولون النيسان مافي زيه في البر (لاشاف حمر النفط فاع انطلقيا) لانه خفيف وارفع من اللند ومكينته اقوى 4800 واللند 4500 واحصنته 280 واللند 250 حتى الفي اكس ار270 :wallbash: وقال اييش قال الدليل انه اللند منتشر لو أجيب السفاري واحط شعار تويوتا انباع اكثر ولو اجيب اللند واحط شعار نيسان كان ما انباع :wallbash: :wallbash: :wallbash: |
أي لاند أيخرابيط المووتر طامن ماصارجيب ذاك اليوم معنا وحد تعلق تحت النفد السفاري أحسن أما الاند أريح فقط |
| الوقت المعتمد في المنتدى بتوقيت جرينتش +3.
الوقت الان » 10:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd