|
إلى متى يظل اللاعب السعودي حبيس عن الاحتراف الخارجي ؟؟؟ [align=center]بسم الله الرحمن الرحيم الاخوة الزعماء ......... أسعد الله اوقاتكم بكل خير كنت قبل قليل في صالون حلاقة تركي ودخلت وإذا بالحلاقين يتابعون مباراة تركيا مع الدنمارك وكانت مباراة مثيرة جدا كادت ان تنتهي لصالح تركيا ب 2 لـ 1 ولكن الدينمارك عادل في الوقت بدل الضائع والذي احتسبه الحكم بخمس دقائق ... فاستطاعت الدنمارك ادراك التعادل .... المهم في الامر اخوتي الزعماء.... في نهاية الشوط الثاني قام المدرب التركي بادخال اللاعب رقم 2 اظن اسمه توركا .. قام قال لي الحلاق المفترض المدرب يسقطه من بداية المباراة هذا لاعب محترف في الدوري الانجليزي .... وكلما وصلت الكورة عند لاعب تركي قال لي محترف في الدوري الالماني وشوي هذا بالانجليزي والثاني في فريق كذا الاوربي وكلهم محترفين وادوا مباراة ممتازة جدا .... انا والله وانا قاعد اتسمع له قلت في نفسي ايش المانع انا نتفاخر بزعمائنا ليه ما نشوف الشلهوب يوم من الايام في الدوري الايطالي ونواف في الدوري الانجليزي وسامي في الانجليزي والعنبر في الكوري وغيرهم من النجوم .... ؟؟؟؟؟؟؟؟؟؟ هذه قصتي ....... وشكرا لكم يا زعماء[/align] |
هلا وغلا أخوي ... العيب ليس في ضعف اللاعب السعودي اللاعب السعودي لاعب فنان بالفطرة ... مواهبه كبيرة لكن مافيه ناس تجي تتابع وهذا السبب السعودية متسيدة آسيا ... ومع ذلك نجد ان اليابانيين والكوريين والايرانيين محترفين خارجيا ... مشكلة اللاعب السعودي ... انه مايشاف الا بكاس العالم فقط اما اليابانيين والكوريين يلعبون مباريات ودية مع منتخبات عالمية هذي من وجهة نظري ... جواب سؤالك أخوي ليه مايحترفون ... هو لأنهم ماشافوا اللاعب السعودي ... واتوقع بعد كاس العالم بألمانيا بيحترف كم لاعب تحياتي أخوي |
بأذن الله كأس العالم القادم راح يكون بداية أنطلاق اللاعب السعودي نحو الأحتراف الخارجي |
لان بيئة الاعب السعوووووووودي فقط تمنع من الاحتراف الخارجي ................................... هذي وجهة نظري |
هلا نواف ونعيما اما اللاعب السعودي مبدع ولكن السبب هو ان المنتخب لم يبرز في كأس العالم لكي يلفت الانظار إليه وللاعبيه ولا شفت كاس 94 وكيف كان المنتخب وطلب الفرق الاوربيه على اللا عبين السعوديين |
الاخوة الكرام شكرا لمروركم ... الاخ رشيد ... ربي ينعم عليك ويسعدك اخواني ....... ولكن والله انقهرت ... المصريين يتباهون بحسام حسن وانه احترف في الدوري الاوربي والعمانيين بحارسهم الحبسي ... والقطريين بلعيبتهم .... مع ان السعوديون الافضل والله لو نرى اللاعب السعودي في الخارج كان يعود علينا باشياء كثيرة منها على سبيل المثال ...... اولا / اللاعب هو المستفيد الاول والاخير لاكتسابه الخبرة واحتكاكه في اللاعبين اصحاب الخبرة ... ثانيا/ نحن كجمهور نصبح اكثر وعيا بكرة القدم ومتابعاتنا للدوريات الاوربية من اجل لاعبنا الذي يمثلنا كسعوديين ... وغيرها الكثير ... شكرا لمروركم يا زعماء الارض |
أخي أنا في اعتقادي عدة عوامل .. منها ما نعرفه ومنها ما نجهله .. قليل تجد لاعبين سعوديين عندهم تكوين جسماني يساعد للعب في اي دوري اوربي .. لعيبتنا عصافير بالنسبة لهم .. وثاني شي سمعة اللاعب العربي عندهم انه لاعب كسول و مزاجي وما يحب العمل الجاد سمعتها كثيييير من أكثر من جهة .. أعتقد سامي يوم رجع من انجلترا صرح بالشي هذا عن سمعة اللاعب العربي .. عالعموم أنا من أكثر المتفائلين بنجاح اللاعب السعودي في أي دوري اوروبي :) (عندي احساس ان خالد عزيز بيحترف في اوروبا بعد كاس العالم لأنه أفضل تكوين جسماني في المملكة حاليا اضافة لامكانياته العالية .. نصبر ونشوف) s13s s13s s13s |
السلام عليكم للأسف اللاعب السعودي إمكانات كبيرة مواهب نادرة لكن تبقى عثرة الإحتراف الخارجي هي الحاجز بينه وبين العالمية. صدقوني السبب الأول في عدم إحتراف اللاعب السعودي في الخارج هو أن قلة قليلة من اللاعبين من يعي نظام الإحتراف ويطبقه في جميع تعاملاته اليومية. وأنا أرى أن متى ما شارك المنتخب في كأس العالم وقدم مستويات مشرفة قد يكون ياسر القحطاني هو المرشح الأول للإحتراف الخارجي. كذلك حارس المنتخب مبروك زايد موهبة كبيرة جداً أتمنى أن يحترف بالخارج فهو أفضل وبكثير من حارس عمان الحبسي المحترف خارجياً. وشكراً لك. مـوادع أحـبـاب |
شكرا اخ الهلال فوق الجميع لمرورك ... ولكن اللاعبين السعوديين عصافير ... لا اوافقك والا لما تمكنا من هزيمة كوريا الجنوبية في قعر دارهم .... اللاعب السعودي مثله مثل الياباني ... مثله مثل الكوري ... مثله مثل الايراني .... بل اللاعب السعودي افضل ... يعني ما فيه عذر لكن الندااااااااااااء للاتحاد السعودي لكرة القدم لفتح بوابة الاحتراف الخارجي فالفائدة الكبرى تعود لمنتخبنا الوطني ... وشكرا لمرور الجميع |
أخ موادع احباب شكرا لمرورك قد يكون عدم الانضباط من اللاعب السعودي سبب رئيس لهذه القضية .......... ولكن اللاعب محترف على اسمه ايش عنده من شغله غير حضور التمارين والمواظبة ..... والا شغالين في البورصة :d :d :d |
المفروض نلعب مباريات ودية مع منتخبات كبيرة عشان تتفرج افرقتهم لان حنا فعلا عندنا مواهب كبيرة كالشلهوب و التمياط وغير وغيرة بس كذا اذا راحوا مايصير فيه تحمس بالدوري السعودي |
الدوري السعودي يا خوي ما عليه خوف دوري قوي جدا ولو يسمح مثلا كل موسم ب 7 لاعبين سعوديين للاحتراف الخارجي وبهذا نضمن الاحتراف الخارجي ونضمن قوة الدوري وحماسه وشكرا لمرورك |
| الوقت المعتمد في المنتدى بتوقيت جرينتش +3.
الوقت الان » 06:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd