فضائح مدرسة بنات من جزئين
 

انا طول عمري ما احب المدرسه واقرر افصل في السنه من ست الى عشر مرات وتحصل ظروف تثنيني عن القرار وعمري ما رسبت الا لما دخلت الكليه غبت عن امتحان ست من اصل عشرمواد على نية اني بأفصل ولما دخلت الأربع الباقه بعد رجوعي عن القرار نجحت في ثلاث ودقرت في وحده ووحده من اللي نجحت فيها كنت حالفه ما اذاكر وفعلاً نفذت حلفي ورسبت فالماده اللي قطعت نفسي اذاكرها :wallbash: ما علينا الموضوع من جزئين لو لاقى قبول كملت او كنسلته
المقدمه ...
اعزائي كتبنا هذا الكلام للمرح والثرثره وتوسيع الصدر بناء على تجربتنا في اسوء ثانويه في الرياض وما نرى فيها من اشياء نعايشها او بمعنى ادق نعانيهامن مدرسات وأنظمه وأشكال غريبه والمثل يقول من ضاق عقله اتسع لسانه وياليت يعجبكم s60s
صديقتي عيوش وانا :D :D
حال الطالبات والطلاب اول يوم
في الصباح بعد الفجر لاهي ظلما ولاهي نور في عز البرد هذي الفتره الي ما يصلح فيها الا النوم العميق :sleep: نقوم من احلى نومه <قلق>والأم تصحي عيالهاولابد من ممارسة نوع من الأرهاب العائلي وتشوفهم مقطبين الوجوه <تقول ماكلين ليمون>وتصيح الأم في عيالها قوموا ياحبايبي المره الأولى الثانيه قوموا الله يرضى عليكم بعد جهد قوموا جعلكم القام اللي يلقطكم وفي هذه اللحظه يكره الأبناء آبائهم وأنا اتفق معهم ...وتنهال الأوامر العسكريه أفطروا ثم تأتي مرحلة تمشط الشعر<للبنات>عاد لي قامت معقد وكل شعره في اتجاه و...تظل تنحت فيه لين يقول امي ارحميني...بعد فاصل التعذيب اللطيف تأتي مرحلة المواصلات اللي تروح بالباص مسكينه وهنا وصف أشكالهم ينتضرون الباص يوقفون امام الباب لاحول لهم ولاقوه يلسعهم البرد تتشقق الوجوه من عصف الرياح ويطيرون احياناً<ارنب>لذا يطلعون للباص روحهم في مناخرهم ما طايقين احد...وصل الباص الى المعتقل <المدرسه يعني>وينزل المساجين<الطالبات>ويصطفون في صفوف وتبدا الحصص ما ادري كيف محتملين هالمواد وأحسن مافي المدرسه الفسحه سواليف وفله اللي بتروح مع حبيبتها ...الخ وبعد الدوام يعود المساجين للباص وهم كارهين الحياة وتستقلهم الأم المرتاحه وهنا تنبيه للأمهات ان التدليل في هاللحظه ادت الى روح الإنتقام ثم تقول الأم وش سويتي بالمدرسه والبنت المسكينه تقول لنفسها لوكان في جيبي مسدس.... وهذا وصف آخر يقف الباص تنزل الطالبات والكل يرجف قلبه يترقب اللحظه الحاسمه<اكره اليوم الي يجيبني ابوي وقت وصول الباص>يدخل الجميع دفعه وحده ويحصل تصادم عند فصخ العبايات توها المسكينه حاطه الشنطه الا تطلع لها وحده من هالمتسلطات <بنات النظام>ممنوع :nono: ادخلي جوا لاوفي وجهها كشره ورازه خشتها شبرين كنها ملكة جمال العالم لا وتحكي من طرف خشمها كن المدرسه شاريتها بفلوسها ماتدري انها للحكومه وتدخل المسيكينه الا اذا كانت شرانيه لها وضع آخر المهم لما تفصخ العبايه يبين المستور والمستور حدث ولا حرج تجيك ببلوزه عشرين الف لون وطوق الوان الطيف والا الجزمه تقول<ارحموا من في الأرض يرحمكم من في السماء> من كثر اللبس لازقه في الأرض تقول بليز ذبوني :cry: شوي وتنقطع .....ثم الشعر تجيك ياكله زيت يا كشه ما مشطته أصلاًوالوجه منتفخ الله يستر<زاقه معها>اللي يكلمها تسوي عليه اسقاط<يعني تنفس غضبها فمصدر آخر>ما تنلام من اللي شافته في البيت المهم يصفون طابور والمسكينه ضايعه ماتدري وين طابورها :confused: تصف في اللي جنبه لين مشو الاركزت في الغلطه المطبعيه الحاصله :D عاد لين مشوا طبعاً واقف المروراوحرس الحدود يسوون تفتيش <كأنهم جوازات يدورون متخلفين>المهم المخالفه توقف على جنب تكتب قسيمه اقصد تعهد ثم تطلع فوق عاد الدرج تشم روائح على كيف كيفك ثم نوصل الدور الثالث مسطولين :razz: منهدين ولا الومهم لأني عانيت الشنطه المليانه والعبايه المحيوسه متعوده على التعليق نست اذكر الدوريات اقصد المراقبات اللي يدخلوننا السجون اقصد الأقفاص يووووووه اقصد الفصول اخيراً طلعت طبعاً يتجدد النشاط للعانه المهم تجي المدرسات وندخل الفصول كلهم في سبات :sleep: :sleep: طبعاً لأن الفصل مشاغب وكسلان ثم مايمدي الجرس ران الا البنات سابقين المعلمه طالعين وتجي دوريه تدخلهم لين تجي معلمه ثم ندخل الفسحه والفسحه تظهر ماخفي وبان خصوص من الدور الثاني او الثالث نتفرج على أشكال استغفر الله رايحه اذكرها في الفصل الثاني المهم تصفر والبنات ماشين على بيض هدوء جدا جدا حركة الحصه الأولى عاد آخر الدوام وماادراك ما آخر الدوام دواهي تصفر منها الأناملٌ مثل الفسحه واردى نظراً لبنات ال..... المهم ننزل مع زحمة الدرج والروائح الزكيه طبعاً الصبح اهون والشتا أرحم من الصيف الصيف ما تقدر تتنفس المهم ننزل في الزحمه اللي كأنها حج تبشر الموت ....فاصل أعلاني(دعوه لمن يريد الأنتحار التوجه الى مدرسة ....وقت الطلعه عند الباب او على الدرج بيموت قبل يطيح على الأرض)طبعاً احنا ادمنا الروائح ما صارت تأثر فينا قوه فهي ذات فعاليه قويه وقويه جداً احيان كثيره طبعاً احنا ننزل ونقف نتطلع الى ان تفتح الأبواب ونغني اغنية شلاح .....
ولم الوجار وخلي الباب مهجوج................خوف المسير يستحي لاينادي
وطبعاً يفتح الباب ابو عوض ثم نطلع كأننا رايحين المرجم اول يوم من هالزحمه سب ولعن وشتم وتطلع البنت دون عبايه تنفصخ بالزحمه ثم تستنى الى توقف الحشود وينقلب سوادها الى بياض وعذاب واللي يطلع سالم بلا جروح اوخدوش محظوظ ثم نطلع الله هواء نقي :p نسيت اذكر نقطه مهمه وهي وقوف البنات على الباب ينتظرون أهاليهم على الباب سلوك غير حضاري وهو سبب من أسباب الزحمه الي مالهاداعي المهم تبدا المعاناه الكل دايخ بطريقه سبشل يعني طقاق او حرب عشان نطلع من المعتقل الوحده ولا أنشط اللي تروح سياره هنيئاًلها واللي مشي أرحم اما المساكين أشكالنا اللي يركبون باص في الرجعه يصير مشاكل المهم ركبنا الباص دائماً واقفين نادراً جالسين طبعاً نركب كراسي فاضيه بس محجوزه جايز الباص لأبوهم على غفله عاد شلاح ذو الوشاح <سبب التسميه انه كل يوم يكشخ ببشته يحسب نفسه وزير وآخرته سواق باص>مايعرف يسوق ومن الزحمه كأننا فمصر لا وراكبين ورا عاد المطبات الله البنت تطير<فوق هام السحب مقطع اغنيه>يصقع راسها فوق وتنزل تحت وهكذا لين توصل البيت لا ويوقف على بعد كيلو والباقي مشي آه بعد معانات أخيراً وصلنا البيت فتحنا الباب بعديين ننطق في الشمس الباب الداخلي مزلوج وهم نايمين <عذر اقبح من ذنب> وانا نكرف من صبح الله في المدرسه نرقى مانبي الا النوم ندقها نومه الى العشا ونقةم آه ما ودنا ونكتب الواجبات ان كتبناها ثم ننوم نتأهب للمعاناة مره أخرى............... :wallbash: :wallbash: :wallbash:
تنويه ...........الجزء المقبل المدرسات والفسحه
بالحب والإشراق

والله كلام كثير ماقريته لانه فيني النوم طال عمرك لكن اوعدك اني اقراه..اكييييييييييييييييد حلو مثل أصحابه s60s s60s s60s

فهد انا مجنونه انشر هالكلام وانا معهم يذبحوني انا طلعت من سنتين وتوني استجري اتكلم لأننا كتبناها في اولى وكدنا نتصفق بس الحمدلله ما انجلدنا
اميرة العشاق حبيبتي شاكره مرورك

يوه والله معناها.................

بس الحمد لله أنك تخرجتي من المدرسة سليمه ..................الحمد لله يعني مافية إعاقات أو رضوض أخدوش على الاقل......................


لاكن الفكه وإن شاء الله حناوراكم بنفتك.................أمين

رائده مبدعه في الوصف... s60s s60s


هههههههههههههههههههههه :D :laugh:

والحمد لله اللي ربي فكنا منها...

بانتظار الجزء الثاني.. s60s s60s

مشكوووووووورة يارائدة الزعيم على الموضوع
:wallbash: الله يرجك فكرتيني بالمدرسة وأيامها والمعاناة اللي عايشين فيها

على الكلام اللي قلتيه يدل على إن المدرسة صغييييييرة جداااا وفيها عدد كبير من البنات :)

بالنسبة لخروج البنات قبل المدرسة من الحصة هذا شيئ عااااادي تعودنا عليه والهروب <<<<ومع إني مو من ذا النوع ;) ،واحنا في المدرسة اللي تهرب من الحصة يكتبوا اسمها فقط وتنقص من العلامات <<< ياكثرها ههههه
لاكن بانسبة انهم يرجعوهم الفصل إنسي لأن المدرسة كبيييييرة فوق ما تتصوري ونتوه فيها احيانا لو ما إنهم كاتبين مخرج هههههه


ذكرتيني بالمرشدة إللي بالمدرسة مسميينها ماروكواا ههههههههههه


الله يعينك على الروائح الحلوة

مشكورة مرة ثانية وننتظر الجزء الثاني

:d :d :d :d :d

الحمدلله اني ولد على الاقل مافي سجن ابو غريب ومعقتل جوانتنامو وعلى اخوي فهد وسياج امني مشدد :d

بس زين جاك افراج بعد تدخل الحكومة وخرجتي منه سالمة :d بس لازم من مراجعة المستشفى للتاكد فقط من الحالة العقلية بعد هذا العذاب :d :d :d :d :d


يعطيك العافية بس في الجزء الثاني لا تجيبي سيرة الافاطار :d


يعطيك العافية

وتقبلي تحياتي

الله يعيننا على العسكرية مابقا لها الا اسبوووووووووع

يالله متى تجي الصيفية الجاية :sleep:

والله موضوع حلووووووووووووووووو


ههههههههههههههههههههههههههه

والله انا كنت اهرب بالترم الاول ولا احد يدري عني بالترم الثاني بسوي فيها خلاص مافي هروب ونقعد ادب قعدت فتره وبعدين هربت لا كن انكفشت حبتين تهزيئه من المشرفه وبعدها انقلعوا الفصل..عادي يعني :d

اما حقتنا المديره هههههههههههههههههههههههه
تتنحى من المنصب احسن مالها داعي

نكذب عليها عادي ماتقول شي ..وهي تتكلم نمشي ونطنشها ماتقول شي ..
والله فله ..

أهنئك على ملكة السرد التي تمتلكينها ..
توقفت كثيراً عن < فوق هام السحب > بصراحة أعجبتني فضحكت ..
لا أدري عن دقة ما كتبتيه و لكن أسلوب السرد لديك رائع و يجعلني مشتاقاً لرؤية سردك عن قضية اجتماعية حتى و إن بقصة وهمية ..
تقبلي تحياتي ..

:D