اس تف سا رررررررررررررررررررررر
 

ياشباب الكل يعرف موقع كــبّـر للاغاني

يوجد به الكثير من الاغاني الشيقه

والسمرات بعضها مو موجود بالاسواق عندنا

ودي انسخ اي اغنيه اريدها لسيدي اقدر ؟

لا واشغله في السياره مو في الجهاز

اقدر........................ اذا ممكن

نبيها بالتفصيل الممل لا عدمتوا

تقدر وليه ماتقدر ...

اصلا لو ماكانت تجي نخليها تجي غصب علشانك :cool: .... كم سهل عندنا ؟؟ واحد ومافي غيره :rolleyes: ,,,

الطريقه طويله ويبيلها برامج ويبيلها شرح وافي علشان تكون الفكره واضحه ,,,

ابشوفلك لينك لشرح لأحد البرامج اللي لها نفس الخاصيه هذي وأعطيك إياه في أقرب وقت إن شاء الله ,,,

تحياتي لك ,,,

يلوموني فيك باهالاطيخم

اقسم قسم لك مني سيدي

مسكـّت بس عجل علانا !

حبيب قلبي سهل ترى مانبي إلا رضاك علانا :rolleyes: ,,,

قبل لانغوص :) في أجواء البرامج وتحويل صيغ الملفات وبرامج النسخ وإلى آخر المشوار .... أنت عندك سي دي رايتر ؟؟ ,,,

إذا كانت الإجابه بنعم فمابقالك شيء كثير :) أما إذا كانت الإجابه بلا .... فوفر قيمة السي دي اللي تبي تعطيني إياه :) وخذلك سي دي رايتر الله لايهينك علشان تكمل الشغله :) ,,,

تراني أون لاين إذا كنت موجود رد علي علشان نخدمك بطريقه أسرع ;) ,,,

تحياتي لك ,,,

ما عندي سيدي رايتر:(

كم بتكلف الشغله :rolleyes:

فك الحزام فك الحزام:p

شكلي ابتهور

اذا فيه مقاضي ؟ بعد اسردها ونا اخوك مره وحده:confused:

ترى ابي اشغل السيدي بالسياره للتنبيه !!!!!!!!!!

أشوا إني سألت قبل لا أتهور وأسويها :rolleyes: ,,,

شف طال عمرك السي دي رايتر هذا الله يحييك هو بتعريف بسيط :) اللي يكتب المعلومات على السي دي .... سواءا كانت صوتيه مثل ما أنت تبي او صوره مثل الأفلام أو حتى برامج كمبيوتر وغيره ... يعني يكتب على السي دي كل المعلومات اللي تلقاها بأي سي دي ,,,

مهوب مثلا مثل السي دي روم اللي عندك بالجهاز .... اللي عندك بالجهاز هذا قاريء فقط للمعلومات ... يعني تحط السي دي فيه وهو يقرا المعلومات اللي فيه سواءا كانت صوتيه او صوت وصوره مثل الأفلام أو مثل بقية البرامج اللي تجي على السيديات ,,,

السي دي رايتر نقدر نقول عليه نوعين ...... نوع يجي في داخل الجهاز " مدمج " مثل السي دي روم اللي يجي مع اي كمبيوتر والنوع الثاني يجي خارجي ... يعني يركب خارج الجهاز " مستقل "ويتوصل مع الكمبيوتر وهو الأغلى لإنك تقدر تاخذه معك في أي مكان وتقدر تسلفه لأي واحد محتاج ولا عنده حق بكت دخان مهوب يروح يشتريله سي دي رايتر :) ,,,

الأسعار مختلفه .... وعلى خبري بها يمكن تبدا من 800 ريال وتوصل لحوالي الـ 1200 ريال حسب سرعة نسخ السي دي والشركه المصنعه ,,,

الـ hp يمدحونه وعليه شعبيه كبيره لكن لو بغيت تاخذ بنفس المواصفات وبسعر أقل خذ السوني لإنها تستخدم نفس العدسه " عدسه من شركة سوني " لكن حسب راي الخبراء فالـ PLEX! Plextor هو أحسن سي دي رايتر على الأطلاق " وجهات نظر " :) ,,,

فيه شيء مهم لازم ماتنساه ولازم تحرص عليه ....... لابد أن يحتوي السي دي رايتر على خيار ( اختبار الدسك ثم النسخ ) حتى لا تخسر سيديهات عند عدم نجاح السيدي في النسخ على سرعة معينة ,,,

هذي معلومات عامه في حال كنت ناوي تاخذ سي دي رايتر ....... وإجابتي على تساؤلك أنا عارف اللي أنت تبيه وهو إنك تبي تاخذ الأغاني من المواقع وتنسخها على سي دي وتشغلها في السياره أو في جهاز الستيريو بتاعك :) ولا بد من هذا الجهاز " السي دي رايتر " إنه وببساطه هو اللي ينسخ المعلومات زي ماقلنا بالأول على السي دي ومافي أي شيء ثاني يغنيك عنه ...... يعني إذا تبي تنسخ أي شيء لابد من الرايتر ,,,

بعد ماتخذ الرايتر يصير كل شيء سهل مايبيلك إلا بعض البرامج الموجوده على النت ومن دون أي تكاليف إضافيه وقيمة السي دي الفاضي اللي تبي تسخ عليه أغانيك وفيه بعض برامج النسخ تجي مع الرايتر ومايبيلك تنزلها من النت وإن كان أفضل برامج النسخ هو برنامج النيرو " NERO " ,,,

وأي إستفسار ثاني حنا حاضرين ولا يردك إلا الكيبورد ياغالي ,,,

تحياتي لك ,,,

كل اللي قلته على عيني وراسه

انا فيه معلوم اول بس

اللي فهمته اني اتسلف سيدي رايتر اصرف

وكم سيدي فاضى

ونبدأ نـدّهر

مهوب تسذا

إلا تسذا

ومزعجينا :mad: وصوتكم واصل الى آخر المنتدى عشان نسخ اغاني على سيدي :mad:



والله اللي يسمع صوتكم ومباحثاتكم يقول هذولي ناوين يخترقون موقع الاستخبارات الامريكيه :p :D




اقول يازينكم ساكتين :D :D

انا معكم على الخط ...
 

الله بالخير شباب ...

تصدق يا سهل نفس الفكرة كانت في بالي من زمان
بس متعيجز اسأل ( زول :o ) ....!!!!

ياليت تكمل يا ابراهيم الى الاخر ..
ومشكور مقدما


اقول يا ..... سهل
.
.
.
.
.
.
.
.
.
.

.
.
.
.
..
.
.
.
.
.
.
.
.
.

اذا شريت السي دي رايتر
تعال تقهو عندي في البيت
بس لا تنسى تجيبه معك !!!!!!!!!!!! :D :D :D :D :D :D :D :D

أقول يالنجيدي الظاهر عندك محل كمبيوتر ولاقي لك واحد تلعب عليه
شفته طيب وحبيب مثل سهل 888 قلت هذا فرصة اقل شي نطلع به الف ريال :mad:

اسمعوا لا تطولونها وهي قصيرة طال عمرك راس مالها تشبك مخرج الاستريو ( in put ) في مخرج الكمبيوتر ( out put ) اذا كان جهازك جديد بيكون فيه مخرج للصوت .
طال عمرك انسخ اي شي مسموع حتى ولو كان في التشات :p انسخه لايف للاستريو وللأشرطة كاسيت على طوول .

وانتهينا

وآه ما أرق الرياض :cool:

ايه مايفع معك يولد النجيدي الا كذا

رحت وجبت مدير التطوير والمتابعة بنفسه عشان يتابع ارانبك على البشريه :mad:




ايه عندكياه يالإعصار تكفا ترى كل يوم يلعب له على واحد :mad:

الاستاذ الاعصار

مع احترامي لك ان كلام الاخ ابراهيم منطقي جدآ جدآ جدآ .. ولو كان تاجر اجهزة كمبيوتر ما راح اشتري منه اصلآ :p واذا كانت طريقتك في عمليه نقل الملفات للاستوريو هذا يعني ان السيدي اللي في الاستريو يعمل عمليه السيدي رايتر ( الرجاء التوضيح )

( ترى الحبيب والطيب لها معنآ ثاني عند العرب افصح ؟؟؟ ):mad:

الاخ ابراهيم

لنفرض اننا اشترينا السيدي رايتر ولنفرض اننا لو نزلنا جميع الاغاني التي في كبر ونسخناها في سيدي جديد ونقلناها بملفات الريل بلير هل سيقرأها الاستيريو اللي في السياره او نحتاج لتحويلها لملفات الامبي ثري ( الرجاء التوضيح )


الاخ عاشق

وراك علينا خلنا نروق يرحم والديك !!!


واذا عندك علم افزع ونا اخوك !!;)


الاخ ابو يزيد

عيوني لك ;)

مع خالص تحياتي للجميع ولو كنت عتبان على الاعصار بس يمون ( المدير ) ؟؟;)

الله من الفشيله ........ صادني مدير تقني بكبره :( ,,,

حبيبي الإعصار تراك طيحت وجهي بين العربان :cool: ,,,

الرجال وحسب علمي وحسب موضوعه يبي ينسخ على سي دس ومايبي يسجل على أشرطة كاسيت عاديه :( ,,,

شكلي أبهون أساعد أحد من اليوم ورايح وأخلي " نصباتي " بعيد عن المنتدى
:rolleyes: ,,,


عاشق النمر ...... إلفقه طال عمرك :rolleyes: ,,,


حبيبي سهل .... مديرنا الإعصار يقصد إنك تقدر تسمع كل الأغاني الموجوده في كبّر ولكن عن طريق " الكاسيت " أنت وزي ماذكرت في موضوعك الأساسي تبي تنسخ الأغاني على سي دي .... يعني إذا تبي تسمع الأغاني على كاسيت نفذ طريقة مديرنا الأعصار بالضبط ومن غير أي تكاليف إضافيه .... لكن إذا كنت تبي تنسخها على سي دي فمالك إلا السي دي رايتر ,,,

مشغل الأقراص اللي يجي في السياره مايشغل إلا WAVE , MP3 ويبيلك تحولها الي أحد هذي الصيغتين قبل لا تنسخها على الرايتر علشان يقراها السي دي اللي بسيارتك ,,,

تحياتي لك ,,,

اسمع ياسهل لا يهمك ولد النجيدي وش عرفه في السيدي حده كاست لان الددسن حقه مافيه سيدي :p



المهم تبي الطريقة الافضل خذها مني وانا اخوك ولا تعلم احد ;)


المقادير :

1- كاست فاضي

2- سيدي فاضي

3- وتوصيله

4- جهاز استيرو



طريقة التركيب :

اشك الاستيروا في الجاهز ونزل الاغاني على كاسيت عن طريق التوصيل اللي قالك الاعصار وبعدين نصير خلاص خلصنا من الجهاز

الحين في جهاز الاستيروا اطلب نسخ من الكاست للسيدي .


وبالهناء والعافيه

ملاحظه : الاستيروا لازم يكون من النوع المطور مهوب مثل الانواع الصينيه اللي عند بعض الناس في محله :rolleyes:



كانك فهمت كويس وطبق اللي قلتلك


وكانك ما فهمت خلاص ماعندي استعداد اشرح مره ثانية :mad:



على فكره ترى هالطريقة سويتها في موقع خبر ونجت ونزلت كل قصائد شاعري المفضل خالد المريخي على سيدي :)


تحياتي يا سهل و الاعصار بس انتم لحالكم وبس :mad:



الباقين يروحون يسوقون بضاعتهم علي غيرنا :D :p