طبعا .. القصد من الموضوع ..
اللي وده ينوع .. ويبطل من بنات أم ركب سود .. ووده ياخذ من برى السعودية
عنده هالطرق يختار وينقي




تختلف عادات الزواج من ديانه لديانه ومن بلد لبلد ومن قريه لقريه
فيها عجايب مايتصورها الانسان الطبيعي
يقولكم :



من عادات قبايل النوير بجنوب السودان أن الولد الكبير اذا مات ابوه
يعتبر كل زوجات ابوه له ماعدا أمه
والعيال اللي يجيبهم يعتبرون أخوانه مهب عيال له !!!!!


من عادات الزواج في الملايو أن الرجال إذا حب بنيه
يجي ويسكن وينام في بيت الحبيبة بعد ماتوافق
ويعيش معها سنتين بدون ما يمسها
واذا عجبته خلال هالفترة التجريبية توافق عليه وتتزوجه.....
أما إذا كان قليل ادب و أخلاقه شينة تطرده على طول

ومن غرائب الزواج عند الصينيين في بعض المناطق أن يتم الخطبة
بدون مايشوفون العروسين بعض واذا تم الاتفاق يقوم أهل العروس بتزينها
و يحطونها في محفة خاصة ويسكرون عليها الباب ثم يشيلونها لخارج البلدة
ومعها بعض أهلها وبعدين يقابلون الزوج هناك ويعطونه المفتاح ويفتح المحفة
ويشوفها اذا أعجبته أخذها لبيته وألا ردها لقومها



قبيلة تودا في جنوب الهند لها عادات غريبة في الزواج
وقت الاحتفال بالعرس لازم ان العروس تزحف على يدياتها وركيباتها
لين توصل للعريس ولا ينتهي الزحف إلا اذا بارك العريس عروسه
بان يضع قدمه على راسها << قسم لو انا عندهم اعنس ابرك لي



ومن عادات الزواج في غينيا الجديدة تسبح البنت في بركه ماء
وهي عارية إذا عطاها واحد من الحاضرين قطع ثياب تكون عاجبته
وراضي فيها زوجه له واذا اخذت هي الملابس تصير زوجته



مقاطعه التبت لها طقوس غريبة في الزواج والخطبة
اذا اختار الزوج زوجته يجون بعض أقارب العروس ويحطونها أعلى شجره
ويوقفون تحت الشجرة مسلحين بالعصي ويجي اللي يبي البنت
ذي ويحاول يوصول لها واهلها يحاولون يمنعونه وبضربونه بالعصي
إذا رقى الشجرة ومسك يدها يشيلها وينحاش فيها وهم يضربونه
لين يترك المكان وكذا ياخذ البنت وثقة أهلها << هذا اذا كان باقي فيه عرق ينبض


في مدينه بوندا يور جاس تختبر العروس عريسها بامتحان قاسي
وصعب تاخذه معها للغابة وتشب النار وتكوي ظهره العاري
إذا تأوه أو تألم من الكوي ترفضه ولا تقبله عريس لها وتفضحه قدام بنات القبيلة
وإذا حصل العكس تعتبره الحبيب المفضل واللي يستاهل الحب والزواج


وفي اندونيسيا العروس عندهم ما تاطى الأرض برجليها في يوم عرسها
خاصة اذا جت تنتقل من بيت أهلها إلى بيت زوجها
علشان كذا ينجبر ابوها انه يشيلها من بيتها إلى بيت المعرس
على كتفه ولو طال الطريق << حسبي الله عليهم وان كان ابوها شايب منتهي وش يسوي



من طقوس الاحتفال بعروس البنيات في بورما يجي رجال شايب
ويطرح العروس بالارض وبثقب اذنها واذا تالمت وتوجعت وصرخت
ماحد يساعدها لين تنزف اذنها دم يصير كل ذا على ايقاع الفرقه
الموسيقيه اللي تنهمك في العزف كل ما توجعت البنت اكثر



تجبر العروس في قبيلة جوبيس على ثقب لسانها ليلة عرسها
علشان ماتكون ثرثاره ويمل منها زوجها بعد ثقب اللسان
يحطون خاتم الخطبه فيه يتدلا منه خيط طويل يمسك الزوج
بطرفه واذا ثرثرت الزوجه وازعجت زوجها يكفي انه يسحب
هالخيط مره بس علشان يحط حد لثرثرتها وكثرة كلامها



اما في جزر كوك تمشي العروس الى الكنيسه على ظهور شباب القريه
لان عاداتهم تقول لازم يتبطحون الشباب وتمشي العروس على ظهورهم
لين توصل لمكان الحفله



اعجب شي المهور في جزيره جاوه الغربيه يطلبون من اللي يبي يتزوج
عندهم خمس وعشرين ذنب فار علشان يطلعون رخصة زواج
وغير كذا يطلبون من اللي يبي تحقيق شخصيه (اظنه اثبات) خمس ذنبات فيران
عاد هم ماطلبو كذا الا لحكمه عظيمه يوم كثرت عندهم الفيران اكلت محاصيل الرز
قام الحاكم فرض هالرسوم علشان يتخلص منها



ومايباعدونهم اهل جزيره هاوان لان المهر عندهم فيران وكل ماكانت العروس
مزيونه وطخما زاد عدد الفيران << مدري وش بتستفيد هالضعيفه من الفيران
ياحياة الشقى


اما استراليا بعض القبايل عندهم اذا جاهم واحد وخطب منهم
يسوون له حفله وش كبرها ثم يعطونه إي وحده من بنات البيت
اللي خطب منه عاد هو وحظه طلعت اللي يبيها والا غيرها


في جزيرة تاهيتي اللي تدور لها على حبيب تحط لها ورده
ورى اذنها اليسرى واذا لقته حطتها ورى اذنها اليمنى


والصين عندهم حاجات غريبه بعض قبايلهم << امحق قبايل
,اذا واحد من شبابهم اعجبته بنت يروح لبيتها
من بدري ويعلق شراباته ( جواربه لغير الناطقين )
اذا البنت عاجبها وتبيه زوج لها تاخذ الشرابات واذا ماكان
عاجبها ولاتبيه تترك الشربات محلها لين متى مايجي المسيكين وياخذها



وفي التبت بالهند تطلع البنات مع امهاتهن كل أم تعرض بنتها على الرياجيل
وتنشب له لين ياخذها مقابل شي تافه وهو خاتم تحطه في اصبعها
دليل على انها اعجبت رجال منهم
وهذا كله بسبب ان رياجيلهم يفضلون البنات اللي عندهم خبره على العذارى منهن



نحمد الله على اسلامنا اللي حددلنا مراسم الزواج بإطار شرعي
بعيد عن الغريب والشاذ من هالعادات .. واحمدن ربكن يابناتنااا.. اثاريكم عايشات بجنة وأنتم ماتدرون

معلومات حلوه قريتها في كتاب غرائب وعجائب
بالحب والإشراق

الحمد لله على نعمة الإسلام بس .

ومن غرائب الزواج عندنا أنه يتسلف علشان يتزوجـ . . !

ومن غرائب الزواج عندنا انك تدين علشان تتزوج وتموت وانت تسدد

والله لوانك ذابحها كان ديتها اقل من تكاليف العرس

^
^
^
^
^

اسلوب دموي