[align=center]السلام عليكم ورحمه الله

من اللحظــه التي صد فيها ديوديك ركله شفشينكو معلنه تتويج ليفربول
بطــل لأوربا . أقول من تلك الحظه وأنا في أسطنبول قررت أن أقوم
بزياره هذا الصــرح الشامــخ "أنفلــــند".

والحمــد لله فقد مكنني الله من ذلك فقمت بأخذ أجازتي الصيفيــه باكرا
هذه السنه وتوجهـــت فورا الى بريطانيا .

ومن لندن بدأت رحلتي شمالا بأتجاه معقل الحمــر مدينــه ليفربول
من لندن الى ليفربول أستخدمت السياره "والسواقه يمين تمام "
>> مادخــل عكس أبدا

من خلال جهاز GBS في السياره حددت وجهتي "الانفلند"


أستغرقت الرحله حوالي 4 ساعات

طبعــا مانشستر أقرب لكن مافيه أمــل


يوم جاء مفرق مانشستر طنشت ولاكأني أشوف "الله يستر بيزعلون علي بعض الناس"

>> مابغى يصدم يوم صور وهو يسوق

من دخولي مدينــه ليفربول وحمى بطوله أوربا واضحــه عليها
رغــم أن زيارتي لها في تاريخ 16-6-2005 أي بعد 19 يوم من البطوله



الأعــلام واضحــه من خلال المنازل



الباعـــه في كل مكــان

@خلال رحلتي ليريطانيا لاحظت أن مدينه ليفربول وبورتسمث أكثر
المدن تعصبــا وحبــا لأنديتهم فتجد الجميع هناك يلبسون شعار أنديتهم

ســأقسم زيارتي للأنفلند الى ثلاث أقسام
أولا ســوق النادي
ثانيا الملعــــب
ثالثا المتحـــف




النــادي من الخــارج

عند دخولنا للنادي مررنا من بوابه بوب بايسلي




وهــذا تمثال لأسطوره الأنفلـــند عند مدخل النادي


عند مدخلي للنادي توجهــت لأشتري تذكره الدخول


وعندها حصلت لي المفاجأه "الحزينه "

جميع التذاكر محجوزه اليوم
ويوم دخلت للموظـف وأنا واصله معي :sad:
رد علي وببرود أكيد بتكون مليانه لأنك جاي لبطل أوربا
وتراه محجــوزه لمده ثلاث أيام جايـــه
>> وخبركم أنا ماأجي لشيء الا وأنا حاجز قبل وللأسف بموقع الحمر ماحطوا
الى رقم تليفون تحجز من خلاله وأنا كلمت عليه أكثر من الف مره ماأحد رد

ويوم قلته هذا الكلام وأنا وياه أكثر من ساعــه رحمني وعطاني
موعـــد لبكره

وماقلت لكم كان الي معي بالرحله مانشستراوي وهو أصلا ماخشت مزاجه
جيتنا لليفربول وشلون أبقنعه أننا بنقعد يوم ثاني وأحنا أصلا حاجزين فندق ودافعين في بلاكبول وكان تخطيطنا أننا ماننام في ليفربول

وهو أصلا ماكان معي وأنا أكلم الموظف كان برا يطالع شموخ النادي

الشــاهد أن الرجال يوم قلت له بغى يلزخن ولكن بالأخيــر وافق

قلنا اليوم خل نخلــصه بسوق النادي


سوق النادي


أول مادخلنا المحــل وتطلعلي ذيك الفكره الخبيثــه
خويي زعلان وضايق صــدره قلت خل أوهقه
لأنــه غثني وهو يقارن الانفلند بكسرتهم مانشستر
>>تراي أمـــزح

رحــت لأقــرب "سكيورتي" ومسكته وقلت له هذا مهب تبعنا ويشجع مانشستر
لا ويتكــلم على ليفربول
>> وأنا الي كنت أنتظــر منه يطرده ويبهذله
الا ويرد علي عــادي
ويقول السكيورتي أنا أشجــع أفيرتون

قلت ياأبن الحلال خل عنك المزح وأكرش هالرجال أجــل أيفرتون
قال عندي لك أثبات
ومير أنقز لــه وأقول هات ماعندك


والى الان وجهــي ضايع ورفيقي ماسكها علي
>> وياويل واحد منكم يمسكهــا علي "تسمع يالسمي "

خلونا من الخرابيط الي فوق وخل نتسوق مع بعـــض




أبورغــد وشلونك؟
>> يعني يذل الرجال بالرضاعات الي جابها لبناته



ديوديك على غفــله


شريت من هالكاكاو وخليت صديقي ياكله بالقوه


مشخـــص هالدب

وأغرب شيء أن مالقيت تي شيرت مقاس M ويوم سألت الي يبيع قال
مخلص وماأمداني أتكلم رد علي أنت بسوق بطول أوربا أكيد بتلقى زحمه

عموما هذي فاتورة مشترياتي من الخلف

وهذي من أعلى

>>مــاأدري وشوله حاطهم
وللمعلوميه يوم جيت من بكره دخلت السوق وشريت زياده


الملعـــب
من الغـد جيت قبل الموعد "بساعه"
>> محمد عبده يقول دقايق


خريطــه الملعب


صــوره للملعب

مدرجــات الدرجــه الاولى



صــوره للمدرجات وتضهــر مدرجات "الكوب" يمينا
ويذكر أن هذه المدرجات رغم أنها خلف المرمى الا أنها أغلى سعرا من غيرها
وكذلك هي فقط للرجال "حريم نهي "
>>شكلهــم والله سفل


أعلمكم أني أعــرف أصور زين


الســاعه ومكان المعلق فوق


مدخــل الملعب وتظهر لافته تقول أن المشروبات الكحوليه ممنوعه بعد هذه النقطــه


مدخــل الملعب من غرفه تغيير الملابس وهذه العباره المشهوره التي وضعها شانكلي
THIS IS ANFIELD


غرفــه الملابس للاعبي الحمــر
وبمقارنتها مع غرفه ملابس الفريق الاخر نجدها أكبر وكذلك الارضيه مريحــه
>>يعني ماتزحلق وهذي المعلومه قالتها لنا الي كانت تشرح لنا


المكان حق المقابلات
والي بالصوره هذي "معزبتنا" الي تشرح لنا مهب الي تضحك الثانيه
ولا ني معلمكم ليه يضحــكون


ملابس الاعبين

فنيلــه كاراقار

فنيلــه جيرارد

أول ماأنتهت من شرحها داخل غرفه الملابس وقالت الان جاء دور التصــوير
أتجــه الجميع وصفوا سرى للتصوير مع فنيله كاراقار
ويأتي أقل منه زحمــه جيرارد

وهذه أخــر مكان لنا في الملعب


المتحـــف



في الطريق الى المتحــف بالضبط بالدرج


أول ماتدخــل المتحف تقابلك هذه الصوره لشانكلي
مع هذا القـــول المشهور له
"ليفربول خلــق من أجلي وأنا خلقت من أجل ليفربول"
قمـــه التعصــــب


بطولات أوربا الاربع
>> الخــامس حاطينه بمكان وحده

كــــأس أوربا




والله لو علي كان أصــوره مــره


توقيع المدرب رافا على الفانيله قبل النهـــائي


من أفضـــل ماقيل عن جيمي


كــارثــه ملعب هيسيل ببلجيكا الحمر مع اليوفي


هذا الكاركاتير بالمتحــف وأشوف أنه ينطبق على هلالنا

وهــذا مــالدي

أترككـــم مع بعض الصـــور






وأخيــرا أستميحكم العذر لتأخري بالموضوع
وأتمنى أن تعذروني على تقصيري

وأشكــر الاخ ريفيلينو الي شرح لي كيفيه تحميل الصور وتصغيرها [/align]

[align=center]جميــع الحقوق محفوظــه لشبكـــه الزعيم[/align]

[align=center]وعليكم السلام ورحمة الله وبركاته
ماشاء الله تبارك الله ابداع يالغالي احمد وماقصرت


و(اغبطك) على هالرحلة الاكثر من رائعه في وقت اروع

وبالنسبه للتصوير ماشاء الله عليك .. غطيت على المصور الي مصور هدف سامي ضد اوزباكستان بالذهاب من ورى

إقتباس طبعــا مانشستر أقرب لكن مافيه أمــل

إقتباس يوم جاء مفرق مانشستر طنشت ولاكأني أشوف "الله يستر بيزعلون علي بعض الناس"

خخخخخخخخ ;)

اما سالفة رجل الامن هذي نتيجة الفلسفه الزايده بس احس حركته بالوشم قويه واشك انك انت الي موصورها

والظاهر ديودك ماسمنه الا هالشوكلاته الي بالسوق

وفعلا الافته حقت كاراجر شفتها من يوم المباراة ومن اكثر الافتات التي اعجبتني ويستاهل كارا



اثر واجد الي يدورون دولايب جديده ( الله لايضرهم )

تحياتي لك ياحمودي والف شكر عالموضوع الممتع والمميز واقل مايستحقه هو مسمار التثبيت ..[/align]

[align=center]بسم الله الرحمن الرحيم

السلام عليكم ورحمه الله وبركاته

اول شي .. يعطيك ربي الف عافيه يا غالي على الشرح والموضوع والصور .. حقيقه موضوع روعه أجبرني رغم الكسل اللي فيني اقوم اسوي شاهي ..

إقتباس من اللحظــه التي صد فيها ديوديك ركله شفشينكو معلنه تتويج ليفربول بطــل لأوربا . أقول من تلك الحظه وأنا في أسطنبول قررت أن أقوم بزياره هذا الصــرح الشامــخ "أنفلــــند".

الله يلوم اللي يلومك يا بعدي

إقتباس ومن لندن بدأت رحلتي شمالا بأتجاه معقل الحمــر مدينــه ليفربول من لندن الى ليفربول أستخدمت السياره "والسواقه يمين تمام "

إقتباس من خلال جهاز GBS في السياره حددت وجهتي "الانفلند"

يلعن ام التطور

إقتباس >> مادخــل عكس أبدا

يا رجال .. اغلب الشعب السعودي متعود على كذا .. بس اهم شي ما صكيتلك عقده هناك

إقتباس طبعــا مانشستر أقرب لكن مافيه أمــل

من كثر ما تغليني والله .. ابو حميد عد معي .. هذي وحده وتذكر إتفاقنا

إقتباس يوم جاء مفرق مانشستر طنشت ولاكأني أشوف "الله يستر بيزعلون علي بعض الناس"

هذي الثانيه .. ولا تخاف مني زعلان

إقتباس من دخولي مدينــه ليفربول وحمى بطوله أوربا واضحــه عليها رغــم أن زيارتي لها في تاريخ 16-6-2005 أي بعد 19 يوم من البطوله

أعتقد أن سر الفرحه .. هو صعوبه الطريقه التي آتت منها البطوله .. وانا مالومهم والله .. ومن الحب ما قتل .

إقتباس @خلال رحلتي ليريطانيا لاحظت أن مدينه ليفربول وبورتسمث أكثر المدن تعصبــا وحبــا لأنديتهم فتجد الجميع هناك يلبسون شعار أنديتهم

حباً ممكن .. لكن تعصباً أخالفك فيها يا غالي .. إذا سمحتلي طبعاً

إقتباس جميع التذاكر محجوزه اليوم ويوم دخلت للموظـف وأنا واصله معي رد علي وببرود أكيد بتكون مليانه لأنك جاي لبطل أوربا وتراه محجــوزه لمده ثلاث أيام جايـــه >> وخبركم أنا ماأجي لشيء الا وأنا حاجز قبل وللأسف بموقع الحمر ماحطوا الى رقم تليفون تحجز من خلاله وأنا كلمت عليه أكثر من الف مره ماأحد رد ويوم قلته هذا الكلام وأنا وياه أكثر من ساعــه رحمني وعطاني موعـــد لبكره

لو انك رايحن مانشستر كان ما مرمطوك كذا

إقتباس وماقلت لكم كان الي معي بالرحله مانشستراوي وهو أصلا ماخشت مزاجه جيتنا لليفربول وشلون أبقنعه أننا بنقعد يوم ثاني وأحنا أصلا حاجزين فندق ودافعين في بلاكبول وكان تخطيطنا أننا ماننام في ليفربول وهو أصلا ماكان معي وأنا أكلم الموظف كان برا يطالع شموخ النادي الشــاهد أن الرجال يوم قلت له بغى يلزخن ولكن بالأخيــر وافق

خويك ذا سنايدي .. بس والله من جد مالها داعي رايح لبريطانيا علشان الانفيلد وما تزوره .. بس المفروض زرتوا مانشستر علشان صديقك

إقتباس أول مادخلنا المحــل وتطلعلي ذيك الفكره الخبيثــه خويي زعلان وضايق صــدره قلت خل أوهقه لأنــه غثني وهو يقارن الانفلند بكسرتهم مانشستر >>تراي أمـــزح

هذي الثالثه بس مسامحينك بعد

إقتباس رحــت لأقــرب "سكيورتي" ومسكته وقلت له هذا مهب تبعنا ويشجع مانشستر لا ويتكــلم على ليفربول >> وأنا الي كنت أنتظــر منه يطرده ويبهذله الا ويرد علي عــادي ويقول السكيورتي أنا أشجــع أفيرتون قلت ياأبن الحلال خل عنك المزح وأكرش هالرجال أجــل أيفرتون قال عندي لك أثبات ومير أنقز لــه وأقول هات ماعندك والى الان وجهــي ضايع ورفيقي ماسكها علي >> وياويل واحد منكم يمسكهــا علي "تسمع يالسمي "

لا تحارش مانشستراوي قلتلك



يا شين طيحه الوجه وانت كاشخ قبلها .. بس تصدق مالك داعي تراك بإنجلترا الله العليم يابوحميد ناوي تتخلص من خويك بس منت عارف وشلون .. لهالدرجه المانشستراويه قاهرينك <<< امزح ترى

إقتباس أبورغــد وشلونك؟ >> يعني يذل الرجال بالرضاعات الي جابها لبناته

وأنا أشهد

إقتباس شريت من هالكاكاو وخليت صديقي ياكله بالقوه

اثرك ديكتاتوري يالسمي




اقول .. لو شاري المحل بكبره اصرفلك ماشاء الله عليك

إقتباس وللمعلوميه يوم جيت من بكره دخلت السوق وشريت زياده

الله يزيدك من خيره يارب

إقتباس من الغـد جيت قبل الموعد "بساعه" >> محمد عبده يقول دقايق

ماشاء الله حتى وانت ببريطانيا منت ناسي ابو نوره

إقتباس صــوره للمدرجات وتضهــر مدرجات "الكوب" يمينا ويذكر أن هذه المدرجات رغم أنها خلف المرمى الا أنها أغلى سعرا من غيرها وكذلك هي فقط للرجال "حريم نهي "

ايه اكيد .. هذا مخصص للـ [ الصاحين ]

إقتباس مدخــل الملعب وتظهر لافته تقول أن المشروبات الكحوليه ممنوعه بعد هذه النقطــه

الحمدلله على نعمه الإسلام .. بـ مانشستر ممنوع الشرب في المدينه كاملهً <<< نصبه قويه

إقتباس غرفــه الملابس للاعبي الحمــر وبمقارنتها مع غرفه ملابس الفريق الاخر نجدها أكبر وكذلك الارضيه مريحــه

الله العليم انك رايحن تتسدح هناك <<< برضوا مزحه ولا تزعل علينا

إقتباس المكان حق المقابلات والي بالصوره هذي "معزبتنا" الي تشرح لنا مهب الي تضحك الثانيه

شكل معزبتكم زوجه تراوري

إقتباس ولا ني معلمكم ليه يضحــكون

انا عرفت بما إنها تناظر لك بس ماني معلّم

إقتباس مع هذا القـــول المشهور له "ليفربول خلــق من أجلي وأنا خلقت من أجل ليفربول" قمـــه التعصــــب

شخصياً .. أعتبرها قمه الحب و الإخلاص للفريق

إقتباس وأخيــرا أستميحكم العذر لتأخري بالموضوع وأتمنى أن تعذروني على تقصيري

ماشاء الله عليك

كل هذا وتقول تقصير .. موضوع من وجهه نظري دايركت للمواضيع المميزه ويتثبت فيه بعد .. و أقل ما يستحق هو التثبيت

إقتباس وأشكــر الاخ ريفيلينو الي شرح لي كيفيه تحميل الصور وتصغيرها

الشكر موصول لأخ ريفيلنو على جهده معك لإخراج الموضوع بهذا الشكل الرائع والمتميز

بيّض الله وجهك يالسمي .. ويعطيك الف عافيه.. و تـاكد أن الموضوع يستحق أكثر من ذلك لكن ما بيدنا حيله سواها ..

الحمدلله على سلامتك مره أخرى ..

فـ مان الله ,.,., [/align]

رووووووووووعه اخوي الرحلة يا خي شوقتني اروح لمانشستر يونايتد

بس اخوي ما تحس انك مستضغر المان بزيادة

لي عوده لردودكم

أخوي سامي زعيم الأساطير للتوضيـــح كل السوالف عن مانشستر مزح
ولا مانشستر كبير ولا يقدر أحد يستصغره

شكرا لك

مشكورعلى الموضوع الشيق والاكثر من رائع


الصراحة شدني شدة ماتتوقعها



[align=center][/align]


ياليت تترجم


مشكور غير مأمور

تم التوضيح على كذا اوكي انا ماراح اغلق الموضوع

الحمدلله على السلامه مع انها متأخره

كذا التشجيع والا بلاش

والليفر كبير احسن من غيره والا لا ياابو حميد

الف شكر لك موضوع متعوب عليه وروعه

تحياتي للجميع
أحمد

إقتباس رحــت لأقــرب "سكيورتي" ومسكته وقلت له هذا مهب تبعنا ويشجع مانشستر لا ويتكــلم على ليفربول >> وأنا الي كنت أنتظــر منه يطرده ويبهذله الا ويرد علي عــادي ويقول السكيورتي أنا أشجــع أفيرتون

ههههههههههههههههههههههههههههههههههههههههههههههههههههههههههههههههههههههه

صراحة كنت اتمنى اكون موجود معك علشان اشوف تعابير وجهك يوم قالها لك :p

ومشكوور الف شكر يا غالي على الصور الرائعه وعقبالنا ان شاء الله ...

[align=center]في البداية الحمد لله على السلامة ،، وألف مبروووووك فوزكم ببطولة الشامبيونز ولو أن التهنئة متأخرة شوي ...


في الحقيقة رحلة رائعة أهنيك عليها ويستاهل بطل أوربا زيارته وزياة معقله الأنفيلد ...

كنت أتمنى أن لو تقابلنا هناك في استنبول لأني كنت حاضر هناك ولم أعلم أنك حاضر المباراة إلا بعد رجوعي للسعودية ...

على العموم هذا موضوعي عن الرحلة ويشرفني مرورك عليه وستجد مايسرك من الصور وخاصة أنك من عشاق الريدس ..

تفضــــل بالدخـــول

تحياتي [/align]

موضوع روعه ومشكور

[align=center]مشكووووور يابو حميد على الموضوع الرااائع

وينطبق عليه المثل اللي يقول كل تأخيره فيها خيرة

بالفعل اخراج رائع وتعليقات على الصور جميله

ولي كم تعليق

إقتباس طبعــا مانشستر أقرب لكن مافيه أمــل

احد يحصل له ليفربول ويروح مانشستر

إقتباس عند دخولنا للنادي مررنا من بوابه بوب بايسلي

لمن لايعلم من هو بوب بايسلي اقول انه من حقق لليفربول 3 بطولات شامبينز ليج بالاضافه الى سوبر اوربي واكثر من بطوله محليه

إقتباس الشــاهد أن الرجال يوم قلت له بغى يلزخن ولكن بالأخيــر وافق

كللش ولا اللزخ

إقتباس أول مادخلنا المحــل وتطلعلي ذيك الفكره الخبيثــه

اثر انك شرير وانا مادري :p

إقتباس قلت ياأبن الحلال خل عنك المزح وأكرش هالرجال أجــل أيفرتون

واااثق انت بقووة

إقتباس صــوره للمدرجات وتضهــر مدرجات "الكوب" يمينا ويذكر أن هذه المدرجات رغم أنها خلف المرمى الا أنها أغلى سعرا من غيرها وكذلك هي فقط للرجال "حريم نهي " >>شكلهــم والله سفل

مدرجات الكوب هي اشهر واغلى مدرج في الملعب وفيها يكون المتعصبين من جمهور الريدز ويسوون غالبا مشاكل وازعاج عشان تسذا ممنوع الحريم وكل لاعب جديد في ليفربول دائما يذكر اعجابه بأهازيج الكوب

إقتباس مدخــل الملعب من غرفه تغيير الملابس وهذه العباره المشهوره التي وضعها شانكلي THIS IS ANFIELD

بمناسبة هالعبارة بعض مشجعين ليفربول وبعد التوقيع مع العملاق كروتش كتبوا تحت هاللافته انتبه لراسك ياكروتش

إقتباس أول ماتدخــل المتحف تقابلك هذه الصوره لشانكلي مع هذا القـــول المشهور له "ليفربول خلــق من أجلي وأنا خلقت من أجل ليفربول" قمـــه التعصــــب

شانكلي من المعروف بتعصبه الشديد لليفربول وهو من وضع قوانين كثيرة في الانفلد من ضمنها وجود لافته this is anfield وايضا من وضع غرفه ملابس ليفربول اكثر راحه من غرفه ملابس الضيف

وله قول مشهور اخر يقول فيها لدينا في مدينه ليفربول فريقا كرة قدم فريق ليفربول وفريق بدلاء ليفربول

ولاحظ انه ماذكر ايفرتون

هذا ماعندي من تعليقات

وتسلم ابو حميد على الموضوع اللي اقل مايستاهله التثبيت لمده طويله ومن ثم النقل للممميزه وتثبيته هناك

تحياتي للجميع[/align]

[align=center]السلام عليكم

موضوع رائع ومميز

إقتباس والحمــد لله فقد مكنني الله من ذلك فقمت بأخذ أجازتي الصيفيــه باكرا هذه السنه وتوجهـــت فورا الى بريطانيا .

ماعاقت معك الفيزا والا واسطات
بس لوحصلتلي روحة مثلك كان أقعد بمانشستر شهر

إقتباس من خلال جهاز Gbs في السياره حددت وجهتي "الانفلند"

أنا أشهد متطورين ياشيخ<<<<<بيصيح

إقتباس طبعــا مانشستر أقرب لكن مافيه أمــل

عالأقل رحت ليفربول مارحت........<<<<<<<مايبي يقول يخاف ينجلد

إقتباس يوم جاء مفرق مانشستر طنشت ولاكأني أشوف "الله يستر بيزعلون علي بعض الناس"

مع انك ماتقصدني بس مني زاعل عليك<<<أقول انثبر بس

إقتباس أول مادخلنا المحــل وتطلعلي ذيك الفكره الخبيثــه خويي زعلان وضايق صــدره قلت خل أوهقه لأنــه غثني وهو يقارن الانفلند بكسرتهم مانشستر >>تراي أمـــزح

لا تخاف منيب زاعل عليك قلت لك<<<<<قلنا لك اقلب وجهك

إقتباس رحــت لأقــرب "سكيورتي" ومسكته وقلت له هذا مهب تبعنا ويشجع مانشستر لا ويتكــلم على ليفربول>> وأنا الي كنت أنتظــر منه يطرده ويبهذله الا ويرد علي عــادي ويقول السكيورتي أنا أشجــع أفيرتون

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
عجبتني نذالتك بس مالأمه داعي السكيورتي

إقتباس قلت ياأبن الحلال خل عنك المزح وأكرش هالرجال أجــل أيفرتون قال عندي لك أثبات ومير أنقز لــه وأقول هات ماعندك

لها الدرجة رافع ضغطك خويك

إقتباس غرفــه الملابس للاعبي الحمــر وبمقارنتها مع غرفه ملابس الفريق الاخر نجدها أكبر وكذلك الارضيه مريحــه >>يعني ماتزحلق وهذي المعلومه قالتها لنا الي كانت تشرح لنا

وين إكرام الضيف وين علوم العربان<<<<أي عربان الله يصلح والديك :sad:

إقتباس بطولات أوربا الاربع>> الخــامس حاطينه بمكان وحده

أحين الاتحاد الأوربي مب ياخذ الكاس منك ولا يخليه عندك الا إذا صار عندك خمس كيسان والا أنا غلطان

إقتباس هذا الكاركاتير بالمتحــف وأشوف أنه ينطبق على هلالنا

ذكرني بكاريكاتيرات السليم

مشكور على الموضوع الرائع أخوي وبالتوفيق لليفربول [/align]