نادي الهلال السعودي - شبكة الزعيم - الموقع الرسمي - دعــوه للنقاش: رافائيل بتنيز بين الأبداع والاخفـــــاق

[align=center]السلام عليكم

ماشاء الله عليك يالسمي راجع حامي :D

يعطيك الف عافيه يا بطـــل على الموضوع اللي حنا بحاجته خصوصاً مع ركود المنتدى هاليومين :sad:

بالنسبه لـ رافا هالمدرب شهادتي فيه مجروحه وما حنا بحاجه تعداد مميزاته .

بالنسبه للتعاقدات من وجهه نظري أن رافا كان يريد تجديد الفريق واضافه عناصر جديده وتكون شابه ..

ميرفي كـ لاعب كبير قدم وخدم الفريق .. لكن التجديد كان مطلوب .. بيشكان والونسو وجيرارد وجارسيا وكيويل وريسا وغيرهم يكفون وزياده .

الشي اللي ماحسب حسابه رافا على ماعتقد هو الاصابات اللي [ كلتّ ] الفريق .

أوين كما قال الغالي ابورغد الموضوع أُشبع طرحاً واللاعب أساساً كان يريد الخروج وعقده قريب من الانتهاء لذلك بيع بثمن رخيص .. وانا متأكد أن منظره كان مؤلم لما شاف جيرارد يشيل الشامبيونز ليغ ;) .. هذي مالوم رافا عليها كذلك .

خوزيمي انت تقول موجود فينان .. طيب من البديل ؟؟؟ .. شخصياُ لا أتذكر بديل .. وعلى الاقل لازم يكون لك بديل واحد لكل مركز .. شف مانشستر مثلاً غاري نيفيل ماله بديل على شين لعبه وشفنا بربسه براون اللي محنا هاضمينه قلب دفاع نبي نهضمه باك يمين :D .. وتأكد أن ماكان يتوقع ان يتعرض خوزيمي للاصابات .. ولا تنسى اللاعب جيد وراح يفيدك لسنوات .

بالنسبه لـ موريانتس .. اللاعب ممتاز والفريق تقريباً هجومه كله مصاب .. اعتب عليه فقط من ناحيه انه جلب لاعب لن يستفيد منه في الشامبيونز ليغ .. يعني مثلاً كراوتش أو جيمس بيتي كانا مفيدين لكن لا الومه كون كراوتش كان مع فريقه اللي يحاول الهروب من شبح الهبوط وصعب أن يفرط فيه الساوث .

إقتباس:

أن لزمت
الاولى أن تكون من ضمن أنتقال أوين.

تلك الفتره يا غالي كان الريال متمسك بموريانتس ولا يريد التفريط فيه .

بالنسبه لـ كارسون اصابه كيركلاند اجبرته على شرائه ولا تنسى الحارس صغير وامامه مستقبل وراح يفيد الليفر بإذن الله

--------------------------
--------------------

نأتي لإنتقالات هذا الصيف ..

إقتباس:

سميشــر أنتقال مجاني "كان يستطيع أن يأخذ مقابل ذلك مبلغ لو بسيط"

بهذي انا معك .. لكن لو نلاحظ الموسم الماضي بالنسبه لسميتشر .. كم لعب مباراه ؟؟ واضف الى ذلك اللاعب كم عمره .. من وجهه نظري بطريقه أو بأخرى كان سيخرج لكن لو خرج بمبلغ مليون مثلا كان أفضل .

إقتباس:

بيشكــان أنتهى عقده وكان الاولى أن يجدد له بعد المستوى الرائع له الموسم الماضي

اسمحلي بيشكان ماعرف عنه اي شي بس لو قام ببيعه فهو قرار خاطئ من وجهه نظري .. بيشكان بديل ممتاز خصوصا ان منافسات الموسم القادم ستكون مظغوطه .

إقتباس:

ديارا "الاعب الفرنسي المعار" بيع وبمبلغ زهيد 2 مليون باوند

اسمحلي يا غالي اتوقع هذا سعره .. واللاعب لا توقع ان ينجح مع الريدز .. وتبقى وجهه نظر .

ضيوف .. هاللاعب لو ما تجيه خمات الخوال كان مابه بلى :D وأعتقد أنه ليس بذلك اللاعب اللي ينتحسف عليه ..

جون اوستمبر .. لاعب مغمور وطبيعي يباع بسعر رخيص ..

فيجنال نفس الشي ..

بليغرينو .. شايب منتهي :D ولا تبي عليه مليون بعد :D

إقتباس:

وقد أعــار كل من:
شيرو
كيركلاند

بالنسبه لـ شيرو .. اذا ماني غلطان فهو لعب مع الليفر وقدم ايام هولييه ولم يقدم الكثير للفريق ..

اما كيركيلاند اللاعب يريد المشاركه مع منتخب بلاده في المونديال القادم واصابته واجد لذلك أنا اشوف انه قرار سليم .. اتحدث عن اعاره وليس بيع .

بالنسبه لباروش مشكلته مشكله .. احيانا اقول من اللاعب واحيانا اقول من رافا .. افضل عرضه على قائمه الانتقال والانتهاء من موضوعه سريعا .

بالنسبه للتعاقدات .. رينا حارس ممتاز وسعره فيه .. واختيار موفق من وجهه نظري .

سيسوكو محور جيد ولعب في مركز الظهير اليمين ونجح بإمتياز صفقه ناجحه للريدز .

زيندن .. ما يحتاج .. حراثه ماشاء الله :D .

باراخا لاعرفه شخصيا .. وكذلك غونزاليس

كراوتش انظر لعمره وامكاناته وسترى ان السعر ممتاز جداً .. ولا تنسى انه ذهب للمنتخب وهذي فيها مليون باوند زياده :D .

بإختصار رافا أخطأ في أشياء .. ونجح في أشياء أخرى مثله مثل أي مدرب .. لكن يبقى أنه نجح في الفوز بأكبر بطولات العالم وسط ظروف صعبه الكل يتذكرها .. ولو كان مدرب غيره ماتوقع انه سيفعلها كما فعلها بينتيز .

ما ينقص الريدز الآن قلب دفاع عليه الكلام ولا تدقق بالسعر خلوكم من القعاطه :D من يريد أن يكسب عليه أن يدفع :) .. وبعد قلب الدفاع بحول الله سنشاهد الريدز منافساً على البريمر ليغ .. وان شاء الله نرى موسم ينافس فيه اليونايتد والريدز والبلوز والقنرز و وغيرهم وفي النهايه يكون البطل مانشستر بحول الله :D .

يا غالي اشكرك على الموضوع القيّم والرائع .. واقدم إعتذاري على تأخري في الرد .. وتمنياتي بالتوفيق للحُمر .. بس تكفى لا تدقق لاني كاتبه عالسريع :D .

تقبل أرق تحياتي .. فـ مان الله ,.,., [/align]