حادثة غريبة حصلت معى بعد الخروج من الملعب امس
 

تفضل بالدخوووووووووووول








بينما كنت خارج من الملعب وعندما ذهبت للسيارة طبعا كالعادة الكل مبسوط وفرحان بالبطولة وانا كنت طبعا والحمد لله من الفرحانين ليس بالبطولة فقط ولكن لامور كثيرة ومنها اننى هلالى

المهم قمت بوضع الاعلام على السيارة من على القزاز الخلفى ويوم انى ماشى بالسيارة وقربت اوصل البيت قلت خلينى ادخل المطعم واجيب عشاء ترا النفس مفتوحة بعد فوز الزعيم وما على خلاف
ويوم انى واقف عند المطعم تمر دورية ويقول بالمرفون راعى السيارة راعى السيارة
طلعت من المطعم اشوف وش السالفة

يقلى الضابط عطنى اثباتك قلتله خير انشاء الله قال بلا كثر كلام عطنى اثباتك
قلتله تفظل
جا الضابط وبيشيل العلم من القزاز الخلفى بالقوة وانا كنت مثبته زين
قلتله شوى شوى يا ابن الحلال انا الحين بنزله
ونزلت العلم والرجال خذه وراح فيه على الدورية
وقالى ما تدرى انه ممنوع انك تحط اعلام ولا اى شى على السيارة قلتله لا والله ما ادرى وبعدين وين المشكلة قالى انوا التشجيع بالملعب بس
قلتله طيب انا الحين ماشى ولانى مفحط ولانى مسوى ازعاج طيب ليش كذا
والمهم بعد كلام طويل بالاخير قالى لا عاد تتعودها ويلا امشى من هنا ونزل العلم الهلالى

طيب ليش كل اللى صار يمكن لانى هلالى
الحمد لله جت على خير
وحبيت انقل لكم القصة اللى صارت معى امس وبدون زيادة ولا نقصان
حتى راعى المطعم تركى قالى ليش سوا كذا قلتله ما ادرى يمكن ذا الضابط نصراوى ولا اتحادى ولا شبابى
وضحك راعى المطعم وخذيت العشا ورحت البيت
وسلامتكم

حتى الواحد مايقدر يحتفل والله قهر .........

أجل أنت ماشفت النادي أمس كله دوريات ومسوين زحمة مايبغون العالم تحتفل ....

يبغوهم بس ينامون .........

شكــــــــــــرا لك على موضوعك................

ههههههههههههههههههههههههه
عندي احساس انه نصراوري

أعتقد أن فيه نظام بهالخصوص

بس لو يطبقون باقي الأنظمة هالمرور وعلى أنفسهم هم أولاً

ومعليش أخوي أمسحها بوجيه الهلاليين

الظاهر ان الشرطي جيزاني
ككككككككككككككك
عشان كذا سا فيها قوي

انت احسن مني انا والله العظيم مبارة كأس ولي العهد طالع من الملعب وحاط علم الهلال على شنطة السيارة ومنزله على الصدام وامشي الين وصلت لحي السويدي وانا توني مار من عند اشارة الا فيه فرقه واقفه انا اخذت اللفه قبل ما اجيهم وانا يوم لفيت شافو العلم يافضيحه ما صدقو على الله شافوني شكلهم فاضين ويحرك راعلى الجيب وراي ويوقفني طلب الرخصه والثبات ثم طلب افتح الشنطة لاني مثبه العلم علشان ما يطير وانا امشي بعدين اهين الزعيم مشكلة المهم شال العلم وقال لي اركب الجيب قلت ليش ماسويت شي قال انت تثير الفتنه للشباب ؟؟؟ :nono:
رفضت اركب الجيب بعدين شوي ا لا يضربني ثم قلت خلنا نشوف نهايتها معهم ركبني الجيب انا وخويي الجوال حقي في السيارة ولله منعني اخذ الجوال منها يقول ممنوع مدري من وين يجيب القرارات هذا منه علشان ما اتصل في احد واعلمه اني رايح للقسم بس اخر شي علشان تدرون ماعندهم سالفة وداني للفرقه ثم تجمعو على كأني مطلوب امنى كل واحد يقول وش فيه اخر شي قال لي شيل التظليلة من السارة الاني مظللها كلها ؟؟؟؟؟؟؟؟؟؟؟؟؟؟؟؟؟؟؟؟؟
الشكوى لله ياناس اخر شي يقول احترم نفسك وروح لأهلك بس هذي اخرتها بعد ساعه ::::: :confused:

:confused:

نفس الي صارلي امس بالكورنيش " الخبر " معلق انواع الاعلام و ماشي بطريقي رايح للبيت شوي الا دوري توقفني يبي ياخذني معه على القسم ...

طبعا بيني و بين نفسي هذا الي ناقص ... شوي يمين و يسار دريت انه ماعنده ما عند جدتي " he dont have what my grandmother has"

على العموم فيه نوعية من هالجنود تحسب نفسها لوا ولا عميد توه بزر مستلم و جاي ينفخ على غيره ...

لا عـــزاء للـــحـــاقـــديــــــن

:d

.
..
...

شوف هو أغلب الظن أنه شبابي

أما نصراوي أو اتحادي صعبة لأن مايصير ضابط إلا واحد سعودي

لا يا شباب خلوا عنكم الشي هذا نصراوي وشبابي... :nono:

هو في قانون يمنع انك تحط أعلام وتخليها بارزة على السيارة...يقولون تسبب تجمعات وفتنة ومدري وشو..وعقابها انهم يصادرون العلم ومخالفة بس

اما انه ياخذك القسم... :wallbash: :wallbash: :wallbash:

شكله نصراوي ولا شبابي :laugh: :laugh: :laugh:

قهر والله قهر

والله رجال الامن عندكم غلط بغلط مثل البحرين :wallbash:

الزعيم رافع ضغط المحرومين

[align=center]هونوها يا شباب

ذولا حاقدين والقانون على اللي يبونه بس ;)

أنتم افتخروا أن الزعيم قاهرهم
وما يسونه فيكم إلا من قهر صدقوني :razz: [/align]