والله شف إذا قدم اعتذار خطي وأعلن ذلك بكل الصحف وبالقناة الرياضية ممكن نسمح له ، لكن الفريق وصل لأهم مباراة بالموسم ويخربها بالأخير كذا ................ أتمنى الموضوع يعدي على خير

المشكلة يا اخوان اللاعب شارك بمعظم مباريات الدوري وكان احد اسباب وصول الفريق للمباراة النهائية والمستوى اللي قدمه امام الاتحاد اكثر من مميز
اللاعب يعتبر الان من ابرز المحاور في المملكة ان لم يكن الابرز
ماجد ذكر في التحليل ان مشكلة الهلال في النهائي تتمثل بعدم وجود عزيز ( سماه المحارب ) وقدرته على التغطية واجادته الرقابة اللصيقة

اللاعب اخطأ ونحن متفقين على ذلك

لكن تمنيت حصول اللاعب على ميدالية بحكم مشاركته في معظم مباريات الدوري

مشاركته في السلام على راعي الحفل الذي هو تكريم لكل لاعب

بصراحة تمنيت انه يطبق في حقه بنود الاحتراف ويخصم من راتبه ( خصوصا ان التصرفات هذه سبق وتكررت ولم يكن هناك عقاب بمثل هذه الشدة )


الشي اللي يقهر لاعب ما شارك في مباريات الدوري الا بشكل بسيط ( ظافر البيشي )واستلم مثله مثل غيره مكافات وميداليات لاوياخذ الكاس ويصعد على العارضة كانه هو اللي جايبه

كذلك اللعب ماجد المرشدي استلم ميدالية
احمد عسيري استلم ميدالية

اتمنى اعادة النظر في عقوبات عزيز

i want to vote for him

انا معك ياخي بس الاعب اخطا ويمكن الخطا ليس من عندة يمكن احد وزة على هذة الفعلة النكرة
يمكن الغزال شافوة كذا بالملعب قالو بس نبي نصيد الهلال من هنا
بس نسو شي واحد ان الزعيم زعيم برجال وليس بلاعب معين
كلنا شفنا مبارات الزعيم مع الاتي الذيب مالعب بس فزنا ولله الحمد ابي اوصل الرسالة للي يبون يدخلون بي الزعيم ورجالة

شوفوا اللي سواه ما يسويه الا الذين يتعاطون بعض الأمور وحاشاه وحاشاه وحاشاه ولا نزكيه على الله

ولكن والله اعلم ان وراء الأكمه ما وراءها يعني لازم يعترف منه اللي ورا العمليه والا الباب يوسع جمل

لا مجال للخيانات حتى لو كان زيدان.

عزيز أخطأ ما فيه شك

والعقوبه حرمان من النهائي وضياع مكافأة الفوز وخصم من الراتب وخلافه

لكن أبو سلطان معودنا على عفو مع كل بطوله ( زي ما صار مع الجمعان)

أشوف العقوبات الي صارتله حتى الآن مع العفو يخلينا نطو ي هالصفحه ونفكر بالموسم الجاي

لأن الموسم هذا كل بطولاته هلاليه

رايح للبحرين قبل المباراة النهائية ... ولا ومع سبق الإصرار والترصد بعد ... يعني ما خذ جوازه وناص على الإدارة ..يعني الشغله مرتبه ....
يعني كل ذا خرمه ... ما اتوقع ... انا احس ان الموضوع فيه "إنا" .. وعموما شمس تطلع وخبر يبان

وبالنسبه لظافر البيشي والمرشدي ... لا بالعكس كله يستاهلون ... لو ما يجيك إلى جالسين على الدكه كل واحد يحترق يبي يجيب الكاس للزعيم بأي طريقه .... وهذولي وهم علي الدكه وإحتياط بس منضبطين في التمارين والحضور .... بينما عزيزوه "الله يهديه" وهو مدلع ولاعب اساسي .... "صمخ" بمصلحه الزعيم وراح

عزيز :
الدوخي ما زعلنا عليه .... فا ما يحتاج تختبرنا.

ينحط فوق البيعه للقادسيه ويتكل الهلال عنده محاور غيره واللاعب ما يتكل علية صعبه في النهائي يزلب التدريب يومين و الشباب الي يقولون نسامحه لا ننسا انه القرار النهائي بيد المدرب صعبه نشوفه بتشكيله بعد كذا
ثقة المدرب انعدمت والطيبة هذي ما تنفع اللاعب مهب هاوي جاي يلعب هذا محترف واذا كان مهب فاهم مسؤلياته الله معه

إقتباس الرسالة الأصلية كتبت بواسطة ارضي شوكي ينحط فوق البيعه للقادسيه ويتكل الهلال عنده محاور غيره واللاعب ما يتكل علية صعبه في النهائي يزلب التدريب يومين و الشباب الي يقولون نسامحه لا ننسا انه القرار النهائي بيد المدرب صعبه نشوفه بتشكيله بعد كذا ثقة المدرب انعدمت والطيبة هذي ما تنفع اللاعب مهب هاوي جاي يلعب هذا محترف واذا كان مهب فاهم مسؤلياته الله معه

اعتقد انه يعامل معاملة لاعب محترف
ومافي احد بيأخذ غير نصيبه
لكن ان يسامح هذا الشيئ اللي ما نبغاه
وللمعلومية صح انه له الفضل الكبير بعد الله
في وصولنا الى المباراة النهائية ولكن الخطأ
خطأ، هل كل لاعب يخطأ في حق فريقة نسامحه
اذا اخذنا بطوله

عمر الزعيم ما توقف على لاعب بعينه....الزعيم معين لا ينضب ؟؟؟ وشلال يتدفق مواهب ونجوم..... وأي لاعب في رويسه حب ما طحن...ترا الزعيم يطحنه طحن ..ثم يذره مع الريح....ولكم في خميس العويران والدوخي خير دليل...

كان فوز الهلال بالبطولة أمس أكبر درس لعزيز والجمعان والدوخي ومن هم على شاكلتهم........ الزعيم نادي كبير لا يتأثر بغياب لاعب مهما كان وهانحن فزنا على الإتحاد بغياب نجم النجوم سامي.

بعد التحيه والتقديرلجمهور الزعيم اقول اذاكان خلف غياب خالد عزيز يريد الانقال لاتحاد حسب مااسمع فيستاهل واذاكانت علطه فاارجومن اميرنا المحبوب العفوعنه
وشكرللجميع

انا اضم صوتي لصوت الاخوان بخصوص العفو او تخفيف العقوبه عن خالد عزيز
خالد عزيز ابدع الموسم كامل وعشان غلطه واحده ينهد كل شئ بناه
ياناس كونوا عادلين
الاعب اجتهد الموسم كامل وابدع فهل يعقل ان ننحر اللاعب عشان غلطه واحده
حرام عليكم يا ناس
خلو في قلوبكم رحمه
والعفو والاحسان من طبع المؤمنيين
تحياتي لكم
احمد

انا اعترض على كلامك
عزيز خان الهلال ورحل والهلال بامس الحاجه اليه والى مركزه
هروب من المعسكر بطريقه عجيبه وقبل مباراة الشباب بكم يوم
ليضع الهلال في ورطه وحيره
هذا تصرف بليد
واعتقد ان عزيز كان بوده الإنتقال للإتحاد وهو كان متوقع هزيمة الهلال
واعتقد ان منصور البلوي اتفق معه على ان يهرب عزيز من المعسكر لكي يضع الهلال في ورطه ومن ثم يخسر البطوله ويكسب عزيز الاتحاد
لكن اذا خانك صاحبك وانت باسوأ حالاتك فلا تسامحه وانت بأحسن حالاتك