|
معليش يخوي هلالي في كندا.................. قد اتفق معك ان عزيز مايستاهل التحويل لهاوي لانه مو من مصلحت منتخبنا ولا مصلحة الهلال ولا اللاعب نفسه هذا القرار لكن اسألك بالله في مباراة اهم من مباراة الجمعة وأسألك بالله انك تقدر تقارنه بعد حركته هذي بلاعب محافظ على التمارين حتى وهو ضامن إنه موبلاعب النهائي..........(مثل سلطان البرقان،مثلا...) ملاحظة: يعلم الله اني من أشد المعجبين بعزيز |
thank you............................. |
إقتباس:
دامك سألتني بالله انا اتفق معك انه لازم يعاقب ,,,,,,, لكن يجب الاخذ في الاعتبار ان اللاعب منضبط من بداية الموسم وهذي أول مره والمسأله لازم تعالج بحكمه وموضوعيه ,,,,,,و أقسم لك بالله لو حكمت انا عواطفي ((تراني عصبي)) لأحكم على اللاعب زي ما حكمت عليه الاداره وأكثر ,,,,, |
معاك حق هلالي في كندا.. مايستاهل كل هالخصومات والعقوبات..ومهددينه بالتحويل لهاو.. شوكرن |
يازين كلامك ورجاحت عقلك ومعك في كل الى تقوله بس اتمنى توصلوها لعزيز اوهكذا تورد الابل ياعزيز؟؟؟؟؟؟ حرام عليك ضيعت نفسك وربي هالموسم مسوي العجب العجاب |
ياهلالي في كندا انشهد انك كتبت وأبدعت في طرحك وانا مازلت اتذكر دفاعك عن عزيز عندما كان سلعه رخصيه لكل قلم هاوي عزيز لاعب كبير وله ثقله في صفوف الزعيم ولكن ينقصه فقط الاعلام ............ وما ادراك ما الاعلام سامي الجابر سبق وان ترك الهلال وذهب لتصوير دعايه ..!!!!!!!!! بس له اعلام يدافع عنه .. ويسهل من الامر وكأنه شي عادي الجمعان وش بقى ماسوى ..!!!!!! الدوخي مطنشهم ويقول مابيكم ياهلاليين .. وهم يعطونه ثلاثه مليون كاش ويقولون تكفى اقعد يادوخي ونوعدك ننسى اللي فات :confused: وهالمسكين عزيز مستقوين عليه ومتعفرتين .. يعني بيثبتون ان الاداره قويه .. والضحيه هالمسكين عزيز عزيز هو اللأعب الوحيد اللي كان جهده واضح طوال الموسم واتحدى اي لاعب هلالي غيره بذل نفس الجهد كيف ينزل بحقه هذه العقوبه القاسيه والظااااااالمه اتقو الله ياجماعه في عزيز لاتضغطون على اللاعب وبكره يروح ويخليكم مع اول عرض من البلوي |
اووكي انا معك خالد عزيز افضل محور في هالوقت في السعوديه بس والله انه مو مضلوون ويستاهل اي عقاب يجيه ولو عرضوه للانتقال بعد ... هذا نسميه عدم مسؤلية الاعب ومايستاهل الثقه اللي اخذها من النادي والحزم في هالأمور مطلوووب والجمعان ماخلاه يتمرد الا التساهل والمسامحه ولو انه واجه حزم من الأداره من البدايه لرأيته افظل مهاجم سعودي الأن |
الأخ حسن ,,,,,, جزاك الله خير انا فعلا نسيت اعاتب عزيز يمكن من كثر الي جاه نسيت ,,,, الأخ ناهس ,,,, والله كلامك يبرد القلب ,,,, وانا ما نبي ننبش الماضي لكن دفاعا عن اخونا عزيز مافيه مانع نذكر امثله من الماضي ,,, وأنا راسي مليان من هالامثله لكن ماحبيت اذكرها لاني اتوقع الجميع يعرفها |
إقتباس:
|
[align=center]الله لا يعمينا .. دخلت الشبكه اليوم كتبت مقال وطلعت ولاانتبهت لك السموحه .. جيت أشيك على الشبكه الحين .. سمعت صوت هوشه وطلق وترجيم مواعين قلت وش السالفه.. قالوا أبد هلالي في كندا مخرب أمها اليوم بمقال قلت أخش وأشوف :D .. ..................... والله يا غالي قريت المقال مرة ومرتين وثلاث. لم اجد فيه الا عين الصواب وكلام المنطق .. كنت ناوي أكتب في نفس هالموضوع لكن ظروفي أمس منعتني .. الرجال أخطى نعم .. لكن المفترض نعاقبه هو ولا نعاقب معه النادي .. مشكلة الهلال وعلى مر رؤسائه هي القرارات الانفعاليه أحياناً . الرجال غاب يوم ولا يومين .. وش المشكله ؟ صكه بخصم يومين من راتبه ويلعب ورجله فوق رقبته .. أما إني أجي واقول للمدرب جهز بديل ترى اللاعب الفلاني معاقب !! مشكله .. نعم الهلال كبير .. لا يتأثر بغياب أحد .. لكن اليوم مباراة كأس .. ربما هذا القرار حتى يأثر على نفسية زملائه ويجعل المعسكر بدون ارتياح كامل .. ............................... المشكله الألعن وادق رقبه في الموضوع : أن اللاعب قاعد يتطور مستواه بشكل رهيب .. يقفز مستواه من مباراة إلى أخرى .. أخشى ما أخشاه هو عقوبه تعيد اللاعب إلى الوراء كثيراً .. كلمت بالأمس أحد المقربين من الأمير محمد .. قلت بالحرف واللي يرحم أبوك قل لأبو سلطان يهدي اللعب مع الولد .. اي عقوبه مبالغ فيها أو حتى مستحقه راح نخسر بسببها نجم بدأ يسطع في سماء الدوليه .. وكلنا عشم في ابوسلطان وادراته في تحمل ماقام به اللاعب من خطأ شنيع .. فالعفو عند المقدرة .. والحلم سيد الأخلاق. ................................. برايفت للكندي": يوم جاء آخر الموسم (( تفلت ) علينا بمقال.؟ وينك من اول الموسم .. :wallbash: بكل أمانه طرحك رهيب ومناقشتك للموضوع فيها واقعيه كبيره .. أعوذ بالله أن ادعي تقييمك ولكن جد جد أكتشفت فيك المقدرة على كتابة مواضيع تمس هلالنا .. خاصه أنك اذا طلعت من دوامك .. عاطل في كندا .. لا شغل ولا مشغله :D امسك الكيبورد واكتب لنا من روائعك .. وخل عنك الدوران والقز :D يالله طولت عليك أي أم سوري .. بايو :razz: [/align] |
بالنسبة للأخوة اللي يقولون انه مو اول واحد يغلط بالنادي ....,وفيه قبله لاعبين كثير تركوا النادي في ظروف حرجه....انا اقولهم ..أن الإدارة الجديدة بقيادة الأمير الشاب أبوسلطان...ماتتحمل تهاون الإدارات السابقة في عدم إتخاذ قرارات تردع اللاعبين فيه .....يعني لا نخليها عذر ...كل ماغلط لاعب قلتوا ..هذا سامي وهذا الجمعان.... بصراحة ما ادري كيف نسمي اللي عندنا هذا احتراف ، واللاعبين بالمزاجية هذي.... |
[align=center] كندي في الهلال أثرت نقطه كنت ابغى اتكلم عنها والله انرفع ضغطي وانا اقرا الاخبار عن خالد عزيز في الجرايد واقول .. بادئ ذي بدء :) بغض النظر عن الاسباب الي أدت عن غياب عزيز مرض الوالده ،، يبي يرتاح ،، راح مع البلوي ،، تصريفه من راسه .. الخ اقول وبغض النظر عن ذلك كله .. فالجزاء .. لم يكن من جنس العمل خالد مايستحق هذا كله صدقوني .. مجرد حرمانه من النهائي بحد ذاته يكفي لردع تصرفاته نهائي كاس الملك الكل يتمنى يلعب فيه !! وبيني وبينكم .. الي اتهم رئيس الهلال بأنه متسرّع .. وجاهل .. وخانته خبرته اقوله معليش اسمح لي STOP مو مجامله والله ومو عشاني هلالي العقوبات من وجهة نظري غير منطقيه بالمرّه ومبالغ فيها وعلى قول الاخ تكفي لتدمير مستقبله بالكامل لكن رئيس الهلال شاطر .. وعرف يلعبها صح ليه ماتكون هالعقوبات مجرد كلام على ورق وتعتبر كـ أنها رسالة تحذير لاي لاعب .. ( في راسه جن :D ) يعني وده يبزوط ويلف ويدور على الاداره خبركم البلوي صار مايصدق خبر ويحتري أي غلطه على الهلال عشان يخطف أي لاعب .. :) والشيطان الله يبعدنا عنه مايعرف لا انتماء ولا احتراف ترى الفلوس شينه :( وشاكر لك اخوي على الموضوع وبالتوفيق انشالله للجميع . . Mar10 [/align] |
أبو ساره الله يرجك ترا انا حياوي من جد ,,,,, يا عيني عليك والله فهمت الي اعنيه بالضبط ,,,,, وانا اخوك انا موجود من اول الموسم لكن ما شاء الله الاعضاء المميزين كثر ويغطون كل المواضيع تقريبا وانا اكتفي بالرد احسن من اني اكتب موضوع مستقل ,,,, قسم بالله اني احس بالغبن ,,,,, نجم نضيعه بهالطريقه ,,,,, صارت كلية الهلال العسكريه ما صار نادي ,,,,,, ياخي يمكن الرجال عنده شغل هناك واذا خلصه يرجع مرتاح نفسيا ويعطي احسن ,,,,,,, ليش نفرض سوء النيه وننبش ورا اللاعب ,,,,,,,, اللوائح تقول يعاقب بالانذار مع الخصم ,,,,,اما التحويل الى هاو فلازم يغيب اسبوعين على ما اظن ,,,,,, لا والضعيف جايب الشاكوش على باله في المدرسه ,,,,, يا خوفي يتلقفه الدب مننا ونصير مثل ((طير أسعد)) ,,,,,,, أبو ساره شكلي ابكلم ابو سلطان يسحب جوازك ,,,, تيك كير |
والله مشكلة لكن انا معك في كلامك وخصوصا البلوي صار ينتظر اي زلة من الهلاليين للانقضاض على لاعبينهم وانا اتمنى ان الادراة تحل مشاكل لاعبيها بعيد عن الاعلام وبعيد القسوووووووة |
اخوي هلالي في كندا كل كلامك صحيح وانا عندي نقطه ودي نقولها لابو سلطان الله يحفظه خالد عزيز اخطاء . بس حرام تحوله هاوي وتحرمه من مكافاة الفوز على الاتحاد والله هاللاعب يعتبر من اللاعبين المبدعين الموسم هذا |
| الوقت المعتمد في المنتدى بتوقيت جرينتش +3.
الوقت الان » 02:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd