|
جمهور الزعيم ممكن تدخلون لأجل الهلال [align=center]. . . . . . . . بسم الله الرحمن الرحيم حبايبي جمهور الزعيم بكل مكان وخاصة قاطبي مدينة الرياض ودي اسولف معكم شوي بعيد عن الجديه والرسميه عند كتابة اي موضوع. حبايبي الغالين شرايكم بنادينا الهلال..؟ صح هو يسعدنا دايم ويرفع روسنا ولا وشرايكم..؟ كلنا بنجااووب ايه هو فخر لنا.. طيب حنا جمهور الهلال معروف عننا جمهور كبير ولنا كلمتنا وجمهور مو سهل..صح..؟ نتكلم بجديه شوي... حبايبي انتم تبون ياسر وصفقة ياسر اصبحت صفقه اعلاميه وتحدي ببينا وبين الاتحاد طيب وش نسوي اذا بعض اعضاء الشرف ماخذ الموضوع بجد ولا اخذها على انها تحدي. طبعا اعضاء الشرف اللي جالسين يقيدون المفاوضات مشكورين الحين يعطيهم الف عافيه بس حنا جمهور ذبحناهم نبي نبي نبي طيب شرايكم هالمره نكسر القاعده ونروح بكرا واليوم للنادي وندعم النادي بكل شخص لو اقل شي خمسين ريال او مية ريال... يعني معقوله مافي 40 الف شخص يشجع الهلال بالرياض يقدرون يروحون للنادي خلال يومين متواصلين ويدفعون خمسين ريال او مية مااعتقد المبلغ كبير قيمة تذاكر ثلاث مباريات. يعني راح نجمع تقريبا بحدود اربع ملاين اذا راح خمسين الف شخص ودفع وانا اتكلم عن اللي في الرياض بس فما بالك اذا في اخوان من برا الرياض سووها. انا معكم في ناس يمكن ماتقدر تدفع بس 70 بالميه يقدر انتم عارفين القادسيه حددت بكرا اخر يوم للهلال والاتحاد لتقديم عروضهم الاخيره ليش مانروح وندفع ويرتفع السعر وخاصتا اننا نعرف ونثق بادراتنا ونحسد عليها ونعرف انها لن تاكل اموالنا مثل بعض ادارات النوادي الاخرين. وان هالمبلغ مانجمع لصالح ياسر وانتهت صفقته هالمبلغ يفيدنا باشياء كثيره سواء دعم لي الاعبين او للنادي او حتى اعمال خيريه للنادي. خذو الموضوع بجديه وفكرو وماقدامنا الا 48 ساعه وبيدنا القرار خلونا نكسر القاعده ونصير الجمهور المؤثر داخل النادي وخارجه فكرو وبيدكم القرار [/align] |
ماعليك يارجال جمهورنا جمهور فصفص ماعنده سالفه اتحدى يسون اللي قلت عليه بس فكرتك رائعه والله ومستعد اروح اذا ردو عليك وقالو بنروح |
الله يعطيك الف عافيه على جميع الجماهير الهلاليه التوجه اليوم وغدا الى النادي |
الله عليك رووعه والله ارجوووكم ياجمهوور الهلال تفااعلو مع الموضوع ولابس تتشرطون تبون وتبون وتسبون وتتشرطوون ومافي شي |
طيب ليش ما يكون فيه رقم حساب للنادي ويتم التبرع له باللي يكون علشان اللي خارج الرياض - مثلي طبعاً - يقدر يدفع والمسألة تكون مشتركة |
اكيد في رقم حساب للنادي بس اعتقد ان الحساب مافيه حماس خاصتا الجو بيكون محمس لما الكل يتجه للنادي ويدفع هالشي شفنا اشياء كثيره فتحو فيها حساب وماوصل شي كثير بس لما نروح ونجتمع بالملعب راح يكون حماااس |
هذا ما يثبت بأن الهلال .. وراه رجاااااااااااااااااااااال.. ألف شكر يالغالي .. |
انا ساكن برى الرياض .. بس انتواا اعطوني رقم حساااب الهلال .. وانا اعرف ناس يتمنووون يخدمووون الهلال ناااااااااس اولاد نعمه .. مستعد يدفع .. 200 الف عشااان يخدم الهلال .. ايي والله !! |
كلام رااااائع ولكن لا حياة لمن تناااادي |
اخي الكريم لو فيه رقم حساب افضل وتكون الاستفاده اكبر لان حتى احنا البنات نستطيع تقديم المساعده وجمهور الهلال برا الرياض كثر . |
والله مستعدين نخدم النادي من عيوننا لكن اتمنى تزويدنا برقم حساب . |
لو فيه رقم حساب كان تلقى الناس يدفعوون زي السنه الي راحت على ما اظن يوم فتحوا حساب خاص للجماهير |
شباب اتركو عنكم الكلام وياليت فيه حساب اللي يبي يدعم يعرف كيف يوصل فلووسه مو يقول للو ولو ولو شبااااب تحمسو للموضوع ماقدامنا الا اليوووم وبكرا ارجوووكم تحركو والله مايضركم شي |
انا بروح بإذن الله لنادي وادعمه ماديا.... s13s |
حسافه ياشباب الى الان مافي اتفاق وين الكلام وين الوعود وينكم يازعماء نصف الارض وين هذا كله ولا بس كلام ماتقدرون تحدون وتتفقون وتملون الموضوع وتروحون اليوم تدعمون ياحسافه بس |
| الوقت المعتمد في المنتدى بتوقيت جرينتش +3.
الوقت الان » 04:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd