![]() |
بعض النصائح لمن يود شراء مرسيدس مستعمل اهلين شباب هذي بعض النصائح لمن يود ان يشتري مرسيدس مستعمل و انا اقولها من واقع التجربة لأني اشتريت E280 موديل 99 و كان وارد المانيا بس بعته و خلصت منه . أول ما اشترتها كنت فرحان الموتر طيارة ( مو منه من مكينته) طبعا كانت مكينته فياقرا شد بلد 12 بوجي مع انه 6 سلندر و كان قوي من جد بس يوم جا وقت الصيانه حسيت بالمشكله . القطع ناااااااااااااار و خاصة اغراض المكينه ليش انها فياقرا تخيلوا بواجي الشبح تقريبا تكلفك 50 ريال لستة بواجي و الفياقرا الواحد سعره 50 ريال و بعد الخصم يوصل 45 او يمكن 40 اذا كنت محظوظ يعني يطلعون في حدود الـ500 و وايرات البواجي لما سألت عنها قال لي الطقم سعره 900 ريال ليش؟؟؟ قال فياقرا هازا بابا و كنت فرحان انه وارد المانا فيه حاجات حلوة فيه هيتر حتى بالماي حق المساحات ( صحيح اني ما احتاجه بجو الخليج بس كنت فرحان بهالمواصفه) و يوم جيت ابيعه الكل من يعرف انه الماني يطيح لي سعره يقولون انه راح يرفع حراره بالصيف و انا و الله العظيم عمره ما رفع حرارة عندي بس تعرف وقت البيع لازم يكسرونك . و هذي بعض النصائح اللي احس انها راح تنفع اللي وده في مرسيدس: 1- ابعد عن اللي مكينته فياقرا و دور اللي مكينته شبح ( احسن لك في القطع) . 2- ابعد عن وارد المانيا لأنه وقت البيع يطيح سعره (انا مجربها) . 3- اذا ما كنت تعرف مواصفات المرسيدس عدل خذ معاك واحد خبير ( ترى اصحاب المعارض يجيب لك واحد جلد و فتحة و كراسي كهرب و انوار زينون و يقول فل ابشن و هو و لا شاف الفل وين الحساسات و المكيف اللمس و الستارة و باقي المواصفات). 4-اهم شي الفحص تراه يحميك جدا و لا تهتم اذا قال لك صاحب المعرض نظيفه و ما فيها شي افحصها منت خسران شي. 5- حاول تاخذ افنقارد لأنه احسن شي. 6-حاول تاخذ سيارة مو ماشيه واجد . 7-حاول تاخذ من الاحجام النتشرة احسن لك في القطع يعني دور 320 او 240 مثلا و ابعد عن الغير منتشره مثل 280 هذي الاشياء اللي جات في بالي الحين و اللي عنده غيرها يتفضل و يحطها و اتمنى انها تفيدكم . __________ تحيتي لكم |
والله عزيزي بيكهام النصايح هذي على العين والراس :razz: لكني ما راح استفيد منها لان سيارتي مرسيدس جديدة والحمدلله(من قدك) بس بعتها :D (افا) وبشتري مستعمل بس عشانك :D وعشان استفيد من نصايحك :razz: |
ههههههههههه حلو ردك يا عبود و مشكور على مرورك |
الوقت المعتمد في المنتدى بتوقيت جرينتش +3.
الوقت الان » 04:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd