|
وش رايك تجي تدرب . مواحسن يا العجلاني . انا بالنسبة لي راضي عن اداء باكيتا و انه مدرب فنان بكل المقاييس . |
يعني بصراحه كلامك معقول والله العالم |
الغنام والبرقان .....شغل مرتب |
السلام عليكم ورحمة الله وبركاته بسم الله الرحمن الرحيم انا اخوكم الفتـ11ـى الذهبــي :) وهذي أول مشاركه لي في القسم هذا ومسجل من سنة 2000 ومااكتب اتصفح واقرا بس وتوني اشارك من يومين بس :) اتشرف ان اكون من من يتواجدون في هذا المنتدى الراقي معكم ياأخوان <<اخلص علينا وخش في الموضوع :D طيب اشكرك اخوي الفؤاد على وضع النقاط هذي عن المباراه اليوم واحب اتكلم واتناقش معكم فيها كامله 1- انا اوافقك الرأي تماما في كلامك بالنسبه للنقطه الأولى ...فعلا الهلال يفقد بريقه ولمعانه لولعب بمهاجم واحد ومابالك بدافع كدفاع الأتحاد (دفاع المنتخب) انا اليوم حزنت كثير يوم شفت العنبر في الأحتياط وكنت أتمنى اشوفه بجنب سامي وطبعا زي ماذكرت دفاع الاهلي يختلف كليا عن دفاع الأتحاد ولكن لو لاحظنا بأن باكيتا لايلعب بمهاجم واحد صريح فقط وزي ماشفنا اليوم تناوب نواف والشلهوب وكماتشو في التقدم للأمام وهذا اللي يخليني ارتاح اشوي :) 2-فعلا قدم هذا اللاعب الشاب الطموح مستويات جيده هذا الموسم وبالذات في البطوله العربيه بس ياأخوي لاتوجد مقارنه بين الأثنين الدوخي اذا لعب صح ماله شبيه طبعا الكل يعلم بأنه منخفض مستواه ولكن ان شاء الله لولعب قدام الاتحاد مايخيب ظننا مع احترامي وتقديري للاعب ياسر الياس (الطموح) 3-من وجهة نظري وانا اتفق مع الكثير بأن الغنام وخالدعزيز هم الأفضل وبكل صراحه خالدعزيز غير يوم مايلعب s60s طبعا والبرقان والغامدي ماعليهم كلام بس احنا نتختار الأفضل واللي ذكرتهم اعتبرهم الأفضل 4-من المفروض انا جميعا مانحكم على اللاعب بالشكل المتسرع هذا بعطيك مثال عمر الغامدي اول ماظهر في الهلال كانت اكثر الأصوات تنادي بوضعه على قائمة الأنتقال ولكن مع الوقت اثبت بأنه لاعب مؤثر وله مكانه في الخارطه الهلاليه ايضا فهد مبارك شاهدناه في كأس الأمير فيصل رحمه الله كان يؤدي مباريات جيده وايضا في نهائي كأس ولي العهد هذي السنه قدم شوط أول جيد يعني لازم الواحد ينتظر ولايحكم على اللاعب بالسرعه هذي :) وبالنسبه لحسن العتيبي انا اعجبني اليوم انقذ كم مره خطره وماقصر جعله يسلم وماانسى عودة بوبندر بشكل مغاير هذا اليوم ومنور بالطقم الجديد وبالرقم 35 :D تفاريس لااتخيل دفاع الهلال بدونك :) أسف على الأطاله |
يعطيك العافيه |
الف مبروك على الفوز إقتباس:
|
على العموم يعطيك العافية ولا لالالالالالالا لتحطيم النجوم الصغار :nono: :nono: :nono: |
دفاعنا اليوم شوارع لان عزيز مو موجود وانت تقول الافضل الغنام والبرقان :confused: هاذا وهو الاهلي طايح مستواه انواع الهجمات للاهلي انا بصراحة افضل الغنام وخالدعزيز بيصير افضل بكثير وبالنسبة للخطة اذا رجع نواف لمستواه المعروف بتصير خطة حلوه s60s |
المهم مباراة المربع قدام الاتحاد :rolleyes: |
بس المفروض يا اعزائي ما تحطمون اللاعب وخصوصا ً انه توه صغير والمفروض تشدون من عزيمته للتألق الأكثر وبالنسبة لكلامك يالفؤاد الأزرق عين الصواب بس فيه نقطتين راح اختلف معك فيها واختلاف الراي لا يفسد للود قضية الأولى / أن الهلال أنسب خطة له هي 4 / 5 / 1 وذلك للأسباب التالية: 1 - أن معنى هذا الكلام أن المدرب راح يقفل الوسط تماما ً ومثلك يدري يا عزيزي أن الوسط هو قلب الفريق النابض 2 - أن وسط الهلال يتمتعون بنزعة هجومية بحته كنواف والشلهوب وكماتشو حيث يمكنك ملاحظة أن اكثر الاهداف تسجيلا هم من ذكرت 3 - اللعب بطريقة 4 - 4 - 2 يتطلب منك لاعبي ظهر جناح من نوع الدوخي الذي لم يلعب مباراة الأمس الثانية / وجود الغنام بجانب عزيز أفضل منه وجوده مع البرقان مع كامل احترامي للبرقان لأن عزيز يمتلك تكوين جسماني وتجلد يفتقده البرقان آسف على الإطالة وأشكركم على ردودكم واهتمامكم وبالتوفيق للزعيم بابنائه |
[align=center][ALIGN=CENTER][TABLE=width:100%;background-color:white;background-image:url();border:8 solid darkblue;][CELL=filter:;] يعطيـكـ العافيـة :: مبروووك الفووز :: انت تقول وجود البرقان والغنام افضل من وجود عزيز والغامدي انا اعتقد وجود الغنامـ وعزيز هو الأنسب :: s60s :: ;) تحياتي ;) :: [/CELL][/TABLE][/ALIGN][/align] |
ما قصرت والله يعطيك العافية وكلاً له وجهة نظر :) |
كلهم نجووووووووووم وفهد المبارك مبدع بس مع الوقت راح يطور نفسه صبروا عليه شوي وعطوه الثقة وراح يبدع وخلونا ناخذ حالة خالد عزيز على سبيل المثال لما اعطي الفرصة للمنتخب كان نجم من نجوم المنتخب فكل اللي نبيه اعطاء الثقة له وشوفوا لاعب ثاني . التشكيلة حلوة لانه فيها امتلاك للوسط وافضل لو لعب 4-4-2 في كل الحالات راح يقدمون مستوى . تحياتي لك ،،،،،،،،،، وســ الهـــلال ـــام |
أحلى ما في مباراة الأمس شوتة نواف الي ما أدري وشلون الحارس طلعها :wallbash: وسحبة الشلهوب s60s s13s :laugh: بالنسبه للمحاور يبيلك محور دفاعي مثل عزيز ومحور هجومي مثل عمر الغنام يغطي هجوم ودفاع ولذلك أفضل وجوده دايما وخلنا نقول الغنام وعزيز في إعتقادي المتواضع يكونون أفضل فهد المبارك توه صغير وكل الي أقوله إصبرو عليه وتذكرون كلامي وإذا سؤالك ليه يلعب وفيه الموري ؟ الإجابه بسيطه المبارك يغطي الجوانب الدفاعيه ويعود للخلف أكثر من الموري إقتراح : لو الموري يلعب ضهير يمين !؟ (مع إن الياس منجم) يمكن إقتراح مجنون شوي بس منطقي بالنظر لجسمه وطريقة أداءه وإحتياجه لمساحات كبيره تحياتي |
الف مبروك الفوز وعقبال الاياب يارب المبارك لاعب صغير وله مستقبل وصعب نحكم عليه بالفشل على طول هذا اول موسم له مع الفريق الاول لابد ان نصبر عليه ونمده بالثقة والدعم المعنوي اما عن الخطة فلا ينكر احد ان اغلب مباريات الهلال هذا الموسم كانت بهذه الخطه وحقق الفوز في كثير منها وهي تعطي الفرصة للفريق الهلالي بالاستحواذ التام على الكرة بالاضافة الى السيطرة على منطقة وسط الملعب وتكيف العدد فيها مما يتيح الفرصة لتسجيل الاهداف بالمساندة الهجومية ولو لاحظنا ان 3 من اصل 5 لاعبين في الوسط لديهم النزعة الهجومية في مباراة البارحة (الشلهوب- نواف - كماتشو) في المقابل الغنام والبرقان في المحور الدفاعي فهي خطة ناجحة من وجهة نظري في جميع المقاييس s13s |
| الوقت المعتمد في المنتدى بتوقيت جرينتش +3.
الوقت الان » 09:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd