الدوخي ماطلب شيء ياللي مع الخيل يا شقراء !! - صفحة رقم 7 - نادي الهلال السعودي - شبكة الزعيم

الهلالي- ابوسارة · #1 22/06/2005, 08:49 AM

[align=center]

إقتباس

الرسالة الأصلية كتبت بواسطة الملاح الهلالي


	[align=center]لو بيدي يا ابو ساره كان الغيت اغلب المواضيع اللي تتكلم عن انتقال الدوخي وثبت موضوعك ... لانه يعتبر وجهة نظر كل هلالي الكل يقول الدوخي مايستحق الثلاث ملايين طيب الدوخي طلب فترة 24 ساعه .. ليش تقفلون بوجهه باب التفكير بالمستقبل اتوقع التفكير بالمستقبل يعتبر خيانه للهلال !! وزياده على كذا تم التعاقد مع العصفور .. ياسر الياس يعوض الدوخي وافضل من الدوخي مثل مايقولون طيب ليش العصفور ..... ولا هذا نوع من التقليل من اهميتك يالدوخي ومانبيك لو طلب عبدالرحمن العصفور يوم واحد لتفكير بالعرض الهلالي .. هل سيتم صرف النظر عنه ..!!!؟؟ جمهور المدرجات الهلاليه .. اللي تساند الفريق ماتنكر محبة الدوخي وولاءه للهلال وياكم شفنا الدوخي تفضحه محبة الهلال بعيد عن الكاميرات اتحدى احد يثبت ان الدوخي أصر على 4 ملايين ريال .. لأنه طلب يوم لتفكير والإداره هي من أصرت على المزاجيه ..وكأنها تعاقبه .. وتعاقبنا بهذه التصرفات الهلال كتاريخ غني عن التعريف .. انجب وصقل لاعبيين يعتبرون الاميز اسيويا ولكن لم يكن لأي اداره هلاليه سابقه .. مثل هذا التصرف مع اي لاعب سابق الدوخي لم يساوم الهلال لانه طلب يوم لتفكير .. وبهذا اليوم لن تقام مباراه مهمه للهلال او انه خلال الاربع وعشرين ساعه سوف ينتهي عقده الدوخي باقي على ذمة الهلال حتى نهاية الدوري ... فلماذا العجله ؟؟ كان الله في عونك يا ابو ساره ... تريد ان تطرح وجهة نظر رائعه ...وتقابلها بسب وشتم وتقليل من اهمية الاعب بستثناء من كان لك مؤيد معاقبة الدوخي بالتحويل للفريق الرديف .. والانضمه تجيز له الاعب بالمباراه النهائيه معاقبته بالتعاقد مع العصفور .. فبعد ان كان الاول بالجهه اليمنى اصبح الثالث معاقبته بحرماانه من التفكير ... الذي اتوقع ان الأغلبيه اعتبروها خيانه بحق الهلال . . . تتوقع يعاقبوني بـ المندس وقفه طويله شوي اشوف بعض المواضيع بالمنتدى قلبوها المسطره الرياضيه اللي يقول حق الهلال منها 4 مليون .. واللي يقول الرئيس ذكي يعرف ان الاعب مايقدر ينتقل واللي يقول حق الهلال 5 ملايين ... أتوقع لو أن الاداره عطت الاعب 24 لتفكير وطبعا بيوافق على العرض صدقوني البطولات اللي بيساهم فيها بتسوى أكثر من 5 ملايين [/align]

يا أخي قبل اطلع من النت الحين ..

حبيت اقتبس مقالك هذا ولو الأمر بيدي لأخليه في موضوع مستقل ..

سلمني عليك بليز ترى السلام أمانه ..

قريت ردك أكثر من مرة فـوجدت نفسي أقول لله درك كل مرة

[/align]

abdulmajeed_1 · #2 22/06/2005, 10:03 AM

[align=center]هـــلا بابوســاره هلا ..

هلا بولــد الحاره ..

هلا بشيخ القبيله .. واللي غيره هبيله .. << يحتــك

هلا براعي البليله ..

هلا بولد الديره واخــو منيره ..

ياشيــخ وش خليت للسنايديه إنت ..

مشكور على الجرأه وعلى طرح وجة النظر الجميلة والرائعة .. وإنك

مانتب مع حقين الخيل ياشقراء ..

أول شي لاشك إن أبو دَ و َ خ ماقصــر و مافيه بطولة شارك بها إلا وله

بصمتـــه .. وهذا ماينكره إلا جاحد ..

ماتخفى عليك يابعدي هالعبــــاره ..

(( الإختلاف في الرأي لايفسد للود قضية ))

وبحكم إني صرت أمون عليــــك أبعطيك مابالخاطر ..

أنت خابر ياخلفهم إن الدوخي بدا مستــواه يتراجع .. << اتركنا منها

الأخوه النجوم بالنادي المجــــاور يوقعون بـ 500000

ومليون لـ مدة سنتين أو ثلاث .. << بعد اتركنا منها

سالفــة مباراة الإياب مع الإتحاد الأخيرة بدوري العرب وقصة الإصابة

الملعــــــوبه .. بعدما سمعنا إن الدوخي مالعب لشي ٍ بنفسه << اتركنا

مع إن اللي سمعناماهوب العشم من أبو حميــد ..

لكن نعرض له 3000000 وكاش بعد ماكانت مليونين ونقلل المدة من 5 إلى 4 سنــوات ..

وتستمــر بالمساومه .. فهذي كبيره يالغالي بحق النادي والجمهــور قبل المسؤولين ..

وجهة نظر ..

.
.

ومضــة :
لو الشفا في ضلوعي يداويك
اطحن جميع ضلوع صدري فداياك
.
.. لحظه ..
.
أدري انك تبي تقول ( الشفا ولا السويدي ) ..<< قلتها قبلك

محبــك [/align]

الهلالي- ابوسارة · #3 22/06/2005, 10:48 AM

[align=center]

إقتباس

الرسالة الأصلية كتبت بواسطة zaidan


	افضال النادي على الدوخي لاتحصى 3 ملايين عرض كان يجب على الدوخي ان يقبل به لايجب فتح المجال للمزايدات استغرب غياب خالد بن الوليد عن هذا الموضوع الدوخي خسارة كبيرة ولايمكن تعويضها مهما حصل لكن العبد يدور عبيد جده عشان يلفونها مع بعض ويرفعون صح بقيادة زعيم العبيد الكلب مهمد ثور وتحت إشراف الممول الفيل أبو البلاوي الله لايوفقه

ياخوووك الاحتراف مافيه عطيتك ورزيتك وسويت لك اسم !!

فيه :

خذ حق و عط حق !!

وبخصوص خالد بن الوليد اليوم بيجي النادي ويحل موضوع صديقه احمد ..

بحكم الصداقه الي تجمعه بخالد اتوقع ان الدوخي بيستمر معنا ..

........

زعيمكس .. حيا الله ملك الومضات ..

والله انك تقول كلام في الصميم ..

تتكلم درر من فوقها ومضات .. كثير والله مو قدك حناا

ومضه لأجل مرورك سديقي ---> مبسوط بخبر خالد بن الوليد واسمحوا لي استظرف

:

انا اشهد انك يا زعيمكس فنان . . ونشتاق للومضات من شوق راعيها

[/align]

omar_uk · #4 22/06/2005, 01:04 PM

بسم الله
سلام وتحيه للجميع بقيادة المايسترو ابو ساره
هذا ثاني رد واللي قرا الرد الاول يشوف الخاتمه بالله يفرجها وعسى الدعوه تتحقق يا دوخي بعد ما سمعنا تدخل ابو الوليد
هذا كان اولا ثاني شي انا ما اعرف وين المشرفين وادارة الموقع عن مثل هذا الرد

إقتباس

الرسالة الأصلية كتبت بواسطة zaidan


	افضال النادي على الدوخي لاتحصى 3 ملايين عرض كان يجب على الدوخي ان يقبل به لايجب فتح المجال للمزايدات استغرب غياب خالد بن الوليد عن هذا الموضوع الدوخي خسارة كبيرة ولايمكن تعويضها مهما حصل لكن العبد يدور عبيد جده عشان يلفونها مع بعض ويرفعون صح بقيادة زعيم العبيد الكلب مهمد ثور وتحت إشراف الممول الفيل أبو البلاوي الله لايوفقه

انا ما اقدر اعلق على اخر جمله

بس الله يهدي الكاتب والله يهدي كل من قرأ هالجمله ولا انكر
يا أخوان كهلاليين المفترض احترام الجميع منافسين واشقاء كيف اذا جات الاممور على ولد من اولاد النادي
وفي الختام عسى تسمعونا اليوم اخبار تفتح النفس
والله يفرجها يا دوخي

كت كت هلالي · #5 22/06/2005, 08:10 AM

مانبيه خله يروح للاتهاد عند مهمدنور

ابو دهنوش · #6 22/06/2005, 08:27 AM

اقول زي ما قال الشاعر:

" اللي ما يبانا مانباه"

فديتـــــ(11)ـــــك · #7 22/06/2005, 08:31 AM

عين العقل والحكمه يابو ساره ...

والله الي طلبه قليله في حقه ... الله يستر

zet zet · #8 22/06/2005, 08:34 AM

مشكورا اخوي ابو ساره والله انك تتكلم بعقل

والدوخي عاقل ويعرف يفكر والله بوفق الجميع

والله اني اتمنى ان مايرحل الدوخي

الهلالي- ابوسارة · #9 22/06/2005, 08:34 AM

[align=center][QUOTE=راعي العلياء]

إقتباس


	اول شي يا بو ساره تحياتي لك ولأسلوبك الراقي وملامستك لمشاعري في اسطرك .... يعلم الله اني أقرا اسم الكاتب في المنتدى قبل ما أدخله لان هنا ترجح كفة العقل قبل الكتابه للموضوع .... انت كل كلامك اتفق معه تماما الا شي واحد ... الي هو ان الدوخي يعطى مليون زياده .. انا أشوف ان العرض الي قدم للدوخي منطقي جدا جدا جدا ...

هـلا بك راعي العلياء .. ياخوووك مسكت على مليون!!

في اعتقادي كان تصرف الادارة حلو ومنطقي لو كان طلب زيادة مليونين وما فوق ..

إقتباس


	اما عن سالفة التمياط انه تقاضى في السنه مبلغ مليون ريال وهو مصاب .. هنا يا أبو السوري .. التمياط صرح بنفسه في برنامج المواجهه انه كان عنده عرض يفوق عرض الهلال بمرااحل من نادي أجنبي ,, ونادي محلي...

يالغالي حتى أحمد عنده عرضين واحد هولندي سابق طوفه عشان الهلاليين وعدوه خير ..

وهالأيام معه عرض السبعه مليون البلوانيه !!

يعني سالفته شبيهه تماماً لنواف ..

إقتباس


	ولا تنسى ان التمياط كان قبلها في أوج مستوياته..والمفروض الهلال يقدم للتمياط عرض يفوق هذا العرض ولا مثله عشان يبقى التمياط في الهلال لكن الي صار ان التمياط وافق على العرض الي تقدم به الهلال في ذاك الوقت... لكن عقلانيه التمياط وعدم طلب المستحيل هي الي رجحت ...

يالغالي نواف لما وقع ما كنا نعرف هو وش يكون مصيره لأن الاصابه في الركبه صعبه شوي!

ومع ذلك رضخنا لمطالبه لأنه أحد رموزنا .. وتمنيت نفس الكلام والمبدأ ينطبق على النجم والرمز

الأخر أحمد الدوخي

إقتباس


	الدوخي لاعب كبير ومكانه راح يكون شاغر في الجهه اليمنى بكل أسف لو أنتقل الدوخي .. مع احترامتي للياس يبي له مراحل عشان يوصل للنزعه الدوخي الهجوميه والدفاعيه .. وصناعة اللعب في أغلب الهجماات ... ولا البحري اذا جاء بيكون بكفاءة الدوخي صدقوني .... لكن امر لله وش نسوي...

المشكله واللي يبط الكبد ياخووك اننا نقدر نسوي ونسوي ..

نقدر نزوده مليون !!

إقتباس


	على كل حااااااااال .. الله يعينا في هالمنتدى على الكلام الي بيترس الصفحات.. عسى بس أدراة الاخبار تلقى لها موطأ رجل من هالزحمه تحط فيه أخبار النادي.. كل العالم بتكب عن الدوخي سوا والدوخي فعل والدوخي مرض والدوخي أكل...

أتفق معك أنها غلطه اداريه بحته لم يكن المفروض هذا أوان طرحها ..

المفترض تأجيلها واستغلال تمديد العقود الحاصل الآن لفرق المربع ..

أو تعجيلها سابقاً .

إقتباس


	أخيرا : قبل الي أقوله سكروا على موضوع الدوخي ... ترى الدوخي اول وأخير بيبحث عن مصلحته قبل يبحث عن مصلحة النادي لان هذا باب رزقه وعيشه .. لكن بتشوفون بعد هذا كله الدوخي بيرجع لبيته .. ولا تقولون ولد عبدالمحسن ما قال ....

والنعم والله بولد عبد المحسن ---> انت بدر بن عبدالمحسن ولا انا مشبه وغلطان

بخصوص البرايفت فـ حاس اني زودت العيار والجرعه واحساسي ماراح اوصل بيتنا اليوم

________

اخواني الكرام ..

بلاش من هالكلام اللي مايوكل عيش :

الدوخي قلعته !!

منتهي !!

يظف وجهه حنا اللي رزيناه !!

هذا عصر احتراف ..

زي ماعطاه النادي .. ترى النادي أخذ منه والدعوى اخذ وعطا ..

والله ان تقلبون كلامكم 360 درجه اذا راح للاتحاد ..

راح ناكل خابور لا جاء الجد واذكركم[/align]

هلالي$الدمام · #10 22/06/2005, 08:45 AM

اخوي بوسلطان ذهب للامير الوليد بن طلال وارسل خطابات لأعضاء الشرف كل ذالك لجمع مبلغ الدوخي وفي الأخير وبوقفة الوليد وعبدالله بن مساعد وعبدالرحمن بن مساعد استطاع بوسلطان جمع المبلغ وكاش وذهبه به الى النادي وجلس مع الدوخي مايقارب الساعتين وتنازلبوسلطان عن الخمس سنوات الى الربع سنوات ولكن الدوخي لايريد الهلال فاالله يوفقه واذا جلسس ماهي غريبه جلس في بيته.

الزمرد الازرق · #11 22/06/2005, 12:13 PM

اخوي ابو ساره انا معك في كل كلمه قلتها

والدوخي ماطلب الا حقه

وسلامتكم

هلااااااال · #12 22/06/2005, 12:27 PM

كلامك صادر من العقل ابوسارة وبعيداً عن العاطفة العمياء والنعرة اللي على غير سنع ، وانا اتفق معك في

كل ماكتبته ، ولابد ان نفهم اننا نعيش عصر الاحتراف ومن حق اي لاعب ان يرى مصلحته ، واتمنى من جميع

الزعماء ان يرتقوا باسلوبهم في الطرح واختيار الألفاظ والكلمات ، ويظل الدوخي لاعب هلالي خدم ناديه ولن

ننسى ماقدمه حتى لو انتقل

تغيب الشمس بحلم يومي · #13 22/06/2005, 12:45 PM

موضوعك هو احد المواضيع القليلة الي قريتها عن انتقال الدوخي ...

لأني أثق برايك ووجهة نظرك ...

أما االاغلبية مع احترامي ...

بصراحة يابو سارة قريت موضوعك كاملا ...

لكن ماقريت الردود ...

وكما قال الاخ الهلال الملاح ... موضوعك تقريبا يعتبر وجهة نظر كل هلالي ...

ولكن أحب أضيف عليه شئ واحد ...

أنت تعرف تماما أن ابو سلطان هو أقرب الهلالين من النادي وأشدهم حرصا على مصلحة الهلال ...
لسبب بسيط هو أنه يدفع من جيبه الخاص في ظل تردي الدعم المادي ...

لذلك يجب أن نتاكد أنه ماراح يتخذ الا اللي فيه الصالح العام له شخصيا وللهلال ولجماهيره ...

أنا متاكد أن ابو سلطان شم ريحة تلاعب من الدوخي .. أو لف ودوران ...

واتوقع انك ماتقبل من انسان انه يلف ويدور عليك ...

فما بالك بأمير ...

الدوخي بيرحل وسيشكل ذلك كمد وضيق كبيرين لنا .. ولن ينكر ذلك الا مكابر ...

ولكن في نفس الوقت لن نكره الدوخي لان لا انا ولا الثاني ولاا الثالث راح ننفعه ...
أكبر دليل غالبية المواضيع الي تسبه وتصفه بابشع العبارات بمجرد ان بحث عن رزقه ...

عموما اتمنى ان يقفل هذا الموضوع نهائيا .. وان نجدد ولائنا وثقتنا بابوسلطان ...

تحياتي لك أخي وعزيزي ابو ســـــأرة ...

blue tiger 30 · #14 22/06/2005, 01:21 PM

كلامك صحيح و مبدع كالعادة

أحب الهلال وبس · #15 22/06/2005, 01:55 PM

كالعاده رائع يا أبو ساره

وأنا معك الدوخي لا بد أن يبقى