|
هذي اقتراحات مني للامير محمد بن فيصل(الرجاء الدخول)موضوع رائع وبالتفصيل بسم الله الرحمن الرحيم بصراحه ماتوقعت هبوط مستوى الفريق بالهشكل في نهاية الموسم وهذي اقتراحات مني وعطوني رايكم اولا:التعاقدات الفريق الآن يحتاج للاعبين جدد ويحتاج لتكوين صف ثاني قادر على تقديم مستوى راقي جدا وهذي بعض الاقتراحات التعاقد مع حارس مرمى احد( محمد خوجه) خصوصا اننا نحتاج لحارس ممتاز وشاب وايضا محمد الدعيع ماراح يطول اكثر من كذا والله يعطيه الف خير وحسن العتيبي يحتاج لحارس ممتاز معاه خصوصا في ضل صغر سن المعيوف(حارس المستقبل) مقايضة(الغنام بسعود كريري)يعني نتبادل لانه بصراحه الغنام من جاء للهلال وهو خشن ومستواه هابط وما شفنا منه الا الكروت والبلنتيات والفاولات مكن لانه مصاب في بداية الموسم لكن وجهة نظري ان كريري افضل بمراحل التعاقد مع(زكريا الهداف)صخرة دفاع القادسيه لانه من افضل المادفعين وطوله ممتاز وخصوصا ان البلوي ماراح يبيع لا المنتشري ولا تكر فما عندنا الا هاللاعب التعاقد مع( سعد الحارثي) لان هجومنا يحتاج الى هداف رائع جدا خصوصا ان سامي ماراح يلعب اكثر من موسم او موسمين الله يطيه الف عافيه والجمعان ماينضمن بضيع نص الموسم او اكثر كالعاده. فما راح يكون عندنا الا الصويلح والعنبر والخراشي ولاعب اجنبي والواحد مايعرف الظروف ممكن لاعب يصاب او ينطرد او ينزل مستواه لفتره معينه التعاقد مع(حسن الدوسري)صانع العاب فريق هجر رابع دوري الدرجه الاولى هذا اللاعب رائع جدا خصوصا انه هداف الفريق ب10 اهداف مع انه لاعب وسط ولا تنسون ان الاحساء منبع المواهب وهاللاعب توه صغير ثانيا:الاجانب الغينا عقد دي سيلفا وانشاء الله كماتشو بيلحقه فراح تحتاج الى البديل الجاهز (عبدالقادركيتا)مهاجم فريق السد القطري لاعب سريع مراوغ رهيب قدمه قويه لدرجة ان احد الصحف القطريه حطت عنوان(من يقدر على كيتا؟) وبدال كماتشو نجيب لاعب السد القطري حسين ياسر (مصري الاصل ولديه الجنسيه القطريه) بدأفي شباب الريان وبعدين انتقل للخو او الوكره وبعد كذا انتقل الى مانشستر يونايتد وقال له اليكس فيرجسون مدرب مانشستر :انت لاعب ممتاز لكن جسمك لايساعدك على اللعب في الدوري الانجليزي وبعدها لعب موسم في بلجيكا وبعدين راح لقبرص موسمين وحقق الدوري القبرصي وراح للسد وقال هذا آخر موسم له في السد. في كلام نسمعه هالايام عن اضافت اجنبي رابع وما لكم الا (طارق التائب) الليبي اللي كان في الصفاقسي التونسي والآن في الدوري الفرنسيلكن(صعب التعاقد معاه) ثالثا:الاعداد المبكر لازم يكون الاعداد للموسم القادم مبكر جدا عشان مايتكرر نزيف النقاط في بداية الدوري وخير دليل خسارتنا من الانصار وتعادلنا مع الرياض ادري اني طولت لكن تحملونا عشان الزعيم وشكرا |
كلامك صحيح الا الغنام مشكووووووووووووور على المووووووووووضوووووووووع |
كلامك ممتاز جدا الفريق بحاجه لبعض اللاعبين لكن الغنام اصبر عليه توه راجع من اصابه وباذن الله راح يكون افضل محور خليجي |
اتمنى ان تدرس الاقتراحات |
اقتراحاتك على العين والراس ولكن لو تفكر فيها شوي تحس ان الوقت مايساعد على تطبيقها مقايضة لاعب بلاعب او الغاء عقود او التعاقد على شان نكون صف ثاني خلال هذه الايام اقدر اقول لك ان الامر مستحيل مستحيل مستحيل الى ان كان الموسم القادم هنا اتفق معك الى الغنام |
إقتباس:
|
مشكورين على آرائكم ياشباب وانا عارف ان مثل هالشياء صعبه خصوصا التائب لكن ودي ان ننفذ لو جزء منها مثل زكريا الهداف انه ماعنادنا دفاع يعتمد عليه مفي الا المفرج وتفاريس والهليل انشاء الله بيثبت نفسه واحمد خليل كبر في السن(وللسن احكام) وحسن الدوسري على كلام الصحف انه في الطريق للمتاز بين الهلال والقادسيه والحزم(على كلام الجرائد) والنصر محتاجين فلوووووس لانهم(وحسب ما سمعت والعلم عند الله)انهم شبه مفلسين ولاتنسون ان وراهم اجانب الموسم المقبل وشكرا لكل من شارك |
كلامك ممتاز جدا الفريق بحاجه لبعض اللاعبين لكن الغنام اصبر عليه توه راجع من اصابه وباذن الله راح يكون افضل محور خليجي |
s13s إقتباس:
|
السلام عليكم يعطيك الف عااااافيه وماقصرت وكلامك 100% بس s60s فيه نقطه اختلف معاك فيها وهي الغنام علينا ان نصبر عليه لانه كان مصاب ,,,,,,,, |
كلامك ممتاز جدا الفريق بحاجه لبعض اللاعبين لكن الغنام اصبر عليه توه راجع من اصابه وباذن الله راح يكون افضل محور خليجي s60s s60s |
فيليبوانزاجي أنت كذا s60s كل الي قلته أتفق معاك فيه وخاصة خاصة سعد الحارثي لإنه التعاقد معاه أشوف أنه سهل تدرون ليش ؟ لإنه ماهو مرتبط بعقد مع النصر وفق هذا كله النصر ما عطوه ولا شيء حتى السيارة مستاجرين له سيارة كورية وماسكينها عليه الضعيف :cry: يقولون له ترى أن مشيت نبي نسحب السيارة منك من زين سيارتهم عاد :razz: فلو يشتغلون الهلاليين صح ويدفعون له المبالغ الي بيدفعونها لياسر القحطاني كان زين s60s لإنه بصراحة أفضل بكثير من ياسر وماعليه خوف من البلوه البلوي لإن سعد الحارثي لا يمكن يطلع من الرياض ثانياً سعد عنده شيابه الله يحفظه متعنت ومتصلب شوي ما يبيه يحترف يبيه يكمل دراسته لكن لو شاف الشياب الملايين يمكن يغير رايه خاصة وأن الإحتراف ماراح يقطع سعد من الدراسة :D |
كلامك عسل أخوي فيليبوانزاجي لاكن كريري محور هجومي أما الغنام أدواره دفاعية أما بالنسبة لكيتا صدقت أتمنااااه من زمان يلعب مع الزعيم أما خط الوسط حامدزيتش البوسني لاعب البايرن ميونخ لاعب مميز s60s s60s s60s s60s s60s |
الله يسمع منكم ويكون الغنام افضل محور خليجي وياليت لو توصل هالاقتراحات للامير محمد بن فيصل وخصوصا كيتا |
كلامك فيه وجهة نظر إلا في مسألة الغنام أنا أختلف معك فيها s13s s13s s13s |
| الوقت المعتمد في المنتدى بتوقيت جرينتش +3.
الوقت الان » 03:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd