$$ الكتابه على الفلوس $$ - نادي الهلال السعودي - شبكة الزعيم

هلاليه سنعه · #1 16/06/2005, 06:16 PM

[align=center].. السلام عليكم ورحمة الله وبركاته ..
.. مســـاء الخير لكل زعيم وزعيمه ..

حبيت أطرح لكم موضوع أو بالأخص عاده سيئه منتشره منذ الأزل.. بالعامي من مبطي ..

أنا اتعجب من هاللي يسوونها ..
.
.
. ألا وهي ... (((((عادة الكتــابه والشخبطه على الأوراق النقديه ..اللي هي الفلوس..))))) ...

هالعاده جداً سيئه وتدل على نقص اللي يسويها..بعضهم اتخذها هوايه..وبعضهم اتخذها ترقيم..

او يكتبون ذكرياتهم ..

ووموب بس بالفووس حتى الجدران ماخلّوها<<مسووين فيها بيكاسو..

فيكم حرّة كتابه وشخبطه ماكثرّ الله ألا الدفـاتر والأقـلام خذها وانقشها ..

واللي يزيد الطين بله ان هذي الفلوس يتداولها الجميع وهي وسيله ماهي ملك للشخص لحاله لأنه اكيد بيستعملها بتعاملاته..

لا وفيه بعض المراهقين يقلّدوون يشووفونها على الفلوس ويجون ينقشوون عليها تقل لووحه ..مع الخيل ياشقـرا..

.،.،.ومن المواقف اللي حصلت لي اني مره رجعت من السوق والقى من بين الفوس اللي رجّع لي اياها راعي المحل..

100 مسووي فيها واحد خريطه كاتبن اسامي فنانين وفنانات ..واشعار..وارقام لوحات وش بقى مابقى الا بطاقة الاحوال ..

من جد شئ يقهر مدري متى بيكبروون ويعقلوون ..

**** ابي أرآئكم أو مواقف صارت لكم مثلها واما حلها ما اتوقع لها حل ألا ان الله يهديهم ....

.... تقبلوا مني خالص التقدير والإحترام ..... وشكراً،،،،[/align]

كيفي كويتية · #2 16/06/2005, 10:54 PM

[align=center]هلا وغلا خيتو

إقتباس


	عادة الكتــابه والشخبطه على الأوراق النقديه ..اللي هي الفلوس

هالمشكلة حالها حال الكتابة عالجدران وعالطاولات

بصراحه حركه مالها داعي

قبل جم يوم خلقيت عندي دينار مكتوب عليه( الله ياخذ كل واحد ياخذ هالدينار)

حقدت عليه بصراحه ودعيت عليه

يسلمووو خيتو وبانتظار كل شي جديد ;) [/align]

سهل · #3 17/06/2005, 03:59 AM

هذا غير اللي يرسمون على الصور

اتصل شخص على شيخ يفسر الاحلام في برنامج على الهواء
وقال له يا شيخ حلمت اني لابس بشت وصورتي على الريال !
وش تفسير الحلم !!!
قال له تفسير الحلم يبي يجيك جيب بعد عشر دقايق ويضفك انت وبشتك

عاشق الفيلسوف 15 · #4 17/06/2005, 07:05 AM

إقتباس


	قال له تفسير الحلم يبي يجيك جيب بعد عشر دقايق ويضفك انت وبشتك [/color]

[/quote]

هههههههههههههههههههههههههههههه
ههههههههههههههههههههههههه
هههههههههههههههههههه

وأنت مسوي فيها أنك مشرف على المجلس العام

بيجي جيب يشيلك أنت ومجلسك هههههههههههههههههههههههه

نـــــــ15ــــــمر · #5 17/06/2005, 05:30 PM

هي عاده شينه وفي احد المواقف المضحكه دخل واحد ما واشوفه يقرى من ورقه فئه 100 ريال وشوف مكتوب عليه 2 وجبه ما شكن واحد بيج ماك و.........................................
المهم يوم خلص وجاء بيعطيها الفلبيني عيا ايخذها ورجع المسيكن بدون اكل

هلاليه سنعه · #6 17/06/2005, 06:32 PM

[align=center]مشكورين على مرروركم وتفاعلكم ..

.. كيفي كويتيه ..
هلا بك خيتوو منوره الموضوع
اما سالفة الدينار شئ بعذرتس تحقدين عليه ..

..سهل 888 ..
ههههههههههههههههههه
مسيكين واثق ..

.. عاشق الفيلسوف 15..

.. نـــــ 15 ـــــمر ..
ايه يستاهل فشلوونا عند هالأجانب
عشان مايتعودها مره ثانيه ..[/align]

..][ فـهـد ][.. · #7 17/06/2005, 11:39 PM

[align=center]وعليكم السلام ورحمه الله وبركاتـة

إقتباس


	عادة الكتــابه والشخبطه على الأوراق النقديه ..اللي هي الفلوس

ظاهــرة غريبه وعجيبه .. يعني ماعاد فيه جدران يكتبون عليه أقصد دفاتـر

إقتباس


	هالعاده جداً سيئه وتدل على نقص اللي يسويها

أوف كورس ;)

إقتباس


	ابي أرآئكم أو مواقف صارت لكم مثلها واما حلها ما اتوقع لها حل ألا ان الله يهديهم ....

ظاهـرة والله وّدي أن مانشوفها على الفلوس ..,
موقـف صار لي مع الفلوس ...
بقول بس لاتعلمون مرة كتبت رقم جوال خويي على عشرة ريال

أعذروني لأني مالقيت ورقـه وش أسوي

توبه ماعاد أتعودهـا

يالله يعطيك العافيـة[/align]

الهلالي- ابوسارة · #8 18/06/2005, 12:52 AM

[align=center]هلا بالسنع كله هلاليه سنعه ..

صراحه موضوع ( مبتكر ) و ( جديد ) اسمحي لشخصي المتواضع يعطيك فيه :

براءة أختراع

.........................

مرة دخلت البقاله ( سوبر ماركت للي ثقافتهم فرنسيه

) ..

شريت مقص .. ديتول .. برايه .. سفن اب والخ.. من مقاضي رمضان اللي تخبرينهاا

المهم رجع لي الهندي باقي الحساب ورحت البيت ..

لما رحت بقاله ثانيه وشريت غرض وعطيته الحساب طلع اللي فيها مصري !!

رجع لي ورقه من فئة الخمسين ريال !!

اللي كانت معي من الهندي حق البقاله الأولي ..

قلت واي ؟ (( يعني ليه بالهولندي ;) )) :

وراني الكلام اللي مكتوب عليها ..

تصدقين بالله كلام يمس صميم السياسه وبغيت أروح في رجلينهاا

بس الله ستر !!

** نصيحه : قبل ماتحط الدراهم في مخباتك ناظر وش مكتوب فيها ..

ترى اهلك ما بعد ملوا منك ياعيووني

___________

بالنسبه للكتابه على الجدراان فـهذا وضع للأسف أصبح مو مستغرب!!

المستغرب حالياً أنك تشوفين جدار ( يلق ) -----> نظيف يعني للي ثقافتهم مودرن

ولا تهون بيبان دورات مياه المساجد والمدارس أعزكم الله ..

الوضع يحتاج توعيه كامله وشامله من :

1- البيت والأهل

2- المدرسه والمدرسين

3- وزارة التربيه والتعليم ( محاضرات وتوعيات )

والله يكتب الخير للجميع !!

سلام يالسنعه -----> حلوة الكلمه

[/align]

الفيروسه الزرقاء · #9 18/06/2005, 07:47 AM

[align=center]
وعليكم السلام ورحمة الله وبركاته ،،،

هلابـك خيتو

،،،

إقتباس


	هالعاده جداً سيئه وتدل على نقص اللي يسويها..

صح لسااانك ،،

إقتباس


	بعضهم اتخذها هوايه..وبعضهم اتخذها ترقيم.. او يكتبون ذكرياتهم ..

الله يشفيهم من جد

فيه أحد يترك الدفتر والطقطقه ع الكيبورد ويتجه للاوراق النقدية ..!
تصدقين خيتو عندي إحساس أن فيهم مرض نفسي ،،،
ليتهم يجون لعيادة كيفوهـ علشان نلاقى لهم حل ونكسب فيهم أجر

،،،،

إقتباس


	ووموب بس بالفووس حتى الجدران ماخلّوها<<مسووين فيها بيكاسو..

جد والله منظر مقزز لما أشوف جدار مكتوب عليه ذكريات وشخمطه ،،،،

إقتباس


	**** ابي أرآئكم أو مواقف صارت لكم مثلها واما حلها ما اتوقع لها حل ألا ان الله يهديهم ....

الحمدلله ماعمري جتني أوراق نقديه مكتوب عليها شي

... إلا أحيانا تجيني أوراق نقديه مشقوقه من النص وملزقه عاد ارجعها وأقول لصاحب المحل يعطني غيرها

،،،

يسلمووو خيتو ع هيك موضوع خفيف ،،،
وبإنتظار المزيد منك

الفيروسه الزرقاء[/align]

هلاليه سنعه · #10 18/06/2005, 07:59 PM

[align=center]مشكــورين على تفاعلكم ومروركم الطيب ..

..][فـهـد][..
الله لا يضيق علينا
كان قطعت من كرتون المناديل وكتبت عليه <<منول تسوويها

لاتعودها غير هالنووبه

.. ويعافيك اخوي ..

..الهلالي- ابو ساره..
يشرّفني اخوي >> تخيّلت انها بموسوعة غينيس مدري جينيس اللي هي هي

زين فكك الله ولا ان كان محطووط في حدا هالمنتجعات

اي والله عقب هذي منحب ماخذين فلووس الا نقرا وش عليها
الجدراان شئ ثاني المشكله ان اصحاب هالجدران ملووا من كثر مايبوّون جدرانهم
الله يعينهم ويصلح شبابنا وبناتنا ..

.. الفيروسه الزرقاء ..
منوووره خيتي بطلتك .. وصح لسانتس
الله يشفيهم كوود كيفووه تعالجهم وتفكنا من شرهم
زين اشوا انه ماقد جاتس شئ
مشقووقه معاناة دايم يصرّفوونا اصحاب المحلات بس على مين..[/align]

ساهر15 · #11 19/06/2005, 02:35 PM

مشكوره اختى على هالموضوع الجيد ...

وما يسوي هالحركات الا (بزراننا) وشبابنا (الله يهديهم) ولي في ذلك امنيه

اه بس لو أصير وزير للتربية والتعليم كان اطلعلكم اجيال (يمشون عالعجين مايلخبطوش)

من جد اطفالنا كالصلصال اللين في مدارسنا ليش ما نربيهم تربيه صح ونفتك من تصرفاتهم من تالي

لا صاروا شباب ولا عاد نقدر نأثر عليهم ونفهمهم حتى ان بعض الشباب اصبح كبرياءه عائق يمنعه

من تقبل المعلومه الجديده (عنيد وشايف نفسه هو الصح) طيب ليش مانعلمهم كل شيء مفيد وهم

اطفال من اداب واسلوب تعامل واهتمام باللبس والنظافه (وليس كل من يتروش كمن يتروش) وغيرها

من الامور الحياتيه الاساسيه وهي مهمة جدا جدا وممكن الطفل بعد كذا يبني عليها اسلوب حياته

صح .. مو يعيش كإمعه او (مع الخيل ياشقراء) ولا هو ضروري نعلمهم ادق واسخف تفاصيل حياة

دين جد ابو الشعراء الجاهليين وغيرهم حتى اصبحنا نعرف متى (بصق) خشعمه ومتى (كح) حنظله

وللأسف

اهملنا امور اكثر اهميه للمستقبل القريب .

هلالية حييييل · #12 20/06/2005, 12:20 PM

ايه والله صادقة ...
تصير كثير .. بس أكثر شي .. الذكريات والأرقام...

(( ذكريات السائحون الثلاثة)) قد قريت هالجملة على الفلوس..

طيب أنا وش دخلني سائحون والا مائعون .. بالطقاق ..

أتمنى إن هالعادة تتلاشى لأنها مالها دااااااااااااعي

الــــــزعيــــــم · #13 22/06/2005, 04:27 AM

[align=center]هلالية سنعة

مشكووورة على الموضوع

وصراحة أصبحت الكتابة على الفلوس او الجدران مرض

عند فئة من الناس

والله يستر بكرة لا يصير الواحد يمشي ويكتب على ملابس

اللي قدامه ( ماتدرون يمكن تصير موضة ) بدل الجدران

المهم فيه مواقف كثيرة محرجة ومضحكة في نفس الوقت

كله من ورا الكتابة على الفلوس

بس خلوها مستورة

والا كان تضحكوا على بعض العقليات المهووسة بالكتابة على النقووود

(حلوة النقود ليش ماقلتها من البداية )

من المواقف مرة واحد شكله كان رايق وقت الكتابة

كاتب على فئة خمسين ريال

عرعر وكاتب التاريخ

ثم كاتب تحتها ارجو من كل شخص كتابه المدينة

اللي هو فيها حتى نشوف كم مدينة مرت عليه في السنة

والله من الفضاوة[/align]

الشيفيلان · #14 22/06/2005, 05:03 AM

والله يأنها عادة سيئة

ليتهم عاد يكتبون على الريال والخمسة والعشرة لا شرهتهم كبيرة الحين يكتبون على الخمسمية بعد <<<

ومشكورة خيتووووووووو

هلاليه سنعه · #15 22/06/2005, 05:31 AM

[align=center]..مشكـورين على مروركم الكريم وعلى ردودكم الطيبه ..

.. سـاهر 15 ..
وزير التربيه والتعليم مره وحده لا يسمعك العبيد
حتى لو وزير بتقرر قرارات واوامر بس تضمن انها بتتطبق بحذافيرها
اكيد انه بيعتمد على التنشئه الحسنه منذ الصغر لأنه العلم بالكبر كالنقش على الحجر
الاداب والسلوك اللي تقول عنها اخوي للأسف صار المسؤؤل عنها
في بعض الأسر الخادمات يشكلّون الأطفال على كيفهم
ان شاء الله الاسر ينتبهون لأبنائهم ويعلّموونهم المفيد لهم بحياتهم ..

.. هلاليه حييييل ..
هلا وخيتي ..
حلووووووه سائحون شكلهم ثلاثة اصابع كت كات..

..الزعيـــــم ..
اخوي الكتابه على الملابس من زمان موجوده
اول أيام المتوسط والثانوي كانووا يسوونها
توقيعات وذكريات.. لا وأزيدك من الشعر بيت
حتى تجبيرة اليد اذا انكسرت يوقعوون ويكتبوون
اما الموقف بصراحه من صدق شكله اللي كاتبه رايق
شكله عاطل ولالقى شئ يسوويه الله يوظفه..

.. الشيفيلان ..
اما الخمسميه شكلهم مطخطخين..[/align]