|
بكيـت ولكن أيقنت بإن الله موجـود السلام عليكم ورحمـة الله وبركاته .. عُـر ِف عن دمعـة الرجل أنها صعبه .. لاتنحدر لأي أمر ٍ كان ويصل حفاظ الرجل عليها حتى في أحلك الظروف .. عرفت ان دمعة الرجل بأسمها عظيمه ولايتحدر العظيم إلى الأسفل إلا من أمر ٍ محزن لـم أكن أعلم أن تواجدي بهذا الصرح الشامخ منتدى زعيم الأنديه الآسيويه أمراً .. مراً كنت على يقين أنه وبمجرد معرفة الأخوه الاعضاء بإتحاديتي سألاقي بعض الحقد والكراهيه .. ولكن بأدبي وأحترامي سأكسبكم جميعاً هذا وإن كنت قد كسبت رجال ونساء في هذا المنتدى يعرفون للطيبه معناً وعنوان .. قلوبهم بيضاء كالثوب الابيض الناصع .. يعرفون كيف تخرج عبارات الحب والثناء لناديهم والنقد المقابل للأنـديه .. لم يتجاوز نقـدهم للأنديه الأخـرى حـدود أسـوار النادي المقابل ... خبل في حب الهلال .. تغيب الشمس بحلم يومي .. محـ الهلالي ـمـد .. عنود الهلاليه .. كابتنو .. فهد الساري .. وعلى رأسهم محمد أبو لما كل هؤلاء كنت ادخل كـ ضيف لهذا المنتدى و وجدت عباراتهم في قمة العذوبه وكنت ارى نقدهم للإتحاد ولكن كان عقلانياً ولم يتجاوز أسـوار نادي الإتحاد ولكن أتفاجأ بأخ يدعو على والدتي المتوفاه بعـدم الرحمه و والدي اطال الله في عمره لكوني اتحادي .. ؟؟ والله ورب العباد ان دمعتي وسط عيني هل هذا اللي وصلت إليه رياضتنا .. ؟ هل التعصب قادنا إلى أن نتطاول على العرض والوالدين ..؟ أنظروا إلى الرساله الخاصه اللتي اتتني .. وابكتني _____________________________________ هلا بالحبيب الغالي الصر..................!!!! -------------------------------------------------------------------------------- الأخ عبدالعزيز أنا والله ما ودي اهاجمك في موضوع ابو لهب .. لكن لتعلم أنك صرصار حقير جدا من صراصير غليل والكرنتينة وحنا يا الهلاليين نستحي ما دام يجينا الواحد بالاخلاق ولكن في قرارة انفسنا نحتقركم ونعتبركم اقل شأن منا كثيرا وكثير جدا . أيها الصرصار الاتحادي تدري وش نشيدكم الوطني تراه هو : .... صراصير صراصير شي يمشي وشي يطير على العموم عندكم منتديات حقيرة خاصة بكم فظف وجهك من غير مطرود ومع السلامة !!! ملحوظة : ... وهذا الجزء اللذي ابكاني والاجزاء السابقه سأعذره فيها لإنه متعصب والله المستعان ______ ترانا نرش فليت بالمنتديات الهلالية خاص بالصراصير والمندسين على حين غرة فأنتبه لا تروح فيها .. وإذلف لا رحم الله والديك يا الصرصار الحقير !!!!!!!!! والشيء المضحك المبكي انه في توقيعه يذكر الله !! سبحانك اللهم وبحمدك اشهد أن لا اله إلا أنت أستغفرك وأتوب إليك لا تزال لهرولة الأسطورة بقية في برلين SKY BLUE AlZ3AEEM اتوقع عرفه من عرفه وجهله من جهله ولكن .. هل تعلم اخي الكريم اللذي ارسل لي هذه الرساله الخاصه .. انني لم ابكي بسببك ولكن بكيت على ذكراها .. فلا تضحك ضحكـة الكبار الخبثاء فأنت لم ولن تنتصر .. وسينتقم لي الله منـك ثـق تماماً بإنك لم تجني إلا التعاسه واثبت بنفسـك أنك أنسـان لم يكمل شهادته الثنويه بمجهوده فـ لو كنت متعلم ومثقف بجهدك لما كان هذا كـلامك أتجاهي .. الله يســامحك على ما بذر منك وارجع وأكررها للمره المليون سينتقم لي ربي كن مطمئناً ملاحظه : الرساله اللتي ارسلها هذا العضو مصوّره ومحفوظه في جهازي وأي عضو يريد التأكد من صحة كلامي اتشرف بوجوده على ماسنجري وسيأتيه التصوير كاملاً .. ملاحظتي هذه لكي لايخرج علي شخص ويقول انت تزرع الفرقه بيننا وتبني خلافات وحقد لكن ماذا عساني ان اقول حسبنــا الله ونعـم الوكيل .. أخوكمـ عبـدالعزيز |
ما فعلوه الزعماء ردة فعل عاديه جدا اذهب الى منتدياتكم وانظر ماذا يقولون عن الهلال |
اخوي الظاهر انك ما سمعت المثل اللي يقول من طلع من داره قل مقداره مهما كان قوله لو اني ما اوافقه لكن ما الومه |
من قال لك اني طلعت من داري .. ؟؟ الهلاليه خوالي وعيال عمي واخواني .. لكن ربي خلقني اتحــادي وانت اخي الكريم والله احبك تقارني بالناس التافهه اللي تسب فيكم .. ؟ انا الآن من خلال رسالة الاخ هذا ترى ما اعتبرت الهلاليه كلهم مثلـه .. لإنهم وربي اكبر من هالسـوالف هذي كلها لكن انا اعطيكم عينه بسيطه بتقضي على شعبية المنتدى لكن سبحان الله استغربتها منكم تؤيدونه على هالسـب .. :) |
يالخو كتبت لي رد قبل اشوي تقول فيه نضحك رايتي زرقا .. ؟؟؟ لا والله انت تعرف تحلل وين اوربت عنك ياعزتي لــك ياهلال دام فيه منهم على شــاكلة الأخ رايته زرقا .. ^ ^ ^ ^ ^ والظاهر ما سمعت بالمثل اللي يقول ياغريب كن اديب على العموم سلم لي على صاحب الرساله |
ياخوي رحم الله والديك ورحم الله جميع المسلمين وهلا بك بين اخوانك واحبابك وافرد اصابع يديك تلقاها ماهي سواء حياك الله وحي الله اي مشجع محب وعاشق للزعيم s13s |
ان شاء الله ابشر طال عمرك .. بكـون أديب ولو اني ماغلطت بالوالدين ولا سبيت نواف او سامي وفريقي كل يوم يتعرض للتجريح والتشكيك بأصولهم وكلهم مميزين لكن ابشر ياقلبي على عيني وراسي من فوق :) |
الله يبقيك يا ابو سعـود وجزاك الله خير .. فعلاً اصابع يدك ماهي سوا :) |
أخوي عبدالعزيز أولا الله يرحم والدتك ويطول بعمر أبوك على طاعته ويرحم موتى المسلمين اللهم آمين ثانيا هذا منتدى هلالي .... مو منتدى عام يعني الغالبية بتلقاهم هلاليين وفيهم اللي صغير بالسن واللي مايقدر يتحكم بأعصابه واللي مايعرف يدحض الحجة بالحجة وأي كلمة غير صحيحة تكتب فأنها تستفزه على طووول وبالتالي يرد على المشاركة برد قوي فلاتشره أو تزعل لان المثل يقول اللي يبي الدّح ما يقول أح وثالثا ما فيه أحد جابرك تسجل في منتدى هلالي وتمدح الاتشاد فيه |
من باب النفس الطيبه بتقبل نقـدك فالاتحــاد وافهم من كلامك ضف وجهك والهلال مايبي جماهير من برى صرح الهلال .. ؟؟ بدال ماتفتخر بإن منتدى الزعيم نال اعجاب اغلب الجماهير الرياضيه والدليل انضمامهم له .. ؟؟ عموماً اشكرك من كل قلبي لإني ما انكر اغلب عباراتك كانت جميله وتسلم يالذيـب |
إقتباس:
|
إقتباس:
هذا منتدى خاص بجمهور الهلال واللي يشجع اتهاد ويسجل هنا ويدافع عن الاتهاد يعني قاعد يستفز الهلاليين في منتداهم الخاص... وبالتالي يتحمل اللي يجيه!! خلك في منتداك او سجل في منتدى رياضي عام واعتبرها تجربة وذكرى حلوة في حياتك انك سجلت في منتدى زعيم الكرة الاسيوية والسعودية :D |
إقتباس:
لا لا لا وقسم بالله نتشرف بوجودك بيننا وزي ماقلت أنت منتديات الزعيم تمثل نبض الجماهير الرياضية بصورة عامة لأنها الأكبر على مستوى المنتديات العربية ولكن ما نقول شئ ... دافع عن العميد الاتححححاد بكل قوة وهذا من حقك ولكن بطريقة عقلانية ومثالية وطبـّـق الحكمة التي طبقها معاوية رضي الله عنه حين قال لو كان بيني وبين الناس شعرة لما قطعتها فسألوه كيف ؟ قال إذا شدّوا الناس أرخيتها , وإذا أرخوها شددتها ونتشرف مرة ثانية يا إتحادي |
اخوي هلالي ممكن سؤال .. ؟ بذمتك احد قد قال لك انك ذوق قبلي ؟؟ |
أخوي عبدالعزيز أهلا وسهلا فيك بين أخوانك والله يرحم والديك ووالدين جميع المسلمين |
| الوقت المعتمد في المنتدى بتوقيت جرينتش +3.
الوقت الان » 12:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd