صراحه اللي شفناه اليوم بالملعب من بعض الجماهير شي يحز بالنفس للأسف أنا والله كان جالس وراي واحد من أول مابدت المباراه وهو يسب الدوخي وحتى لو يغلط لاعب ثاني كان يسب الكابتن احمد لدرجه اني اضطريت اغير مكاني والله شي يضيق الصدر وللاسف بعض الجماهير ربطت هذا الشي بموضوع العقد وبكل أسى انهم نسوا أوتناسوا ماقدمه الكابتن الكبير أحمد للهلال ربما هناك ظروف خاصه منعت الكابتن البطل أحمد الدوخي من تقديم مستواه المعروف عنه وأقلها رؤيه الكابتن أحمد للاعبين المنتخب يحتفلون بالتأهل لكأس العالم وهو اللي كان مفروض يكون من ضمنهم لولا استبعاده من تشكليه المنتخب بأعذار واهيه شي طبيعي ان يؤثر هذا الموضوع على نفسيته ..

للاسف بعض الاعضاء في اليومين الماضيين نزلوا مواضيع يقللون فيها من امكانات الكابتن البطل أحمد الدوخي وينتقصون من قدراته وأهميته ومكانته في الفريق فبأي منطق واي عقل تسبونه بالامس في المنتدى الرسمي للهلال وتطالبونه اليوم بتقديم مستوى يرضيكم فأين عقلوكم عندما تكتبون مثل هذه المواضيع التي أقل مايقال عنها انها حقيره في هذا الوقت الحساس وقبل هذه المباراه الحاسمه ..

الى متى وبعض الناس لايغفرون للاعب اسعدهم كثيرا غلطه أو انخفاض مؤقت في مستواه ..

الى متى نحضر للمباراه ونرجع من الملعب محملين بالذنوب ومصطلحات جديده من السب واللعن ..

للاسف والله شي يحز بالنفس لاعب مثل الكابتن احمد من أكثر اللاعبين اخلاصا لانديتهم كما هو ديدن لاعبي الزعيم ينعت بالخيانه لمجرد انخفاض مستواه في مباراه ..

أبوسلطان والله العظيم اني ماأحضر مباريات الهلال الا عشانك وتليبه لدعواتك
أبوسلطان انت كريم وابن كرام أبوسلطان وعدتنا بالاستمرار بالرئاسه بشرط حضورنا للمباريات ومسانده الفريق
أبوسلطان ماخذلناك وحضرنا للملعب وساندنا الفريق تكفى لاتخذلنا وتترك الرئاسه ووعد الحر دين عليه فان رحلت فأنا مودع للرياضه للأبد ..