|
الجمهور السعودي الغير حضاري إطلاقا؟ بسم الله الرحمن الرحيم تأهل المنتخب إلى ألمانيا ذلك الخبر السعيد الذي أسعدنا بالأمس حضر المباراة أكثر من 70 ألف متفرج والألوف في الخارج فرحنا كثير بهذا التأهل ولكن قد أحز في أنفسنا تصرف الجماهير الرعناء جمهور القوارير الذي تصرفوا بكل وقاحة وسوء أخلاق الجمهور الذي أضحكني كثيرا وصف إعلامنا المرئي والمسموع له بأنه جمهور حضاري ولاكن بالأمس كان غير احتفلنا بالتأهل واحتفلنا أيضا برمي القوارير على عناصر الأمن والإعلاميين سواء المحليين أو الأجانب اللذين نالهم نصيب من كرمنا الحاتمي وحتما سيكتبون عن الجمهور السعودي الحضاري في صحف بلادهم استغرب كثيرا كيف تمكن كثير من هؤلاء البلهاء إدخال تلك القوارير مع أن النظام يمنع ذلك ولا كنه التساهل مع الجماهير فاليوم كان يوم حاسم ولا باس من التراخي لعيون الجماهير الحبيبة مشهد محزن كثيرا وأنت تشاهد هذه العلب وهي تطير في الهواء كالصواريخ ارض جو لتسقط على احد المستهدفين من الناس في مشهد مضحك للجماهير نعم نحن نرشق الناس لنستمتع ونضحك فآذيت الآخرين والتضييق عليهم باسم المرح والضحك عادة لنا فنحن نؤذي لنضحك. بين الشوطين كان هناك فاصل آخر أيضا فتم تشغيل بعض الأغاني الوطنية لبث الحماس في نفوس الجماهير ليبدأ فاصل من الرقص الخليجي والشرقي المثير فكانت الجماهير تجاري النساء في الرقص بل تفوقوا عليهم وأنا أشاهد تلك الجموع ذكروني بالراقصات العاهرات وهن يرقصن أمامك وتنقط النقود عليهم وتستمتع بالرقص فالرقص ليس من شيم الرجال ولاكن من الممكن الاحتفال بطرق أخرى غير تقليد النساء بميوعة ساذجة الصحافة عندنا تنعق كثيرا وتصرخ باشمئزاز لما يحدث في دول أخرى ويرعدون ويزبدون لتطبيق القانون في حق الآخرين ولاكن عندنا لا وألف لا فالجمهور السعودي منزه عن كل نقص ولايخطيء ابداا ولا يحق للآخرين انتقادنا فنحن فوق المستوى نفعل أي شيء يحلو لنا في النهاية لا أعمم ما حصل على كل الجماهير بل بالعكس هناك جماهير راقية تتعامل بشكل حضاري مع المباريات ولاكن هناك من يسئ لنا بشكل أو بآخر تحياتي وإلى لقاء آخر مع الغثيان ووجع الرأس |
انصحك بمتابعه مباراياتك عبر التلفاز ايها الرزين ودع الشعب يفعل مايشاء عجبا لمن تغنى بالمثالية المطلقة ،، كلا يعبر عن فرحه ومشاعره بطريقته الخاصة ولكن (كما يجب ان تكتب) كل الذي تقوله لم نشاهده في الملعب فدع عنك تلك الكلمات التي قرأتها بالفعل منك مصاحبة بالغثيان وقله احترام مشاعر الأشخاص الأخرين .... كلمة اخيرة : اخاف بكرة تشوف مباراة وتقول وش هالمعلق ويصير المعلق يجيب لك الغثيان ووجع الراس ،، ان كلام الكلام من فضة فالسكوت من ذهب |
اعتقد ان الفرحة تسوي اكثر من كذا انا لا ادافع عن الجمهور وانبذ تلك التصرفات بس اعتقد اخوي الكريم ان الجماهير تصرفت من دافع الفرح وهنا اتكلم عن الرقص ولكن الشيء المحزن ان يرشق الجمهور الناس بالقوارير واعتقد ان الخليط الجماهيري القادم من مناطق مختلفه هو سبب هذا التصرف انا عشت فترة بسبطة في الرياض وحضرت مباريات كثيره لم اشاهد الجماهير تتراشق ابو سلطان |
بس حركه الموجه لاتقوللي مو حضاريه ؟؟؟؟ من جد روووعه حتى محمد البكر قام ورفع يده s13s لما جات الموجه عنده تفاعلا مع المنتخب :D |
شوف أخوي .... مسألة الجمهور وطريقة تشجيعه هي سبب كبير في تحفيز اللاعبين و .. ودي أكمل بس أقول لك ... إقرأ كلام أخوي DJ Zaeem مرتين وثلاث |
اخواني كلام الاخ قريب من الصواب وذلك لانني نلت نصيب كبير من هذه القوارير.. انا والاخ محمد ابو لما كنا نوزع اعلام وبالونات((بام بام)) لكن تفاجأنا برشق كبير من قوارير المياه علينا ونعول((وانتم بكرامه)) واتحدى واحد يجحد ذلك واصابت احد القوارير ابو لما وشفلك صياح كأن المنتخب مسجل هدف وهذا كله قبل ماتبدأ المباراه يعنيمابعد فرحنا بالتأهل... واما الرقص والله العظيم شفت واحد بعيني رابط....................!!!!! وقاعد يهز والله شيء يقهر واكثر اللي كانوا على الصبه اللى عندها الرابطه كانوا يرقصون ولايشجعون... اخوكم اهلاوي هلالي |
يعني سبعين الف فيهم الصاحي والمجنون وش تبيهم يسووووون عادي ياخخخخخخخي والله انها عاديه ... شكلك مو متعود على الملاعب يالاخو يالحبيب يعني توقع اي شي توقع نعله تمشي مليون تصك براسك وانت بالملعب والا توقع يجيك صاروخ ارض جو يطرطع بك والا توقع زقارة تطيح بين عينك والنظاره جايه من فوق كل هذا واكثر فقط في مدرجات استاد الملك فهد الدولي وصراحه ترى حتى هذي فيها اثاره ومتعه ... ما تبي هالاساليب تابع المباراة من بيتكم ياخي مو ضروري تحضر الملعب ... :d |
اقول وراء ماتنثبر وتناظر المبارة في بيتكم احسنلك :d |
الناس عايشين فرحة التأهل والأخ جاي يلقي محاضره:rolleyes: |
شف يالغالي احلى مافيه المباراه الجمهور السعودي وهو ملح كرة القدم وصدقني بدون الجمهور الاعبين يكونون بدون روح انا يمكن اتفق معك في نقطه وحده ان مالها داعي نرجم السيارات المقدمه من الاتصالات ومالها داعي نرجم المصورين لكن غير ذلك الا خلهم يرجمون ويلعنون ابو سلسفيل الخصم واحسن شيء سووه يوم رجموا لاعب الكويتي الي مطرود وكان انبرش على سامي انبراشه ذكرتنا بالطارقي واما من ناحية الرقص فاقولك حنا بالملعب وفرحانين وش تبينا نسوي بالله قولي تبينا نقعد وكل واحد ايده على خده وضايق صدررررررررره لا ابرقص ثم برقص ثم برقص من الفرحه واذا مو عاجبك ياالمثالي دور لك اقرب جدار وانا اخوك :wallbash: بعدين اذا ماعجبك الملعب بامكانك ان تشاهد المباراه في البيت :sleep: ياخي شكلك تبي الجمهور اربع وعشرين ساعه ساكت ولاتقولي التصفير والتصفيق مو من شيم الرجال :laugh: والله مشكله انت رجال وغيرك مو رجال :nono: تحيااااااااااااااتي للزعماااااااااااااااااء s13s s13s |
الحمدلله والشكر الظاهر الي ردوا و معارضينك من تلك العينة الي ذكرتها. |
الرزين ما كنك مكبرها شوي ( عاهرات ) ياريت تستحي شوي وتعرف اني اللي كان في الملعب رجال ومهما صار منهم هذه فرحه منهم بمنتخب بلدهم وعيب تطلق هالكلمات عليهم ومن كتابتك احس انو انت مو عاجبك تأهل المنتخب على فكرة انت مملح كثير في الموضوع ترى الناس احرار يالطيب |
صاااادق والله ويمكن شفتو مراسل اوربت وش صار له:laugh: |
الناس احرار فيما لايضر بالغير وبعدين هز الوسط للعاهرات نعم للعاهرات s13s |
ترى الناس احرار ويسوون اللي يبغون خلهم يرقصون لما يشبعون انت مب ضارك شي لكن انا معك في انه ماله داعي يرجمون بالقوارير وبعدين يالغالي انت ما شفت شي فأنصحك ما تحضر مباريات عشان ماتشوف شي اشد من كذا بعدين يغمى عليك s47s |
| الوقت المعتمد في المنتدى بتوقيت جرينتش +3.
الوقت الان » 05:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd