وسعوا الملعب - نادي الهلال السعودي - شبكة الزعيم

كيفي كويتية · #1 08/06/2005, 06:51 PM

[align=center]

:: بصراحه ::

حنيت لكيفي ايام زمان..اشتقت لكيفي سنة 2003 لزالك قررت ان تطلع كيفي 2005 بنيو لوك

..وهي مكس مابين 2003 و2004 .. افكر بتغيير اللون الوردي

.. بس حيرانه شنو اللون البديل

.. افكر بالاحمر او برتقالي بس احس الوردي اذرب .. احب الرويال بلو بس انه مستهلك ..الاخضر ما احبه .. شرايكم انتو؟

بغير حتى اسلوبي :p .. برجع للمهاوش وماراح اخلي احد بحاله .. بقلب المنتدى فوق تحت.. بلعب في منتدى الاعضاء > تخيلوا يسكرون الالعاب اطلع صج قبسة

>> بسوي كل شي قبل لا اسافر

++ :: رياضة × رياضة :: ++

:: امس Vs اليوم ::

امس كنا نغني ونصفق اذا فزنا ببطولات
واليوم صرنا نغني ونسوي مسيرات اذا فزنا على اليمن
امس كنا نعلم الجيران فنون الكرة

واليوم صاروا الجيران هم اللي يعلمونا

كفاية يا زمن

*/* ازرق اليوم*/*

كفاية ياحبيبي اعذار.. وصلنا لاخر المشوار..عتابي ما يعيد الامس.. ودمعك ما يطفي نار.. وصلنا لاخر المشوار
+
انتاااااااااا ايه .. البك دا اييييييييييييييه .. بدق بس عشان تعيش

*/* ازرق الامس */*

تمر ذكراك على الخاطر.. واصبر شوقي الملتاع.. على دروبه انا ناطر .. حبيبي شاري مو بياع

:: قبسة ::

بديت اقتنع اني احيانا (احيانا مو دايما

) اكون قبسة.. اعلنت مرة اني بشجع اليوفي في مباراة وليتني ما اعلنت.. خسروا بعد سلسلة انتصارات واظنهم طلعوا من البطولة بعد

مالت عليهم صج مايقدروني

:: يابعدهم كلهم يامرزوق::

ياخذون اللي يبونه .. كل هالعالم وكونه.. الا بومرزوق يتركونه.. لا تمسه ايدهم
بومرزوق تؤبرني شو مملوح

.. 7 مواسم وهو محترف عندنا .. لو انا منك ياطلال الفهد جان جنسته وخليته يلعب بدل وليد علي

.. يستاهل الجنسية بومرزوق.. على الاقل عنده اخلاق ويلعب بضمير للفانيلة اللي يلبسها

7
7

اعرفكم عليه سيدو تراروي

.. محترف بنادي القادسية .. عمره اظن بنص الثلاثينات.. عنده بنت وحده :p

::ياساتر::

شنو الفرق بين سامي الجابر وابراهيم الجابر؟
الاول قمة في الاخلاق والثاني انعدام في الاخلاق!

شنو وجه الشبه بين نهير الشمري والحارثي!
كلهم يلبسون الفانيلة الصفراء وكلهم قوّلوا على الكويت!

شنو الفرق بين الاعلام السعودي والاعلام الكويتي؟
الاول: 90% منهم متعصبين
الثاني: 90% منهم حيادين

شنو الفرق بين المجلس العام ومنتدى المنتخب السعودي؟
الاول (مليان) مشرفين والثاني (خالي) من المشرفين :p

++ :: خارج منطقة التغطية :: ++

:: نجمة الابداع ::

يا أحاسيس المحبة اعذريني لو خطيت
صدقيني ظروف وقتي هي ترى سبة جفاي
اسمعي نبرة اسى في جوفي الحاير لقيت
تعتذر عن كل زلة سببت عار لوفاي
قلبك الطاهر يسامح لو تعذرت ورجيت
وعذري انك انتي اكبر من مجالاتي وعطاي

::مجلة صدى الكلمات والحل الصعب ::

اختر الحل الصعب يا تفارق يا تشارك..عُذرا مجلتي سأختار الحل الاول بعدما ما فشلت في الثاني.. بختار الاول بعد ما كبرت وقل عطائي

:: سيرة الحب ::

الله يقطع الحب وسيرته اللي يجي منج يافوزية الدريع.. تكفين ارحمينا ولا تلبسين احمر .. تكفين لا تتدلعين بالكلام ترى وربي مو لايق

:: انتفاضة في بيت عسكري ::

لا للنظام.. لا للانضباط.. لا للقوانين.. نعم للفوضوية.. نعم للتسيب.. لا للنوم .. نعم للسهر ..خلاص عطلت لحد يكلمني

:: اطلق العملاق وانطلق::

اعلان عن دورة.. كان نفسي والله اسجل فيها.. مو عشان امشي عالنار.. بس عشان اعرف واشوف بعيني هل هم صاجين ولا يتغشمرون.. يعني معقولة يخسرون ويسوون دعايات واخر شي يطلعون جذابين :p

:: Stop ::

شكرا للي سأل..وشكرا للي ما سأل..ولو ان الغالبية ما سألت لانها تعودت على مثل هالغيابات
هو فيه احد (لسه) ما غاب.. المهم مو هذا موضوعي

سمعوني.. يبدو لي > احلى> ان صار عند البعض التباس بسبب غيابي >ياشيخة محد درى عنج

> المهم هذا اخر رد لي بالملاحظات

بتاريخ 28 ابريل

++ :: شعر × شعر :: ++

:: الداهية ::

محمد جارالله السهلي.. داهية المختلف.. كلمة رائع ومبدع قليله بحقه وبحق قصائده

الا يا كبرها بحقي.. علي تكذب وانا الوافي
لك الله مابقى حلمن بقلبي الا وانهيته!!
نخيتك لا غرق تكفى .. كسرت اليوم مجدافي!!
لاعادت فزعتك يا شيخ ..وظنن فيك ظنيته
انا ادري ما ظلم قلبي في حبك غير انصافي
خطاي الحب.. قدرته..وحشمته ..وعزيته
وفيت بدنيتن صاحت( صباحك ليل ) يا غافي
صحيت ولا لقيت الا خفوقن فيك عنيته!!
وغلات الطيش..والتحنان..وآخر رعشه لاطرافي
حوتني لحظه قدومك بدربن ليت ما جيته
لا كون اول نهاياتك.. ومن قلبك انا استافي
لاصير آخر بداياتك.. بعد ما الدين وفيته
يا حظي لعنبوا جدك تهيا وانتصب كافي
تر ما عادها(بلحيه صبر) عمري ومليته!!
تقل كن العنا عايش حكايه عشق باكتافي!!
هوى يحني ظهر كبري تولجني وانا ازريته
على الله.. يازمن وشعاد باقيلي معك خافي
وانا كلي بقايا هم وجرحن (تو) ما ابريته!!
على هونك..على هونك ترى صدر الشقي سنافي
قبل كل الهديا ..صدق ..وفيته وكفيته
تصور .. فرحتي فرحه ..عقيمن بشّر بلافي
لا عدت ليله والغربال ما جاني وتحفيته!!
وتخيل.. هم هالدنيا خفوقي حضنه الدافي
لا فارق هالحشا لحظه تباطاني وتباطيته!!
وتأكد.. دامني بقوى ابوح الهم في قافي
حشى لتبطي وانا محمد غرورك فيني ما ارضيته
وجرح اللي عقب ودي تناساني وغدى جافي
ابسئل هي معي تفرق لا طوفته وعديته؟؟
لاجت للهم كلي هم.. لا جازم ولا نافي
كذا الدنيا استوت عندي مدام العمر مليته!!

:: مسج × تصميم::

هذي مسجين واحد صادر والثاني وارد.. قلت احطهم بتصميمين يكون احلى

اللي يبيها توقيع ترى ماتغلى عليه بس يعلمني عشان اشيل اسمي واحط اسمه ;)

++ ::العيادة النفسية لطلاب الجامعات والمدارس:: ++

:: باركو لي نجحت وتفوقت بعد::

بعد معاناة كورس كامل وجهد وتعب منقطع النضير

ولأول مرة في مسيرتي الجامعية.. تفوقت

باركو لي .. ابي كيكة

:: كعادتنا النصف سنوية ::

يسرنا ان نفتح عيادتنا للطلاب والطالبات .. ما ادري خلصتوا وامتحاناتكم ولا بعد.. المهم تعالوا هنا فضفضوا عن امتحاناتكم.. نتايجكم..

طلعوا حرتكم في مدرسينكم ودكاترتكم.. ترى الكبت يولد الانفجار وانا خايفة تنفجرون

واذا رسبت شنو بيصير .. ترى الدنيا لازالت بخير وانت ليلحين عايش .. هذا انت نفسك ما تغيرت
عادي تيك ات ايزي :p
يله صفوا بالدور عند الباب العيادة .. والله يخليكم لا احد يدش الا وملفه معاه .. الملفات في غرفة السكرتيرة

عرض خاص للكويتين فقط :
نستقبل معاناتكم في الامور المتعلقة بالدراسة + بالمنتخب ..

ملاحظة
اللي بيعدل او بيحذف فقرة من الموضوع يحذف الموضوع كله واليوزر بعد

ياتعطوني ولو نص الحرية اللي في منتدى المنتخب السعودي يا تخذونها كلها

اخر شي

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[/align]