|
اللي بيحضر مبارة اليوم ياليت يدخل بسرعه ؟؟ [align=center]السلام عليكم ورحمة الله وبركاته انا كتبت رد بالنسبه لطريقة التشجيع اللي اتمنى يسونها الفريق اليوم والحين انا بكتب لكم نفس الرد لكن في موضوع مستقل علشان الكل يقراه ولإني ابي راي اللي بيحضرون اليوم المباراه اللي اتمناه يصير اليوم وأشوفه في الملعب... أتمنى يسون حركه الموج (نبيها تتكرر كثير) ...... ونبي حركه جديده من انتاج (الجمهور طبعاً)... ولاتنسون البالونات الخضرا والبيضا (نبي الليله والملعب تكون كلها أخضر وأبيض)... ونبي مع كل هدف بالونات طايره ... ولو يحصل لكم حمامه تربطون في رجولها شريط اخضر وابيض يكون زين... وياليت بعد ماتسكتون من التشجيع ابيكم طول الوقت شغالين تشجيع (كل شي لأجل الأخضر والوطن يهون )هذا رايي وراي الكل اكيد... واللي في خاطركم وودكم تسونه سووه لإنه ترى أخر مباراه في التصفيات على أرضنا(بس بدون تهور يعني تــفحيط ماتـــفحيط مانبي وحتى الأغاني موشرط تـــفرحون وتشكرون ربي انكم تشغلون الأغاني ) يعني ممكن نفرح بأي طريقه غير انو احنا نضحي بأرواحنا ونغضب ربنا.. ولو الود ودي كنا معكم بس الظروف ماتسمح.... بس اهل الرياض واللي جايين الرياض فيهم الخير والبركه والله..... واذا فازوا (بإذن الله) نبي الملعب يشعلل بالأعلام السعوديه وياليت كل شي حلو يصير تصورونه وتنزلونه في المنتدى... واحنا مع الأخضر قلباً وقالباً ... وربي لك الحمد على كل حال هذا اللي ودي يصير اليوم وش راي اللي بيروحون يشجعون؟؟[/align] |
انا في بريطانيا لكن قلبي سيكون متواجد في درة الملاعب بإذن الله وشاكر لك اخلاصك ووطنيتك وهذي مو غريبه على عيال ديرتنا وانا اضم صوتي لصوتك لان المباراه تعتبر مباراة كأس وتأهل ومثلكم عارفين الفريق الاوزبكي لا يستهان به والدليل مبارياته مع كوريا ومنتخبنا الوطني بإذن الله نرجع هنا الليله محتفلين بالنصر والتأهل الله يعطيك الف عافيه اخوي الطيف دمت بود |
صراحة اتمنى يصير اللي لتوه ان شاء الله |
هلالي محايد/مجرد زعيم لكم كل الشكر على تفاعلكم وردكم ... والله يوفقنا اليوم ونفوز ... شكراً لكم مره ثانيه... وبالتوفيق للكل... وأنا طمع في رأي البقيه.. تحياتي... |
الطيف كلامك مافي أروع منه لكن من يتعاون قليل إلي يتعاونون للأسف الاغلبيه مايشجع صح على سبيل المثال... البالونات البلاستيك إلي تطلع صوت كثير من الجماهير يشقها ويعفطها ويرجمها و و و إلخ والنوع الثاني من البالونات إلي تنفخ هوا يفقعونها في حركة الموج كثير من الجماهير توقف يعني يكونون واقفين على رجليهم وخصوصا واقفين فوق الكراسي انا ابي اعرف ليه يوقفون فوق الكراسي وين بيروحون يبون يطيرون ولا ايش؟؟ s17s للأسف قيليل إلي تشوفه يتعاون انا حلقي راح وانا اصوت عليهم اقول جلوس جلوس موج موج والله ماحولك احد وأشياء كثيره يارجال خلها على الله الهـ محمد ـلالي |
ايه خلناا نشوف الابداع اليوم انا ولله ليتني بالرياض بس انا حاليا" بالقاهره بس بكون معااااااااااكم انشالله ومتاابعكم تكفون نبي الملعب فل اليوووووووووووووووووووووووووم |
محمد الهلالي... مشكور وماقصرت وربي يعطيك العافيه على تفاعلك ومجهودك..... وممكن اذا كنتو تبون تسوون شي(حركة الموج مثلاً) ممكن تقول للي حولك واللي حولك يقولون للي حولهم.....الخ وكذا الكل بيعرف...... وممكن تستخدمون المكبر علشان يساعدكم انكم توصلون الكلام للباقي في الحركه اللي تبون تسونها... وبالنسبه للبالونات ممكن تخلونها بعيدج عن الجماهير جنب الشبك (المرمى) واذا جابو هدف (بحيل الله وقوته) احد من المسؤلين يقطع الخيط ويطيرهم مثل مباراتنا مع ايران في جده والف شكر لك مره ثانيه والله يعطيكم العافيه تحياتي |
يلا وين الباقي وين اللي بيروحون يشجعون.... ابي رايكم.... وابي اشوف اللي قلته لكم اليوم ان شاء الله في الملعب... |
| الوقت المعتمد في المنتدى بتوقيت جرينتش +3.
الوقت الان » 01:52 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd