|
*,*سوالــــــــــف زمـــــــان*,* [align=center]السلام عليكم حيّا الله الزعماء كولاياتهم s13s كل هالايام وأنا ودي أكتب شي عن الأولين :rolleyes: وقعدت أجمّع من أمي وجدتي الله يطول في أعمارهم اللين تعقدت من بعض الألفاظ :wallbash: الموضوع وما فيه أني وأنا اكلمهم الكل انسجم معنا لدرجة أختي الصغيرة إذا وقفت أمي تقول لها كمـــــــــــــــــــــــلي :D وكل سوا ليفنا تتعلق بالبزارين وش لون يلعبونهم s60s وش لون يخوفونهم :confused: وكيف ينومونهم :sleep: وأنا بكتب لكم شوي منها واللي عنده زود لا يبخل علينا نبدأ بسم الله أول شي إذا جو يردّحون البزر ( يلعبونه ) وهم يلعبونه لازم ينشدون له ومن الأناشيد اللي يقولونها بعضها إلى الآن تنقال ومنها: 1 ياحبني ليتس حبين.... في قلبي لتس شعيبين شعيب كتل الوادي.... وشعيب كتل سدير شعيب ينبت الحنا.... وشعيب ينبت الهيل وهذي خاصة بجدتي الله يرحمها s60s 2 (....) الزين والبيض يعشقانّه يرقن فوق الجبل يبغن يشوفانّه وهذي مكان النقط اسم الطفل 3 هلا هلا ومهلي .... جعله يكبر ويصلي ويقرأ مع القرايه .... كملووووووها :D << عجزت أكملها هي أكثر من بيتين بس هذا اللي حافظته :p 4 ياهلا ومسهلا .... يادبدوب بسهالا وأنت شمعة البيت .... واللي غيرك مابه حلا لا تسألوني وش معنى بسهالا :razz: 5 هلا بك هلا بك.... تهنّا بك شبابك والموت ما درى بك.... وخلاك ربي لحبابك 6وهذي قويه مره جعل من قال ( فلان ) شين.... يعطى العمى في عينه وزريزر في الأخرى.... يموت وما أوفى دينه :razz: :razz: :razz: طبعاَ لكل وحده منهن لحن معين ثانياَ: هدهدة النوم ماعندي غير وحده بس :) وهي لا إله إلا الله.. محمد رسول الله.. خلو وليدي ينام..نعطيه فريخ الحمام.. نكذب عليك يالحمام .. ابغى وليدي ينام :sleep: ثالث شي: وهو المهم وهو التخويف :confused: يعني تخويفهم على مستوى :razz: مب مثلنا الذيب والحرامي :laugh: يعني مثلاَ عندهم المقرصة الحاميه وهذي يخوفون فيها البزر إذا أخطأ على اللي أكبر منه عوافي الله يعني ينزل العقاب مباشرة من السماء السعلو :D :D عاد هذا سالفته سالفه لاني كنت أخاف منه :D وقصته تخوف لانه ياكل البزران :confused: وبقولكم اللي أذكره من قصته بس مالي دخل فيكم إذا أحد تروّع :wallbash: يعني اللي مب قدّها لا يقراها :D :D فيه سعلو وأمه وأخته وكان السعلو صغير عمره يمكن 7 سنين المهم مره من المرات راحت الأم عند الجيران وخلت البنت اللي أصغر منه عنده ويوم رجعت للبيت جاء لها وقال يمه يمه كليت أختي :confused: :confused: وأمه ما صدقته أول شي بس يوم دورتها ما لقتها :sad: وخافت على نفسها :sad: :sad: وقالت لازم اتخلص منه قبل ما ياكلني :rolleyes: وقعدت تفكر و ودته للقليب وقالت له شف فيه مويه ولا لا ويوم شاف وتدفه ويطيح وتستانس :razz: :p وما أمداها ترجع إلا وهو وراها يقول يمه يمه تسبّحيت وجيت :laugh: :laugh: و مره كانت تقرص قرصان على المقرصه وكل ما حطت قرص واحد وزينته بلعه :wallbash: وبلشت فيه وقالت له شف النار طفت ولا لا ويقعد يشوف وتدفه فيها وتقعد تطامر من الفرحه :laugh: وشوي ويطلع لها :confused: يمه يمه تشعّليت وجيت :bigeek: :bigeek: :bigeek: وأخر شي قررت أنها تقطعه حته حته وترمي كل قطعه في مكان وقطعته ورجعت للبيت وما أمداها إلا اللي يناديها يمه يمه تجمّعيت وجيت :bigeek: والله البلشه :wallbash: وش تسوي فيه :razz: المهم مره قعدت تسولف هي وياه وهو منسدح على رجلينها وقالت له وشو اللي يموت السعلو وقال لها تاخذين سبع شعرات من راسه :confused: << على نياته مسيكين :D وهي اللي مغير كل شوي تنتف من راسه :p وهو يقول آي آي :laugh: :laugh: ويقول لها وش تسوين تقوله ما أسوي شي المهم أنه مات وأفتكت منه s60s والله أني نسيتها أذكر أنها اطول من كذا بس هذي الزبده وترى فيها لخبطه شوي معليش :rolleyes: هاه يحق لي أخاف منه ولا لا :D :D وبقى آخر شي وهو حمار القايله(الله يكرمكم) وهذا ما يستخدمونه واجد بس هو حمار أسود ويطلع الظهر في حموة الشمس والحر ويقولون أنه ياكل البزران :cry: خلاص خلّص اللي عندي :p وأعذروني على عدم التنسيق وأنا تراني كاتبتها قبل ما أنام يعني أفهموها لا تتصيدون الأخطاء :p بانتظار ردودكم s13s [/align] |
سلمت .. روووووووعة ..!! ذكرتني بزمان أول =====>> اخس يالشايب ..!! لك أكوس تحية ..!! |
[align=center]ثانياَ: هدهدة النوم ماعندي غير وحده بس وهي لا إله إلا الله.. محمد رسول الله.. خلو وليدي ينام..نعطيه فريخ الحمام.. نكذب عليك يالحمام .. ابغى وليدي ينام . يلعن ام السحبــــه :D من جد خلتــني اضحــك مشكوره يافرصه خطيره وكالعاده عنوانك الرجه.[/align] |
قسم بالله زمان اول شي s60s |
زمان يافن حلووووووووووه مره وتسلم اخوي |
تغطيه تراثيه حلوه يقولون إنهم يخوفونهم بعواف يالله كلش إلا النومه على كـلام أخوي / البروفسور جــره مهيب صاحيه ماجاءقدامي إلا أبو يعقوب يومه ينكس بإبن رخيصه مع الترجي التونسي رحمه الله |
[align=center]ذكرتنا بالايام الي راحت هع هع :D الصراااااحة موضوع s60s الف شكر لك اخوي تحياتي لك اخوك بروق نجد[/align] |
الـحـاتـمــي ... مــر مـــن هـــنــــا ... ويـقـول : لا تنسّق و لا يحزنون يا فرصة ضايعة :D :D موضوعك كذا s60s و عموما ... بالنسبة لـ( التخريع ) فهو يختلف من منقطة إلى منطقة و من جيل إلى جيل ;) وهالجيل هذا .... الصغير يخرّع الكبير !! s6s يعني لا تستغرب إذا انك حاولت تخوّف واحد من جيل ( أبطال الديجتل ) و ( كونان ) بالسعلو !! s6s و قالك : قم بس قم :D |
[align=center] تسلمين يالغاليه على هالسوالف .. في امان الله .. اختك .. رفيــــف *[/align] |
[align=center]ايه يازمن .. الدنيا تدوووور وتدوووور ! والزمن غدار :D >>> وش عنده معمر السعوديه :D .. :rolleyes: بالنسبه للموضوع كله روعه بس تراني ماعرف شي :D ( من جيل البلاي ستيشن واتاري العايله :D ) .. اييه ايه وبابا فرحان :D ( اقول يازينك وانت ماترد على المواضيع بس :D ) فرصه ضايعه .. شكرا ً اختي :D وشهادتك اللي هناك وسام على صدري :razz: ( راعي طويله ومتعيجز يرد هناك :D ) وبث خلاث احث اني ثولفت واذد ثي يو ثووون ثانكث فرثه ذايعه :D سوكرن .. [/align] |
السعلوة تريترة :sad: يامال العمرة ( كانت تخوف :sad: ) والحين ( تضحك :D ) يحليل شيباننا اللي قبل مدري وشلون نصدقهم والله أننا مانفهم :laugh: بس الصحيح قبل عايشين ببر يعني لاضوء ولايحزنون يعني معهم حق يخافون منها مشكورة أختي على الموضوع الرائع s60s |
ياعمار يازمان اول يوم الخوف له طعم :d موضوع رائع من عضو ولااروع |
[align=center]فرصه ضايعه : و عليكم السلام :) .. مـوضوع جميل .. و عن ( سوالف زمان ) يحلو الكلام :) .. شُــكــراً ..[/align] |
أقول مثل ماقالوا اخواننا اهل الجنوب ... والله إنّش تحييييييفة >> هذا مأخوذ من كلمة تحفة وهي شدة الجمال ... لاتطيرين عاد .. :D ايه ايام زمان ... أما السعلو ذا صراحة رعب ... سوّت به أمه اللي ماينتسوّى عيا يموت ... كلنا نبحلق عيوننا لاجت القصة : يمه وين يعيش فيه ؟؟ :rolleyes: بس بصراحة سوااااااالف تهبّل .. وألحين السعلو ماعاد ياكل قلوب الصغار حقّين كونان وابطال الديجيتال .. مثل ماقال اخوي الحاتمي ... فرصة ... مشكووووووووورة على موضوعك الروووووعة .. s60s |
سوالف روووووعة مثل مايقال ناصر القحطاني ســـــــــــــالفة عمري بس ذي سوالف اجيال يسلمووو |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd