|
خسارة سعد الحارثي على النصر !!! رووووعة هدف سعد الحارثي ..... وليست الروعة في التعدية من اُثنين وتسحيبهم بل الروعة في خداعه للحارس الممتاز شهاب كنكوني ورماه في جهة لما موه عليه وشاتها باليسرى وهو دايم يشوت باليمين !!! ياليت نحرص على انتقاله بدل المراكض ورا ياسر وسعد أفضل منه وفي نادي مايقدر المواهب ولايحترم اللاعبين وحتى رواتبهم يمن عليهم بها ... استعباد أعوذ بالله !! خابر الرق انتهى أثر جحا وعياله رجعوه للنصر ... |
والله انك صاادق وانا معك بكل كلمه قلته وياليت نشوفه مع الهلالللللللللل s13s علشان تشوفون كيف راح يلعب لانه الان ما اتيحت له الفرصه تحياتي لكم |
الفعل سعد نجم مميز ومن طراز نادر وهدفه ذكرني بأهداف ماجد عبد الله s13s |
الصراحة أتمنى يكون الحارثي من لاعبين الهلال لكن أحب أقولك من الحين مستــــــــــــــــــــــــــــــــــــــــــحيل ينتقل لان لاعبين النصر ملك لرئيسهم ممدوح ومن قبله أبيه عبدالرحمن رحمة الله عليه |
[align=center]مشكلتكم ياالهلالييه تبون جميع اللاعبين عندكم وهذا مستحيل[/align] |
ياخي الرجال ميت و انت تقول جحا اذكروا محاسن موتاكم |
بس يمكن يعوض الله الهلال بأخوه محمد اللي سجل بالهلال وأخو الوز عوام هههههههه |
من اول مباراه شاهدتها له مع النصر وهو معجبني هذا اللاعب وياليت ينتقل للهلال والله هو اللاعب اللي تقدر تقول انه يستاهل يلعب في الهلال وحرام يلعب بالنصر والف مبروووووووووووووووووك الفوز تحياتي،،، |
ياخي وربي حرررام موهبة كبيرة تضيع في فريق مغمور وضعيف .. والله هذا اللاعب اذا استمر في هذا الفريق بينتهي مثلما انتهى قبله العديد من المبدعين اذا سعد يفكر ويدور مصلحته فانصحه بالزعيم . لان(( الفقر)) مايوكل عيش |
والله لعبة خطيير جدا ويمتاااز بمهاارات صعب تحصلها بذا الوقت واتمنى انضمامه للهلال لانه راح يفيد الهلال وايضا بيستفيد الكثير من ناادي كبير كالهلال s60s |
[align=center]لاعب ممتاز وموهوب وافضل لاعب في فريق النصر حاليا اتمنى اني اشوفه يلعب في صفوف الزعيم .... وينضم للهلال بجوار اخوه ابرك له من النصر اللي اذا استمر معه راح يقتل موهبته الفذه .... [/align] |
والله سعد فنان واتمنى اشوف راوول العرب جنب راوول اسبانيا |
سلاام .. والله بجد يوم جاب الهدف حزنت عليييه , قلت بينتهي في هالنادي وبيضيع مستواه مثله مثل البيشي وعلي يزيد وماجد الدوسري والحقباني وغيره كثاار من ضحايا هالناادي . ما اقول ابيه فالهلال , لكن اقول ياليت يدور مصلحته فأي فريق غير هالفريق والأفضل يبقى دائماً هو الزعيم . |
شكرا لكل الشباب على التفاعل وفعلا سعد العين المفتحة وسط نادي عميان $$$$ الله لايعمينا ههه |
بالعكس يعني بيصير أكثر المنتخب من الهلال و الأتحاد يعني مافيه في السعوديه ألا لاعبين الهلال و الأتحاد بعدين كل النجوم وكل الصفقات راح تكون محتكره على الهلال و الأتحاد لازم يكون هناك نجوم في أنديه أخرى حتى يكون فيه تنافس ونديه وحماس أتمنى الأمير منصور بن سعود يكون رئيس النصر ليصلح أوضاعه بدل ممدوح ألي مايدري وين ربه حاطه فيه |
ديسلفا ازين منه <<<<<<<<<بينطق صراحة ودي يروح للهلال او الاتهاد او اي نادي مطنوخ او الشباب بس ماتضيع موهبتة حرصً لمنتخب |
وفي نادي مايقدر المواهب ولايحترم اللاعبين وحتى رواتبهم يمن عليهم بها والله صادق في كلامك ولكن ان شاء الله يجي منصور بن سعود يعدل الوضع في النادي |
الصراحة أتمنى يكون الحارثي من لاعبين الهلال لكن أحب أقولك من الحين مستــــــــــــــــــــــــــــــــــــــــــحيل ينتقل لان لاعبين النصر ملك لرئيسهم ممدوح ومن قبله أبيه عبدالرحمن رحمة الله عليه |
كيف تقولون النصر بيقتل موهبته؟؟؟؟؟؟ كان اندثرت موهبة ماجد ومحيسن والهريفي قبله النصر الحين يعلللق امال كبيرة على هذا النجم والله يوفقه وكل فريق يتمناه |
الأخ / Sakhar تقول كيف ما اندثرت موهبة ماجد ومحيسن والهريفي .... الجواب : شفت وشاف الجميع كيف كافأ النصر نجومه في عصره الذهبي : أما ماجد هاجموه وداسو كرامته لأنه طالب بحفل إعتزال ثم وعدوه بحفل وصار هالحفل مثل بيض الصعو يسمع به ولايشاف ومحيسن مثله تماماً لاتكريم ولاهم يحزنون ..... للأسف أما أبو قذيلة الهريفي يكفيه تكريمهم له ضربوه وحرقوا سيارته وستر الله أن الدعوى وقفت عند كذا !!!! وتبي اللاعبين يبدعون في جو مكهرب ومشحون ويحس اللاعب أنه محتقر ماله قيمة !! ويسدك حادثة هادي شريفي مؤخراً مع سعود بن عبد الرحمن !!!!!!!!!!!!!! |
الله يوفق سعد ولاعبين المملكة جميعا لخدمة الوطن |
!!!! |
| الوقت المعتمد في المنتدى بتوقيت جرينتش +3.
الوقت الان » 07:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd