يعطيك العافيه اخوي .. بس ممكن مصدر التشكيله !! لأني اشوفها غريبه نوعاً ما .. صحيح انها ممتازه لكن مستحيل مارتن يصرح ويقول هذي التشكيله والموسم توه ما انتهى !!
وبعدين انا اتمنى المدرب القادم هو من يضع التشكيله ويستقدم اللاعبين .. مو مارتن .. لأن سواها قبله بيريز وهذا الي نكب عفشنا !!
بالنسبه لفابريجاس هالولد مدري وش اقول عنه
بمباراتنا تراه نشب لنا .. بالذهاب والإياب .. بس انا ما عطيته ذاك الإهتمام لاني قلت ممكن يكون ضعف من وسطنا .. لكن قدام اليوفي سوى الهوايل يا جماعه .. وخطف الأضواء كلها !! .. بالتأكيد لو يصبرون عليه سنه سنتين ما ابالغ ان قلت انه بيكون اطلق محور بالعالم .. اتمنى ان الريال ما يجيبه الآن !! الولد موهبه .. واذا جاء للريال في هالظروف بتندفن موهبته .. بصراحه انا اتكلم .. روبينهو انا شفت له ابداعات مع سانتوس .. كان متمكن .. لكن جاء للريال وكان الريال ولا زال متهالك .. وحط روبينهو براسه انه انا الي بشيل الريال .. وفوق كذا كبرت الصحافه راسه وحتى اخبر اول ما جاء كانوا يقارنونه برونالدينهو !! اجزم لو روبينهو راح برشلونه .. ان نشوف ابداعات ثانيه .. ومستويات خرافيه .. ليش؟ لأن برشلونه وضعه الآن مريح .. ويساعد أي موهبه على الظهور .. !! انا اتمنى لو مارتن معجب بهالولد ويبي يجيبه .. يجيب معه فينجر .. !! والا يصبر عليه لين ينضج اكثر .. ويتعدل وضع الريال .. ان شاء الله
بالنسبه للكلاسيكو ..
اهم شي وسط برشلونه هو المشكله .. إيتو اقطع يدي إن ما سجل وعارف هالشي لو يشوت من نص الملعب يقدر يسجل مو قوه فيه او تمكن لا .. انا اجزم انه ماخذ اكبر من حجمه .. لكن السبب الوحيد انه بيقابل عدوه ريال مدريد الي فرط فيه !!
مثل ما قال الثعبان .. اوافقه في كل شي الا انه يكون ديوقو محور .. خل جرافيسين .. صحيح انه بقره وما يدري وين الله حاطه لكن ممكن تنفعنا بثارته بالمحور .. وخل ديوقو مان تو مان مقابل رونالدينهو الي يلعب بالجهه اليسرى (باليمنى بالنسبه لنا) .. !! والي اتمناه روبيرتو كارلوس ما يندفع كثير .. للأمام لأننا بننكب .. والله يستر من هدايا كارلوس لإيتو سبحان الله احس ان ايتو مسوي سحر لخوينا خخخخخخخخخخخ
صحيح ان انطلاقات كارلوس تنفعنا .. لكن بننكب خاصه ان برشلونه معروف لعبه عالأطراف .. لازم نغطي الأطراف قد ما نقدر .. وبعده عاد يجي الوسط .. ومنهم ديكو وبوميل وحتى الصغير المبدع انيستا ..
بالنسبه للهجوم .. اتمنى يلعب بمهاجمين !! وما يخربها كارو يلعب بمهاجم واحد .. لأن واحد ووش بيسوي قدام بويول ومارركيز ..!! صدقوني بيضيع
اتمناه يلعب برونالدو وراؤول .. الأخير هذا لو كان الفريق بالفورمه .. صدقوني بنشوف مباراة من أروع مبارياته !! لأن راؤول معروف انه يظهر بالكلاسيكو ..
رونالدو انا اعلق عليه آمال كثيره .. واتمنى يكون بالفورمه ويبعد عن مزاجيته وصدقوني بيمسخرهم .. بس لازم يكون بالفورمه ومشتهي يلعب !!
اتمنى (لو) فزنا ما نطير الريال بالعج ونقول بس ما نبي مدرب ومانبي لاعبين و ... إلخ ... لأن مثل هالمباريات ما تخضع لمقاييس .. او احوال فريق او غيره .. المباريات هذي اول شي فيها سمعة الفريق وكرامته .. ووما استغرب ان الريال يفجرها بالكامب نو ويفوز بنتيجه ومستوى !! مثل ما فجروها برشلونه بالذهاب و رونالدينيو اجبر جمهور البيرنابيو بالتصفيق له ( آه يا ذاك اليوم تمنيت الأرض تنشق وتبلعني !! )
عموماً بالتوفيق في هالمباراة الصعبه
والله يستر من حركاتك يا كارو ..
الوضع العادي
