..(( رابطة " نادي القرن " البلانكو )).. 2005 / 2006 - صفحة رقم 565 - نادي الهلال السعودي - شبكة الزعيم

LoVeFoReVeR · #1 03/01/2006, 12:24 PM

بطاقة كاسانو ستصل اليوم

والتقديم غداً في المسرح التاريخي لـ ريال مدريد سانتياغو برنابيو

اليوم فية مبارة لـ ريال مدريد في الكوبا دي ري

لذلك ماراح يقدم كاسانو اليوم

اعتقد ان ريال مدريد يبحث حالياً عن محور قوي

واتمنا ان يستمع بيريز لنصيحة قوتي ويبحث في هولندا والمانيا عن محور قوي

الارجنتين المانيا هولندا جميعها بلدان مشهورة في المحاور

واتوقع ان الأنسب في الارجنتين و هولندا

وياليت ظهير ايسر ومدافع

مجنون البــلانكو · #2 03/01/2006, 01:48 PM

كاسانو سيكون جاهز للعب أمام فياريال

أنتونيو كاسانو سيكون لاعب لـ ريال مدريد خلال ساعات قليلة قادمة وكان من المقرر أن يتم تقديمة لـ وسائل الإعلام اليوم في السنتاغيو برنابُيو بعد ان توصل النادي الإسباني والإيطالي إلي إتفاق نهائي لإنتقال الاعب إلي صفوف الأول لعقد يمتد إلي 2010 ويجري كاسانو الإجراءات الازمة مع ناديه السابق روما وسيكون بمدريد اليوم .

الاعب كاسانو الذي سيوقع عقد إلي 2010 مع نادي ريال مدريد وسيتقاضي راتب 4 مليون يورو سنوي وسيكون متواجد في مدريد للمرور في الفحص الطبي اليوم وسيقدم غداً الأربعاء لاعباً لمدريد لـ جمهور المدريديستا ووسائل الإعلام وسيكون لاعباً أيضاً في اللاليغا مع فريقة الجديد أمام فياريال يوم الأحد .

كاسانو الذي إهتمت به عدة أندية واهمها نادي الإنتر ونادي اليوفنتوس ولكن الاعب رفض الإنتقال لها بعد أن أصبح لديه علم أن مدريد من ضمن الاندية المهتمه به وأراد أن ينتقل إلي مدريد الذي صرح في مرات عدة أن حلمه منذ الصغر الإنتقال إلي نادي ريال مدريد

LoVeFoReVeR · #3 03/01/2006, 05:50 PM

تشكيلة ريال مدريد للقاء بلباو اليوم في الكوبا دي ري

الاحتياط : دييجو لوبيز - وودجيت - كارلوس دييجو - زيدان - خافي جارسيا - بالبوا

من الموقع الرسمي لـ ريال مدريد

فتى مدريد الذهبي · #4 03/01/2006, 06:58 PM

أخيراً كاسانو مدريدي رسمياً

http://www.realmadrid.com/articulo/r...sano_28419.htm

MESHAL-BLANCOS · #5 03/01/2006, 08:03 PM

إقتباس

الرسالة الأصلية كتبت بواسطة LoVeFoReVeR


	تشكيلة ريال مدريد للقاء بلباو اليوم في الكوبا دي ري الاحتياط : دييجو لوبيز - وودجيت - كارلوس دييجو - زيدان - خافي جارسيا - بالبوا من الموقع الرسمي لـ ريال مدريد

والله التشكيله غريبه ورجعنا بيكس محور

الله يوفق الريال

مجنون البــلانكو · #6 03/01/2006, 01:04 PM

التوتوسبورت الإيطالية : - كاسانو خرج ، وأليكس بقي

عاشق السيدة العجوز · #7 03/01/2006, 02:18 AM

مبروك على النادي الملكي الاعب الايطالي الموهب كاسانو

ملك البلانكو · #8 03/01/2006, 03:31 AM

ماشاء الله عليك يا وليد لجظه بلحظه مع الحدث تصلح مراسل لقناة الريال

وعلى كل حال مبروك كاسانو وانشاءالله فاتحة خير 2006

real madrid kings · #9 03/01/2006, 03:57 AM

الف الف الف مبروك صفقة انتقال كساانو للفريق الملكي

و الشكرو كل الشكر للاخوان LoVeFoReVeR , vieira-ksa على المجهود الجبار الذي يقومون ية

هذي هدية صغيرة صممتها بوصول كسانو للبيرانبيو

real madrid kings · #10 03/01/2006, 04:00 AM

سوؤال صغير شباب يا ليت تردوني علية

ساعة كم بيكون نقديم كسانو للاعلام اليوم

هل هي في نفس التوقيت القدمو فية روبنهو و سيسنهو اي الثالثة بتوقيت مكة

زعيم محايد · #11 03/01/2006, 04:06 AM

مبروووك الصفقه يا اخوان وياهلا بك ياكسانو في مدريد

وننتظر الصفقه الثالثه وياليت تكون مدافع رغم اني استبعد هذا الشي

او صانع لاعب عشان يقوى الفريق اكثر

ابو يعقوب وبس · #12 03/01/2006, 08:59 AM

أبو أمس .. صبحه بالخير

أتفق معك بشكل كبير

الصفقتين حلوات .. لكن لازلت مُصر إن طقم الدفاع يتغير بالكامل .. من إلى .. أستثني طبعاً سيرجيو راموس اللي هبلوا به .. يوم قلب دفاع .. ويوم محور !!

وودغيت شكل ماوراه رجاء .. والباقين اللي قبله خلاص تحملناهم بما فيه الكفايه .

دفاع الريال عصبي ولا مبالي

العصبيه تكمن في سلجادو اللي إذا سحبه أحد عصّب وضربه وكرت أصفر بدون سبب !!

ولا هلقييرا أكثر لاعب ينسدح إذا جاء أحد يشوت كوره من الخصم !!

عاهات وربي في الدفاع ..

ولايهون كارلوس اللي كاشت 24 ساعه قدام .. وممر سهل لكل المهاجمين .. زينهم وشينهم !

بابلو جارسيا أعجبني في مباراة أتليتكو مررره .. لكن من عقبها وهو مهوب اللي أنت تبي .. وأتفق مع أبو أمس إن الولد بطئ .. بل بطئ جداً ..

قرافسن مايصلح نهائي .... ماغير يصدّم العالم ولا ينرجى من وراه شي

قدوم كاسانو حلو خصوصاً إن رونالدو إصاباته كثيره .. ولك في آخر إصابه خير دليل ..

سؤال صغيروووون .. كم أصيب رونالدو من مره خلال هالموسم الكروي ؟؟؟

زيزو كذلك بالإضافة إلى كبر السن .

إذاً قدوم كاسانو مفيد ان شاء الله للفريق .. مع إن الأخلاق الله بالخير .. لكن الشكوى لله عاد

سيسينهو صراحه ماتابعته كثير .. لكن بأي حال من الأحوال يبي يصير أحسن من سلجادو ان شاء الله

تبون فريقكم يضبط .. ضبطوا الدفاع وإزهلوها ... أما سالفة إن روبينهو يرجع يساند الدفاع .. وكذلك بابتسيتا .. فإنسوا الموضوع !!! مهيب ذي أدوارهم الحقيقية في الملعب .

على طاري روبينهو .. نقطه وحده قبل لا أمشي

روبينهو .. مدري وش جايه هالولد .. المباريات الأخيره .. الإستلام خطأ .. التسليم خطأ ... مواجهات واحد ضد واحد مايعرف يعدي ؟!!؟؟ هل يعقل إن لاعب برازيلي في مواجهه فرديه مايعرف يتخطا الخصم ؟؟

غريب روبينهو ... ومهوب معقول إن كل هذا ضغط على اللاعب !

الحديث يطول عن الريال .. ولو نبي نبتل نتكلم ما خصلنا !

وبإنتظار كل جديد ... ويارب التوفيق

المداوي · #13 03/01/2006, 09:34 AM

مبرووك عليكم قدوم الجوهرة الايطالية واللاعب المشاكس انطونيو كاسانو وأتمنى له التوفيق مع البلانكو ...

والشكر موصول لجميع أعضاء الرابطة على جهودهم الملموسة على رأسهم الأخ العزيز أبو خالد

بالتوفيق للريال في مباراة الليله

صدى الامس · #14 03/01/2006, 10:41 AM

[align=center]

ابو يعقوب

صبحت بالنور والسرور ..

الدفاع يتغير بشكل كامل معك انا فيها الحين عندا في الظهير الايمن .
سلقادو ماسك الخانة !!
خلاص سلقادو انتهى عندك شباب دييقو + سيسنهو ..
دييقو خبل وغير طبيعي وكل المباريات اللي لعبها قدم مستوى حلو ..
مساندته الدفاعية حلوه وسريع وراكد مهوب مثل سلقادو خفيف !!
ومثل ما ذكرت .. نرفزته وعصبيته وكل شي !!
هلغييرا اسرع لاعب في العالم ينسحب على خشته !!
حرك رجك بس على طول ينبرش وعلى قل سنع !!
راموس ما عليه خلاف وثابت مستواه ..
ودغييت

!! متى بس نشوفك !!
المشكلة هو لو يرجع ويستمر تسان نرتاح ومعه راموس في الدفاع ..
بس مشكلته هـ الإصابة اللي لعبت فيه لعب ..
كارلوس .. صحيح كاشت في خط الهجوم .. لكن كارلوس يبيله قرصة اذن وتهئية نفسه اكثر من انها بدنية !!
كارلوس دايم يطلع بتصريحات تقفل مع الجمهور منها ..
واللي يخليني اقول ان كارلوس يبيله تهئية نفسية اكثر من غيرة .. احساسه اللي تشبع من الفريق ..
طول هالفترة وضغط الجمهور عليه وتصريحاته الخبله مثله .. وحركات النرفزة اللي نشوفها منه
واللي ما تعودناها منه هو بالذات .. تخليني اقول هالكلام .. كارلوس يبيله جلسة مصارحه

..

بالنسبة لـ بابلو قارسيا .. صحيح انه بطئ لكن يعجبني بتحركاته مدروسة وتغطيته ..
لو يكون معه محور عليه الكلام نبي نشوف قارسيا يبدع لان لحاله وبالطريقة هذي مستحيل انه يسوي شي ..
يبيله واحد يسانده واحد يكون راعي ركض بس على سنع ..

بالنسبة لـ رونالدو .. هاللاعب مزاجي بمعنى الكلمة .. اذا اشتهى اللعب والله يسوي البلاوي .. لكن مشكلته ما تدري متى يجيه هالشهوة

.. وهاللاعب مهما كان نايم طول المباراة الا انك تتوقع منه اي شي .. كثرة الإصابة بشكل غير طبيعي عند رونالدو الفريق عموماً .. اللي اتوقع دمرت الفريق بشكل خيالي ..

سيسينهو صدقني هو كافو الجديد

.. خبل بشكل

.. سريع بشكل

.. اوفرات بشكل

.. اذكر شفت له مقطع فديو ياخي تتعب وانت تقول خبل .. لاعب يراكض في كل مكان وفي كل زاويه وفي كل منطقة .. من زود الحماس شفت له لقطة مجنح في اليسار

..

ابو يعقوب بالنسبة لـ روبينهو .. انت عارف الصجة اللي صارت لـ روبينهو .. قبل لا يجي ويوم جاء وبعد ما جاء ..
لاعب توه صغير وكل هالضغوط صارت عليه .. الاضواء كلها عليه .. من بعد ما اللي صار قدام قادش ..
خلاص صار الإعلام المدريدي يبيه يكون المنقذ دائماً .. صار اللاعب تحت ضغط انه يبي يبرهن ويثبت انه يستاهل ..
كل هالضغوط في لاعب صغير وفي وضع الفريق اللي صار والاصابات وتراجع المستوى بشكل عام تؤثر على اللاعبين الكبار واهل الخبرة .. فما بالك في لاعب توه صغير .. والأضواء والإعلام وكل شي مسلط عليه ومطلوب منه كل شي ..

[/align]

khalid_sa01 · #15 03/01/2006, 10:11 AM

سلام عليكم

الف الف مبروك للجميع على هذا اللاعب كاسانو لاعب ممتاز ومشاغب جدا جدا

بس عيبه يتنرفز بسرعه وهذي هي المشكله

واتمنى من الله تعالى ثم من الاخوه اللي بالرابطه يقولون لي متى يتم التوقيع معه ونشره في الاعلام
شكرا ,,,