بيريز يقول أنحرفنا قليلاً عن المسار الرياضي أبو الشباب جاي على جبهته ويقول قليلاً وبنسبة لكارلوس غير مرتاح الان اصبحت منتب مرتاح من عام 96 في الريال وعلشان صافرات استهجان الجمهور ما أرتحت و سلغادو يقول روبينيو وبابتيستا لا تعجبهم صافرات الاستهاجن ودي أعرف على اي أساس تبونهم يصفقون لكم على الفن الي في الملعب او على الروح القتالية او على النتائج صدق المثل حشفاً وسوء كيلا أثبت الفريق انه محتاج لاعبين مقاتلين من أجل الفانلية مثل كاسياس و راموس موب لاعبين قاعدين يدلعون هذا مايعجبنا وهذا مانحبه

اخر مبارة اليوم قبل الاجازة


المبارة القادمة بعد اجازة اعياد الميلاد ورائس السنة يوم 8 يناير مع فياريال في المادريغال


نتمنى ان يختتم ابو حسين السنة على خير ويترك عنة البرود الزايد ويبتعد عن المثلوثة والمندي قبل المبارة


برنابيو سيتوقف عن توجيهات صافرات الاستهجان لك يا رونالدو اذا سجلت اليوم وقدة الفريق الى الفوز



بعد مانفوز على ريسنج ولا يسجل العبد الباب

والله عاد مشكلة

أجل على مين بيسجل اذا على ريسنج الضعيف ماسجل



اي والله الدلع الفاضي

يلعبون بدون روح ولا ولاء للقميص واخلاق مادري وش تبي و يدلعون ويتشرطون لية الجماهير تطلق صيحات الاستهجان علينا


بالتوفيق لـ ريال مدريد اليوم في اختتام سنة 2005 بفوز عريض ومستوى كبير

ونثق بك يا رونالدو

بلا رسمي بلا اكيد بلا خرابيط .. مع بيريز مافي شيء اكيد ورسمي

عند اول سلسلة خسارات لكارو .. راح يطرده .. وخارج النادي بعد حتى ما يرجعه للدرجة الثانية

لا بيريز .. ولا الاعلام .. ولا الجماهير عندها الصبر

الضــــغــــط رهـــييييييــــــــب ... رهــــــــييييييييــــــــــــب على الفريق

لسببين .. السبب الاول مستوى الريال المتدني .. ولم يفز من سنتين ببطولة .. ويمكن هذه تكون الثالثة

والسبب الثالث تألق فشلونة .. وهذا ما يسبب ضغط اكبر على الفريق

فشلونة ما خسر هالموسم الا مرة واحدة امام اتلتيكو .. يعني الخلاصة .. مطلوب من الريال يفوز بجميع مبارياته هالموسم لا تعادل لا خسارة اذا كان يريد ان يكسب الليجا .. وهذا واحده من اسباب الضغط

وشيء طبيعي ان يسمعون اللاعبين صيحات الاستهجان من الجماهير .. فعندما ترى الجماهير مستوى فريقها الأن .. وتشوف متسوى فشلونة .. الي قاعد يكسب كل مباراة وبنتائج ثقيلة

طبيعي يكون هذا ردة فعل الجماهير

لكن اعتقد ان الجماهير تطالب بالمستحيل من الريال .. وهو ان يفوز بجميع مبارياته ويقدم مستوى .. خصوصا وهو بهالظروف الي ما راح تتعدل بيوم وليلة

ونتيجة هذا الضغط الرهييب من الاعلام والجماهير .. بدأنا نشوف المشاكل والتفكك والانتقادات بين اللاعبين

1_ اشاعة قوية بخروج رونالدو .. مو بعيدة تكون صح .. لأن رونالدو يريد ان يسجل ويعلم جيداً ان الوسط الضعيف وراه ما يساعده

2_ عدم راحة لروبينهو وبابتيستا .. ويمكن شعور بالندم خصوصا انهم كانو متفوقين بأنديتهم

3_ انزعاج روبيرتو كارولوس .. والي كان واضح جداً خلال تصاريحه والاخبار .. ووضحت عندما جلس بطاولة اخرة بعيداً عن زملاهء الي رافقهم من عشر سنين .. ولعبه العصبي . وواضح ان هذا شيء صار بعد طرد لوكسا

4_ بدأت ايضا الانتقادات .. فمثلاً سلقادو انتقد كارلوس .. واعتبر ان ما قام به كان خطاً .. وكارلوس انتقد اللاعبين المتشبعين .. وبيكهام انتقد الادارة .. وألخ

وااضح جداً هناك تفكك .. وعصبية من اللاعبين .. وهذه الاشياء حتى بخمسين حفلة ميلاد لن يستطيع بيريز ان يخبئها

واستعير هنا جملة يوسف سيف واقول (( الريال فيه شيء )) .. نعم هناك شيء يحدث في دهاليز و اروقة النادي

واتمنى ان تكون المشاكل والتفكك والعصبية الي صايرة الحين بسبب الخسائر .. وان عند اول سلسلة انتصارات تختفي .. وان ماتكون مشاكل شخصية صعب حلها

احد الاخوان تحدث عن جيرارد .. انا اتمناه ... لكن صعبه وشبه مستحيله .. لعدة اسباب .. منها انه جدد عقده هالموسم .. وان متفوق مع ناديه وهو مرشح لكسب الابطال مرة ثانية .. فشنو الي يخليه يترك كل هذا ويأتي للريال ويطالع وجه بيريز .. وفوق كل هذا وهذا جيرارد يمثل شيء كبير لليفر مثل ما راؤول يمثل شيء كبير عندنا

---------------------

صحيح ان سيسنهو كان اختيار لوكسا .. لكن مستحيل نادي يتعاقد مع خليفة كافو ويندم .. سيسنهو كان من الاسباب الرئيسية في البطولات الي كسبها فريق في الاونة الاخيرة

وهو تقدر تقول عنه مدافع ومهاجم بنفس الوقت .. لياقة جسمانية عاليه .. تكتيك ممتاز .. يأخذ الكرة من الخصم من غير مخالفة .. تسديدات بعيدة .. يلعب بجهتين اليسرى واليمنى .. بختصار كافو لكن شاب

مع هذا ما اتمنى ان يجي الريال حاليا .. لعدة اسباب

اولاً كثرة البرازيلين الموجودين حاليا .. وهذه ممكن تضر الفريق

ثانيا : هو غير متعود حالياً اللعب بأوربا .. الافضل جلبه من ناديه البرازيلي واعارته لأحد الاندية الاوربية .. يكون افضل علشان مايصير معانا نفس ما صار مع روبينهو

وبالتوفيق للملوك اليوم .. وان شاء الله نشوف سولدادو مع رونالدو .. رأسيي حربة

الله يوفق الميرينجي لانه الفارق الان 11 نقطه

الكاميروني ماسك خط وشكله مبيت النيه على تحقيق رقم قياسي بتجيل الاهداف

رونالدو والله ما ادري مش اقول الاعب كبير وفنان وهو الفينومينا لكن ما ادري وش صاير له على الله الثلاث نقاط اليوم

ويشتغل المدريديستا صح في العطله ويرتب الاوضاع ويرجع البلانكو المرعب .

الله يوفق ريمون , مجرد وجهة نظر بسيطه على ابقاء المدرب لاخر الموسم, يمكن لاحظ بيريز انه دل بوسكي اللي كان

مدرب عادي قبل الريال حقق انجازات عجز يحققها المدربين اللي جابهم بالماده ولا ننسى بينيتز اللي كان عندنا وطلع

وجاب الدوري وكاس الاتحد الاوروبي ودوري الابطال... هذا يعني انه اللريال قادر على انجاب مدربين عالميين ويالله

يكون بكره كارو من شاكليتهم.

اما بالنسبه للبــــــــــــــــــاب والله ما ادري احول ادور له الاعذار واضحك على نفسي واقول لا نصبر عليه لكن ماش

البـــــــاب مكانه في المطبخ يطبخ الكبيسه ويزهب السفره للعيبه

الله يوفـــــــــــــــــــــــــــــق الريال

مشكورين شباب على الاخبار..

بالتوفيق للريال في مباراة اليوم..

لاعبينا بحاجة الى مجلس تأديبي اصلاً مو دلع فاضي

وااااااااضح تأثير غياب القائد والأب الروحي على الفريق

على الأقل بوجودة كنا نقدم افضل من هذا كنا نرى حماس وروح اكثر من كذا

لم نكن نشاهد احزاب وشلل


ما علينا

يبقى

ريال مدريد فقط هو المهم و فوق الكل



بالتوفيق لـ ريال مدريد واتمنى اختتام السنة بفوز عريض ومستوى لائق وكارو ليس بمطالب بالكثير لأنه اصلاً لم يختر مجموعة اللاعبين التي تناسبة ربما انه لايريد الباب كان يريد على الأقل جناح صريح مثل فيسنتي بعد ذهاب سولاري

ولربما انه غير مقتنع بـ بابلو جارسيا وجرافيسين وهذا الأكيد والواضح ويفظل محاور اخرين بدلاً منهم


كارو ليس بمطالب بالكثير و في حال جلب له بيريز من يريد من لاعبين في ماريكاتو الشتاء قد يتيغر الامر بعض الشيء

رونالدو >> حول تلك الصيحات الى تصفيق لمساندتك

بالله عليكم .. هذا فريق؟؟

اقسم بالله لاعيبة الحواري .. ارحم .. ومنظمين وعندهم الروح ..

يعني عندك هلقيرا على بافون على جارسيا .. برا الفريق ذولاا ..

لازم نشوف مدافع صلب بالفريق .. لازم نشوووووووف محور زي الناس والعالم ..


وترا الحزن الي بوجه بيريز مو عشان الريال لا .. عشان الفلوس .. تلاقيه خسران فلوس من خسارة الريال ,,

ياعمي استح على وجهك واستقيل .. اجل انت رئيس نادي??

..

الخوف كل الخوف

ان الريال ينافس بلد الوليد على صدارة الدرجة الثانية

حقيقة

موقف الريال مخزي ومحزن

وصرت اتعاطف معه


متعاطف لا متشمت

والله ماودي أتكلم المباراة كانت بأيدي الفريق بس تسرع المهاجمين تبعنا وخاصة المهاجم الشاب سولدادو وهنا يبين مع الجميع الفرق بين المهاجمين الكبار (أوين) يلي تركه النادي أيه وبعد يجيلك الاقرع ساكي ويقول مايستحق يلعب للفريق الابيض فرص بالجملة لو نحط منها اتنين كان الفرق الابيض تمام .أيه ودنا ننافس على الدوري ويفوز علينا أصغر الفرق والله لو فزنا بالبطولة مارح يكون إلها طعم وبكل صراحة بقول للبرسا مبرووووك الدوري وبقول للمدريدين خلونا نفوكس بالكأس أفضل مع أنو احتمال خروجنا المبكر وارد جداً والريال الآن بتصور بحاجة إلى دل بوسكي أكثر من أي وقت
وسلام

قفلة
مبروووك علينا شيطان خط الوسط النجم السوبر ستار بابلو غارسيا أيه بالفعل ماكذبتوا خبر لما قلتوا عنه شيطان خط الوسط