هاااا .. بعدكم فرحانين برحيل لوكسا بهالوقت
بذمتكم شايفين فرق بالمستوى ايام لوكسا والحين .. بالعكس اكثر الاحيان بزمن لوكسا كان يقدم الريال افضل من جذي .. خصوصا لمى تكون عنده كل التشكيلة
معقولة الريال يتعادل امام اوساسونا وهو ناقص لاعب .. ووين في السنتياجو برنابيوا .. وتعادل بشق الأنفس .. وضربة جزاء صحيحة للخصم ما انحسبت .. شايف يابيريز لوين وصل الريال
الي قاهرني .. طول الاسبوع اقرأ عن تدريبات مكثفة .. وفترتين مسائية وليلية .. وبيكهام يصرح بأنها تدريبات وحوش .. وان المدرب الجديد يدربهم على جمل تكتيكية
ممكن احد يتبرع ويقولي وين هذه الجمل التكتيكية .. والي يرحم والديكم جملة واحدة .. باستثناء تكتيك زيدان الي متعودين عليه
الفريق مو متحمس اصلاً .. الفريق مو محتاج يتعلم جمل تكتيكية .. كل لاعب فيهم مدرسه لفنون الكرة لوحده .. الي محتاجين هو الحماس .. والقتالية في اللعب
وعلشان جذي لمى نزل زيدان وسولدادو .. المتحمسين .. هم الاثنين بس غيروا النتيجة وعملوا الفارق .. وهذا بالضبط الي يحتاجه الريال .. حماس وضغط على المنافس .. وحسن الانتشار .. واللعب الجماعي
والمدرب هذا من اول يوم شفته .. وانا قلت لا يستحق يدرب الريال حتى ليوم واحد .. وبيريز ايضا ما يستحق ان يرئس الفريق ليوم واحد
شالغباء هذا .. اللعب بـ بابتيستا وروبينهو ورنالدو .. عيل منو يلعب بالوسط ؟؟ الثلاثة قاعدين يلعبون على خط واحد .. وخط الوسط
مـــــــــــيـــــــــــــــت .. ومافي احد قدر يحييه الا زيدان
وهذا كله كوم .. وبيكهام كوم ثاني .. يعني بالغصب يشارك اساسي في كل مباراة .. اصلاً اللاعب اذا حس انه ضامن مكانه اساسي ما راح يقدم اي شيء وبيكون مطمئن .. وهذا الي صاير معظم اللاعبين مطمئنين وعلى راسهم بيكهام .. واذا مو مصدقيني شوفوا اليوفي تشيلسي برشلونة الانتر وغيرهم
لاااا .. وبيريز كان بيكحلها ويجيبلنا روي كين من مانشستر .. هذه اخرتها .. الريال الفريق الملكي .. يجمع زبالة مانشستر بنادينا .. خلاص عرفنا ان مانشستر هو اكثر نادي جماهرية .. وان بيكهام وروي كين عشاقهم بالملايين
بابتيستا .. لاعب هداف .. لكن الظروف الحالية مو قاعد تخدمه ولا تخدم اي احد .. حطو خلف الباب وسط قوي .. وشوفوا شيسوي .. وشوفوا خط وسط اشبيلية وخط وسط الريال وبتعرفون ليش الباب سيء
طبعاً نجوم اللقاء المتألق دائما هلغييرا .. ضرب الكرة برأسه ورجعها للخلف .. فأستغلها المهاجم وسجل بمرمى كاسياس .. مبروووك عليك يا بيريز تجديد عقد هلغييرا الى ثلاث سنين .. يستاهل عيل اشلون بينرفع ضغطنا من غيره
شيء الوحيد الي برد جبدي .. هو النجم الصاعد هداف الدرجة الثانية .. سولدادو .. الي صنع فرص للتسجيل وازعج دفاع الخصم اكثر من روبينهو والباب ورونالدو .. ياسلام عليك يا سولدادو وريهم علمهم .. ان المال والنجوم ليسوا بكل شيء
وهناك لاعبين .. هم غير مدرديين الأن .. ولكني شخصيا اعتبرهم مدرديين
الأسطورة فيجو .. اللاعب الي انقال عنه كبر بالسن وما قام يتحمل وطلع لعيون بيكهام .. هو الأن دينمو خط وسط الأنتر .. اليوم صنع هدفين رائعيين لأدريانو .. ويلعب بلياقة بدنية تفوق لاعب شاب .. هذا فيجو يا بيريز
فتى انكلترا اوين .. سجل هاتريك .. وصنع هدف لشييرر .. ومستمر في تألقه مع نيوكاسل المحظوظ فيه .. هذا اوين يا بيريز
ومابي اطول عليكم .. واتكلم عن تالق كل من .. موريانتس .. كمبياسو .. مكاليلي .. وصامويل .. وغيرهم
عموماً الي راح راح .. قربنا على الانتقالات الشتوية .. بصراحه لاعب وسط واحد ما يكفي الريال محتاج الى اثنين على الأقل .. لكني اعرف بيريز ما يسويها
عموماً لاعب وسط ( صانع العاب ) ومهاجم يكفون في الانتقالات الشتاء .. وبالصيف يجب عمل غربلة للفريق بكامله
وياااليت بيريز يستغل فرصة ازمة بيتيس .. ويجيبلنا خوانكين .. هالرجال وده يلعب الريال اليوم قبل باجر .. وشكله يلعن كل ساعة يقعد فيها ببتيس .. خصوصاً بعد هبوط المستوى .. وبتيس بحاجة للمال لشراء لاعبين
وبحاجة ماسة .. لمهاجم صريح .. شفنا اليوم لمى نزل سولدادو شصار .. دفاع الخصم تفكك .. لأن صار يراقب اثنين وليس واحد
وبالتوفيق للملوك في مبارتهم الجايه .. والله يستر
## قفلة ##
آآآآآآآآآخ وينك يا راؤول .. وينك تشوف الي قاعد يصير .. اشتقنالك متى نشوفك تلعب من جديد
الوضع المتطور
