إقتباس الرسالة الأصلية كتبت بواسطة الهواء زعيم أوروبا المان وبس ... بعدين لاتحطون كل شيء على المدرب قسم جبتوا 50 مدرب وماافلحوا شيابكم فريقك سيء يبي ترميم من الرئيس الى المشجعيــن روبينهو مباراتين وكلها هزايم وجهه خير عليكم

[align=center]ههههههههههههههههههههه ... أجل زعيم أوروبا ...

كم بطولة السنة الماضية ...

على العموم المان ما له دخل بالكلام ...

محد راح يتكلم معك إلا إذا طلعت بطاقة أحوال(الجديدة بعد) ...

و الا جب دفتر العائلة و حط خط تحت أسمك ...

أكبر يا بابا بعدين تعال تكلم عن الكرة ...

و الا خلك على البلاي ستيشن يا زعيم أوروبا ... خخخخخخخخخخخخخخخ[/align]

هاردلك شباب

الشيء الجيد اننا قاعدين ننهزم في اول الموسم .. لا في الوسط ولا في اخره

وهذا يعطي ساكي ولوكسي الفرصة لتفادي الاخطاء

ياجماعه والله انا متعجب .. اليوم الصبح ادخل الى العالمية .. الاقي عشر مواضيع مكتوبه عن خسارة الريال

اشدعوا .. الي يسمع يقول المباراة كانت نهائي دوري الابطال مو اول مباراة في المجموعات

عموما ما علينا من الاطفال والحاقدين .. بيجي يوم ويرد عليهم الفريق الملكي ومتأكد من هالشيء

------------------------

ياشباب احنا عندنا افضل لاعبين ( بأستثناء بافون وبرافوا ) وبمستويات مختلفة

بس محتاجين مدرب يوظف هاللاعبين . ويعلمهم حسن الأنتشار

مثل ما شفنا امس ماكو تمركز .. اللاعب بعد ما يستلم الكرة ..

مايعرف وين يمررها كل اللاعبين بعيدين عن بعض .. اللعب كان مشتت

وهذا كله خطاْ من المدرب .. خسارة امس 100 بالمية من المدرب

كان فترة تحضيرية طويلة للفريق ماذا فعل فيها ؟؟

وين الانتشار الجيد وحسن التمركز والانضباط التكتيكي ؟؟

انا كنت من اول المدافعين عن لوكسي الموسم الماضي .. وقلت خلينا ننتظره هالموسم لأن عنده فترة تحضيرية طويلة ويمكن يقدر يفعل فيها شيء

ولكن ما فعل اي شيء .. المفروض المدرب الجيد امثال مورينهو ورفائيل وحتى باقي المدريبن يعلمون اللاعب ان كل خطوة بكرة او من غير كرة تكون مدروسة .. وان حركاته تلائم حركاته زملاءه

ولكن لوكسي مافعل اي شيء من هذا .. فاللاعبين مثل ما شفنا قاعدين يلعبون على البركة .. كل واحد قاعد يركض بصوب .. بالضبط مثل ما وصفهم ماردونا :sad:

اتوقع المبارتين الجايين اذا انهزم فيها الريال

سيتم حجز تذكرة ذهاب بلا عودة للبرازيل للوكسيمبوغو

------------------

اما بانسبة لدفاعنا امس ما كان في اي شيء .. كان دفاع جيد وطبيعي

الهدف الاول جاء من كرة ثابته .. وبرائيي يتحمل مسئوليته بالكامل الحارس كاسياس .. صدها بيده بطريقة خاطئة مما جعلها تردت وتدخل المرمى

وهذا ابدا مافي اي انقاص من قيمة كاسياس .. لأن مافي حارس لا يخطئى .. افضل حراس العالم مثل كان وبوفون ارتكبوا اخطاء مثل هذه واكبر

الهدف الثاني يتحمل مسئوليته كاسياس والحيطة الدفاعية .. ومثل ما نعرف كلنا حارس المرمى هو المسئول الاول عن الحيطة فهو الي يوجه الحيطة يميناً ويساراً (( بس الهدف الثاني وايد اعجبني .. صاروخ ارض جو عجييب ))

الهدف الثالث يتحمل خطئه بالكامل هلغيرا .. كان واقف امام كاسياس ومنع عنه الرؤية .. فلم يرى الكرى الا متأخر

والهدف الرابع الي الحمدالله الله سترها وما جا كان كان من خطأ واضح ارتكبه سلجادوا

ومع هذا اقول ان دفاعنا بعد وجود راموس كان افضل بكثير من السابق .. وسيتحسن اكثر بعد عودة وودغيت الي ما صرنا نسمع اخباره


ولا تنسون ان هدفين من الثلاثة عن طريق كرات ثابته

بس ياخوفي من الأحباط .. خصوصا راموس وروبينهو .. الشبان بسرعة ينحبطون خصوصا هذه اول مباريات لهم

ومدام تكلمت عن المدربين .. قاعد اسمع الكثيرين يطالبون بعودة دل بوسكي .. وانا اولهم

ولكن خلينا نفكر فيها اشوي .. معقولة بيريز يرجع دل بوسكي بعد ما اطردة .. بيريز راح يعتبرها اهانة شخصية له

وانا اتوقع من المستحيل عودة دل بوسكي .. طول ما بيريز موجود

ولكن هناك مدرب برأيي افضل من دل بوسكي .. ودرب ناشئين ريال مدريد

وكان مساعد دل بوسكي في يوم من الايام

وحقق انتصارات مع فالنسيا .. والأن قاعد يحققها مع الليفر .. ومن اول موسم له مع الليفر جلب دوري الابطال

طبعا عرفتوه (( رفائيل بنيتز )) اكثر شخص يتمنى ان يرجع الى مدريد والى تدريب الريال

الاسبوع الي طاف مجلة سوبر كان عاملة لقاء معاه .. واللقاء كان حلو وممتع

واحلى مافي اللقاء السؤال الأخير من المراسل (( أأخ على السؤال ))

كنت ذات يوم مدرباً للشباب في ريال مدريد .. هل تحب العودة الى اسبانيا لتدريب ريال مدريد أو فشلونة أو المنتخب السباني

رد رفائيل بنيتز وقال : أسرتي تعيش في مدريد , ولي اصدقاء كثيرون في ريال مدريد , لكن ليفربول الأن هو بيتي الكروي وانا مرتبط معهم بعقد لثلاث سنوات واريد اكسب البطولات

لاحظوا ان رفائيل ما تكلم عن الفشلونة .. او حتى المنتخب الأسباني .. ولكن فقط تكلم عن ريال مدريد ..

وهذا التصريح ولا شيء امام تصاريح كثيرة قرأتها سابقا يعلن فيها حبه الصريح لريال مدريد

وليش العجب اذا كان هو في الاصل ولد في مدريد وعاش فيها ودرب سابقا الناشئين في مدريد .. وهو الاعلم فيهم

وصدقوني لو بيريز مشتهي يجيبه .. يجيبه من باجر .. بس هاه لو مشتهي

ورفائيل بيقبل بالعودة الى الريال حتى لو يأخذ نصف الراتب الي ياخذه مع الليفر .. لأن هذا الرجل عاشق لريال مدريد

واكثر ما يعجبني بهذا المدرب .. اعتماده على ابناء جنسيته .. فهو يعتمد على الأسبان .. ولا يعتمد على الاجانب

وان شاء الله بيريز يكون رجال ويسويها

لأننا الحمدالله عندنا لاعبين على مستوى عالي .. واللاعبين الي على مستوى عالي محتاجين ايضا الى مدرب على مستوى عالي

وبالتوفيق للملوك الاسبوع الجاي امام اسبانيول

إقتباس الرسالة الأصلية كتبت بواسطة المسافــــر [align=center]لاعبين ريال مدريد تحطموا نفسيا وخــــــــــــــاصه روبنهو ورامـــــــــوس راموس هذي ثاني مباراة يلعبها مع الريال يخصر وربنهو يقدم كل شئ بالمباريات ويخسر ويذهب مجهوداته هباءَ وهذه الهزائم تي تؤثر على مردودهم بالمباريات الجايه على العموم انا اقول ننسى اللي فات ونفكر باللي جاي لان اللي جاي اهم ويحاول لوكسـا يعدل اخطاؤه هذا اذا حب يكمل في الريال وياليت من لوكسا وبيريز كم كلمه تهدي الللعيبه شوي وتحمسهم للقادم [/align]

[align=center]هلا أخــــــوي المسافر ... تطمن أخــوي روبينيو ورامـــوس يعرفون عدل قيمة ريال مدريد .. ولو مو واثقين فيه لما إنتقــلوا إليه .. كرة القدم هي لغة الخســارة والفـــوز .. المهم تدارك الموقف وتصحيح الأخطــاء وتأكد الريال قادم لا محــــاله .. هالسنه غير .. لا تخااف وإرقد وآمن .. تحياتي لك [/align]

:::هاردلك الهزيمه القاسيه:::
عندي نقاط ودي أتناقش فيها وياكم

***تشكيله الريال***
دخل الفريق المباراة بالتشكيله المتوقعه والمنطقيه لكن في الملعب الفريق كان تائه تكتيكيا
راموس+هلجيرا كان واضح عليهم عدم التفاهم والإرتباك...
ياترى ما السبب هل لأنهم لســه ماتأقلموا بالعب مع بعض أو علشان كانت هناك مساحات كيبره في الخطوط الخلفيه للفريق نتيجه صعــود الأظهره وعدم التغطيه من خط الوسط.


نجي لنقطه الى هي جرافيسين ليش يلعب محور متقدم وجارسيا هو المحور الدفاعي نع العلم أن إمكانيات جارسيا في تسليم وإستلام الكره تفوق إمكانيات جرافيسين!!!
ياخي مادام أن جارسيا أحسن من جرافا في التغطيه ليش لما يلعب بمحور يلعب يجرافا!!!

والفريق أمس كان يلعب بدون راس حربه صريح روبينهو كان دايما على الأطراف وراؤول يتراجع كثيير وبابتيستا ماقدر يضبط إيقاع الوسط...صحيح أنه في الليله الظلماء يفتقد البدر(رونالدو&زيدان)

رغم الخســـــارة الفريق سوى اللى عليه في الشوط الأول

[align=center]:::الســـــــــــــــــاحر جونينيو:::

آآآآآآآآآآآآآه يا جـــــوني ماذا فعلت بالريال

مكـــر...دهــــاء...ذكـــاء...في تنفيذ الفاولات

لاحظ في الهدف الأول كيف لعب الكورة

بقوة+وسط الزحمه+بعيده عن الحارس=(تضرب في المدافع وتخش قول أوتطلع كورنر) أو (يستفيد منها المهاجمين)
الله يرحم الموزه[/align]

[align=center]من يتفق معي على هذي الكلمة

رغم الخسارة القاسية و النتائج الغير مرضية

[grade="00BFFF 4169E1 0000FF"]ريال مدريد ستبقين الى الابد في قلوبنا و ستبقين الافضل الى الابد [/grade][/align]

بسمك اللهم ابدأ ..

في الحقيقة من زمان ماكتبت في الرابطة ولكن حدثت بالأمس كاااارثة وقبلها كارثة اخرى .. وضربتين في

الراس توجع

ياجماعة فاقد الشيء لا يعطيه .. ريال مدريد فيه مشكلة وماأدري وش هي ؟؟؟؟؟؟؟؟؟؟؟

بالأمس لعبوا مباراة طيبة ولكن رغم المستوى الطيب إلا انها إهااانة ليست لمدريد ولكن للدوري الاسباني كله

ياجماعه فريق ياكلها في اسبوع 6 أهداف والله قوية ..........


بالأمس المباراة تألق فيها كاسياس اللي يلعب لحاله .. ويلعب في ظروف صعبة وهي عدم تجديد عقده واللي

شاف المباراة أكييييييييد شاف تعابير وجه كاسياس وخاصة بعد ما صدّ البلنتي

وغير تألق كاسياس .. تألق كارلوس والله يلعب من قلبة مو مثل بيكام البنت اللي ماهمّه غير القصة ... :sad:

والله لو إن لي سلطة عليه لأشطبه من الريال لأنه فريق رجال وإذا بيكام يبي يلعب يروح دوري حريييييم

وأكيييييييييد ماراح ياكل معهم عيش لأنهم أرجل منه

وغير كذا خط الهجوم .......

في الحقيقة انكرف كرف بغياب زيدان تخيلوا الهجوم يرجع وسط بحثاً عن الكرة

شفتوا روبينيو يرجع عالدائرة وراؤول المنحوووس يرجع برظوا .....

وعندك سالجادو النكبة أتمنى المدرّب يركّه احتياط مباراتين ويعطي ديوغو فرصة نشوف إمكانياته

هلجيرا افضل كإحتياطي وليس أساسي

راموس ... يعني عطني اسبوعين واحكم عليك

لوكسا.. ما يتحمل ولا شيء .. وش تبونه ينزل يلعب معهم ؟؟؟وش تبونه يسوي لعب الجماعه كلهم ؟؟؟

عالعموم الريال صارت الهزائم عنده شيء طبيعي .. وصار من قدوم بيكام متعوّد على الأربعات والخمسات :sad:

- من سمع المقولة اللي قالها الشوالي أمس (( اتى سيرجيو راموس .. أو اتى راموس سيرجيو ..لم يتغير شيء))

والله قوية وطلعت من قلب مدريدي اصلي ..

- الثانية قال الشوالي ..(( بيكام كومبارس ياأخي ))

والله انه صادق بيكام كومبارس لا والكومبارس له دور ولو صغير ولكن بيكام وش دوره غير الـ.......... ;)

وفي الختام اعذروني على الإطالة ......

ولكن كانت فشّة خلق .......

هاردلك الخشارة



لكن الصراحة تقال





( فضييييييييييييييييحة )


سلام

اولا هاردلك الخساره ...
ثانيا امس ريال مدريد ماتحرك فيه الا روبينو وروبرتو كارلوس ... حتى بيكهام ماعمل اي شيء يذكر,
ثالثا العيب كله في الدفاع ... ورطني واورطك ... واللي ياكلها كاسياس اللي لو انه غير موجود ان كان انتهت المباراه 6-0 ... خلاص ريال مدريد اتهى وصار متعود على الهزائم ....

مجددا هاردلك الخساره
وتقبلو تحياتي

والله فريقنا قدم مباراة حلوه خصوصا بالشوط الاول لكن،،،
معليش عالهزيمه ومعوضين انشالله،،،
بابتيستا كم كوره ضيعتها ببطئك،،
كارلوس والله بطل،،،
بيكهام متحمس بدون فايده،،،
راؤول مب شين،،
كاسياس بطل الى الابد،،
الدفاع والمحاور ؟؟؟؟؟،،،

أولا: هاردلك الخساره

ثانيا: المباراة

المسألة مو مسألة أداء المسألة مسألة حظ

حظ ريال مدريد(مثل وجه بيريز)

أداء ريال مدريد قد وأقول(قد) يكون مقنع


وشكرا