مساء النور شباب
عندي ملاحظة شباب لاحظتها من فترة طويلة وودي اتكلم عنها
في ناس اهني بالرابطة ماعندهم شغلة غير مايكل اوين .. وكأنه قاعد على قلوبهم
عندهم حقد على كل ماهو انكليزي
وحتى لو كان هذا الانكليزي سجل 13 هدف وهو جالس على دكة الاحتياط اكثر الوقت
ياجماعه احنا اشعلينا هذا اللاعب يكون انكليزي ولا اسباني ولا انشالله اثيوبي
احنا علينا من الي يفيد الفريق
و اوين بشهادة الكل قدم مستوى ونتائج رائعة ومن اول موسم له
فليييش هالحقد عليه مدام قاعد يخدم الريال .. ونتائجه افضل من غيره
واعتقد ان الكل لاحظ في هذي الرابطة
عندما يشارك اوين وما يسجل هدف .. تأتي له الشتائم والانتقادات وانه انكليزي غبي ومايعرف يتمركز وانه يهايط ومعرفش أيش ومن هالكلام
واذا شارك وسجل هدف .. ايضا نفس الشيء يشتم وينقال عنه انكليزي غبي وانه يهايط ومايعرف يتمركز ومايعرف يسحب
يعني بالحالتين مو عاجب
يعني بفهم شغلة واحدة شالمفروض يسويه اوين علشان يعجب ؟؟؟؟؟
على الاقل ياجماعة اشوية انصاف .. معقوله كل هذه الاهداف سجلها اوين بالحظ وبالصدفه
معقوله كره كل ماهو انكليزي ما يخلينا نمدح اوين او نشكره او نعجب على اي هدف يسجله ؟؟
ارجوا من الاخوان الي يهاجمون اوين ان يعطونه فرصة لكي يثبت وجوده
ما عني اعتقد ان 13 هدف في موسم قضى اكثره على دكة الاحتياط كافي جداً لأثبات وجوده .. وانه مهاجم من الطراز الاول ..
وانه الأحق ان يكون بجانب رونالدو لما يتميزون به هم الاثنان من سرعة ومهارات
انا مو قاعد ادافع عن اوين .. لأن اوين مو محتاج الى دفاعي .. ولكن لأني ارى هذا اللاعب الممتاز قاعد ينظلم وايد بهالرابطة .. ومن غير سبب
السبب الوحيد الي سمعته انه يهايط .. واذا يعني يهايط ( مادري شمعناها )
اوكي خليه يهايط على كيفه مدام قاعد يسجل ونفوز .. هذا المهم
- - - - - - - -
وسمعت كلام وايد اهني بالرابطة عن بيع اوين
اوكي نفترض بعنا اوين
منو بيكون بالهجوم ؟؟
طبعا افضل مهاجم رونالدو
ومنو بعد
الملك راؤول غونزاليس الي للحين ماندري على سيرجع الى مستواه الحقيقي الموسم الياي ولا لا ؟؟
خصوصا وانه صارله موسمين ومستواه في هبوط .. والله يستر من الموسم الجاي
ومنو بعد
روبينهو .. الي اول مرة سيلعب في اوربا وفي دوري قوي مثل الدوري الاسباني
الله وحده يعلم بينجح روبينهو في اول موسم له مع الريال ولا لا .. خصوصا انه بعده صغير و متعود على اللعب في اوربا
سولدادو لاعب ممتاز . وهو مستقبل الهجوم .. ولكن مو معقوله بنعتمد على الشاب الصغير سولدادو مع رونالدو في الثلاث بطولات
برايي الشخصي احنا بأمس الحاجة للاعب مثل اوين .. واذا تم بيعه فعلى بيريز شراء مهاجم مكانه
واتمنى ماحد يزعل مني .. هذا مجرد رأي شخصي
ومشكووورين على تعبكم بالترجمة .. وأخص بالذكر (( عبدالله )) و (( وليد ))