نادي الهلال السعودي - شبكة الزعيم - الموقع الرسمي

اولا هاردلكم يا زعماء وخيرها بغيرها ولانصير طماعين عاد اخذنا 3 بطولات هالموسم والدوري بالطريق

ثانيا احببت ان اتحدث عن اشياء حصلت بالمباراة سواء كانت سلبية او ايجابية وابي ابدا بالسلبية

1-الهدفين يتحملهم حسن العتيبي اولا واخيرا ,,, بداية بالهدف الاول والبرود اللي كان فيه ,, يعني كان من اللازم انه ينط على الكورة ومايقعد يتفرج عليها ببرودة .. وايضا الهدف الثاني الغريب بالفعل !!! يعني مدري ليش طلب من اللعيبة عدم الوقوف كحائط صد ولو وقفوا كان صدت فيهم الكرة .. ولنفرض انه طلب كذا علشان لايغطو عليه الكورة ,, طيب الكورة صدها هو وكان يقدر يلحقها لكن ببرودة قعد يشوفها وهي تدخل ,,, ولكن رغم الهدفين ياحسن انت حارس جيد ولكن استفد من اخطائك هذه

2-النقطة السلبية الثانية كانت بالدوخي اللي مدري وش بلاه اليوم ماله نفس يلعب بالشوط الاول وفي معظم فترات الشوط الثاني

3- النقطة السلبية الثالثة وهي معروفة طبعا وكانت بالصعيدي ديسلفا وما يحتاج اكثر كلام عليه لنه معروف بدلاخته

تقريبا هذه اغلب السلبيات الواضحة اللي اثرت على النتيجة

والحين ابي اخش بالايجابيات

1-لله درك ياقلب الاسد تفاريس وماشاء الله تبارك الله لاعب فنااااااااااااااااااان بكل ماتعنيه الكلمة من معنى ,, لاعب يضحي ويقاتل من اجل الهلال ولولا الله ثم هو لكان الهلال خرج بالاربعة اليوم ويكفي انه تحمل الدفاع كله بعد خروج المفرج مصابا وغطى مكان الدوخي والخثران لانشغالهم بالهجوم ومكان احمد خليل لنه باختصار طقها والحقها

2-النقطة الايجابية الثانية كانت بكماتشو الساحر وكان مبدع بالشوط الثاني وكعباته اشتغلت تسذا s60s

3-النقطة الايجابية الرابعة كانت بالذئب سامي ,, تحركاته اليوم ولا اروع ولكن للاسف كان يبيله ذئب زيه علشان يفهمه وهذا غير موجود بوجود الصعيدي سلفا وقليل الخبرة العنبر ولو كان كماتشو مهاجم مع سامي كان افضل

واحب اقول ان الداهية باكيتا كان مظطر لوضع الشلهوب بالدكة للارهاق اللي حصله بهالاسبوعين

واحب اهني ابو سلطان على روحه الرياضية بعد المباراة حينما اتجه لمنصور البلوي وهنئه وصافحه واتجهوا بعدها للجمهور التشادي ليهنئوهم ويحيوهم ,, وبادلوهم التحية

ونقطة اخيرة : ماتلاحظون ان اهم لاعبين الهلال ينصابون قدام الاتحاد مثل : التمياط والدعيع والمفرج

ماتلاحظوا هالشي ؟؟؟

وسلامتكم واسف عالاطالة