|
اهدا لسمو الامير بندر بن ثامر بسم الله الرحمن الرحيم قال رسول الله صلى الله عليه وسلم(((مثل المؤمنون في توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى))) هذا هو مبدأ الشعب الكريم في هذه الارض الطاهره فنحن شعب متكاتف متحاب متعاون وهذه الصفات جسدها الامير الغالي بندر بن ثامر عندما قام بعمل انساني رائع ربما لم يسبقه عليه احد عبر الانتر نت بل اجزم انه لم يُسبق لان عبر الانترنت تكون المصداقيه ضعيفه في كثير من الامور قال المثل : كلن يرى الناس بعين طبعه وكان من طباع سمو الامير الصدق لذلك صدقني فوقف معي موقف جميل لن انساه ماحييت ولن اوفيه حقه مهما قلت ومهما فعلت هذا الموقف يدل على تكاتف وتعاون ابنا الزعيم وهو صوره مصغره تعكس مدى التلاحم بين شعب هذا البلد وقيادته ابتدأ من قمة الهرم من القائد العضيم خادم الحرمين الشريفين مرورا بفئات الشعب وصولاً الى ابني الصغير عيسى ومن هم في سنه . نمثل نحن اعضاء شبكه الزعيم بتعاونا وتحابنا وتكاتفنا صوره مصغره تبدا من ريئس الشبكه الامير بندربن ثامر مرورا باعضاء الادار والمشرفين مرورا بالاخوه الاعضاء وصولا الى اخوكم الصقر وهي بتأكيد صوره مشرفه لهذا البلد الغالي علينا جميعاً. ادام الله خير بلدنا وامنها وادام المحبه بيننا اسال الله ان يجعلنا قدوه حسنه لشعوب العالم اجمعين قولو آمين (آمين آمين آمين) اهدي هذه الابيات لسمو الامير بندر بن ثامر كجزء من رد الجميل واتمنا ان تنال اعجابه للاستماع لقصـــــــــــــــــيده فنجال راع الجميله بصوت الاخ احمد اخذتلـي في ساحة الفكر مشـــوار *** وعودت أثر باقي المسافه طويــلـه ومن هاجسي سرن بنيات الافكــــار *** في ليــلةٍ قمــرا ولا كـــل ليلـه وصيتهن في غزو عذبات الاثمــــار *** وغزن وجنـــي حملهن من جزيلــــه ومنهن حضر فكري وشبيتــــله نار *** وسط الوجار الحرف أحطه وأشيـــله وسويتلـي دله بـها بن وبهــــار *** فنجــالها عــنوان راع الجــميـله لك يابن ثامر ياولدنسل الاحـرار *** الي تعــلوا فــوق راس الطويلــه بندر اليـامنه علــيك الزمن دار *** انشـــهد انه عِزمن يشــتـكيـــله انشهدانـــه آخذ الطــيب له كار *** بالطِـيب له مســكن مساه ومقيــله غيرت انااسم الطِيب من بعدماصـار *** الطــيب بندر والكرم ينـحني لــه برق الحياوأن لاح طاحت به امـطار *** كل البدوا والحـضرقـامت تخيـــله وعقبه تزين الارض وتفــوح الازهار *** عطر الخـــزاما والــنفل وش مثيـله يامير وصفك عجز الفكر واحـــتار *** عجزت مشاعر خــــاطري لاتشـــــيله مهما كتبت من المثايل والاشــعار *** تبقـى بـيوت القاف فيــكم بخــيله آل السعود الي رقو مجد الاحــرار *** ومن يـنكر التــاريخ يلقى حصيــله حكامنا منا لهــــم كل مـــقدار *** ال السـعود ونعم ذيك القبــــــيله الي بشــــرع الله بنو ساس لـلدار *** امن وامـان وعدل مافيه ميــــــله أشعاره السيفــين والنخله شعـار *** صوره على قلوب الاعادي ثقيــــــله سيفٍ العدل والسيف الاخر لمن جـار *** والنـخله شعــار المعـان الاصيـله نفخر بموطنا على كل الاقطـــــار *** مهبط وحي فيه العلا والفضــــــيله وصلاة ربي عــد من للحــــرم زار *** على النبــي المصـــطفى كـــل ليله وسلامتكم اشكر الاخوان سلمان واحمد والاسطوره الذين ساعدوني على التغلب على العطل الذي اصاب المعرف السابق شكر خاص للاخ احمدحميد الذي اللقى القصيده بصوته شكرا لكم واسف على الاطاله |
السلام عليكم ورحمة الله وبركاته ... أخيراً بعد عناء إشتركت بالانترنت من أمريكا ... والله مشتاق لكم ياغالين ... ونترك أول رد للغالي الصقر وعودته الغالية ... ويستاهل أمير كل الهلاليين الأمير بندر كل خير ... ولك تحياتي ... أخوك / سفر المرزوقي . |
حياك الله أخويالغالي الصقر وصح لسانك على ماقلت كفيت وفيت ومن النار انشاءالله نجيت |
يستاهل الامير الغالي بندر بن ثامر ولله درك يالصقر الامير بندر له كل الشكر والعرفان بعد الله لما يبذله الامير في تذليل كل الصعوبات التي تواجه الاعضاء او المشرفين |
هلا بالصقر والله كسبنا شاعر والله يحييك بين اخوانك والامير /بندر بن ثامر يستاهل منك الابيات الرائعه والله انك كفيت ووفيت وحياك الله بين أخوانك أخوك/ جنتل مان:p ;) |
هلا فيك يااخي الصقر ......... ويستاهل اميرنا الغالي الحبيب ........ |
ردود ردود ردود الاخ العزيز ســ9ــامــ9ــي شكرا لك وحمدلله على وصولك لامريكا بالسلامه وعلى تمكنك مشاركتنا من هناك انشاء الله ترجع لنا بالسلامه احنا بعد مشتاقين لك -------------------------------------------- الاخ العزيز ابو سليمان شكرا لك وصح بدنك --------------------------------------------- الاخ العزيز زعيم الابداع شكرا لك وبالفعل سمو الامير مانقدر نوفيه حقه -------------------------------------------- الاخ العزيز جنتل مان شكرا لك على الاطرا والفضل لسمو الامير الي خلاني اصير شاعر ولو لمره --------------------------------------------- الاخت العزيزه عبير الهلال شكرا على االترحيب والمشاركه |
ياهلا والله بك ياأخ الصقر وما شاء الله عليك بدايه قويه وان شاء الله نشوف منك أكثر ويستاهل سمو الأمير بندر بن ثامر اكثر من كذا |
صح لسانك اخوي الـصقر كفيت و وفيت ومهما قلنا عنك يا امير الهلالين لن نوفيك حقك |
هلا وغلا اخوي الصقر... صح لسانك يالغالي.. ويستاهل المير بندر.. مبروك على المعرف الجديد... بس يا ليت انك تحط في توقعيك مثلا الصقر سابقا.. عشان ما يلتبس على الاخوان... تقبل خالص تحياتي.. وشكرا |
صح السانك انت صقر اسم على مسمى الامير بندر وسام فوق رؤسنا نحن الهلاليون ودمتم لنا عز وفخر |
اخوي الصقر .. اولاً المنتدى يتشرف برجوعك بموضوع شكر للامير الغالي على قلوبنا كلنا .. وهذا واجب على كل الاعضاء .. وصح لسانك على هالقصيده الرائعه .. ومشكور على هالتعب .. والله يعطيك العافية .. |
هذا أنتوا يالهلاليين الله يعطيكم العافيه وهذي عوايدكم وأهم شيء يا أخوي (صقر) إنك رجعت لنا بعد فترة انقطاع إجباريه وإن شاء الله ما عاد تتغيب علينا.. وإجازة سعيدة للكل |
صح لسانك أخوي الصقر على هالكلمات ويستهل الأمير بندر منك هذا الكلام الرائع . وأتمنى لك التوفيق للأفضل دايماً إن شاء الله . . . تحياتي ,,, |
ردود ردود ردود الاخ العزيز الموج 2001 شكرا على الترحيب وياهلا فيك ------------------------------------------- الاخ العزيز صدى الامس صح بدنك شكرا لك ------------------------------------------- الاخ العزيز الاعجويه صح بدنك ومشكور يالغالي على اهتمامك وانشاء الله يعود المعرف القديم -------------------------------------------- الاخ العزيز ابو عبير 2001 صح بدنك وشكرا لك ---------------------------------------------- اختي الغاليه هلاليه سدير صح بدنكي وشهادتك اعتز فيها شكرا لكي ----------------------------------------------- الاخ العزيز عمر العمري شكرالك على اهتمامك والله لا يجيب الغياب ----------------------------------------------- الاخ العزيز حساس صح بدنك شكرا لك ----------------------------------------------- |
| الوقت المعتمد في المنتدى بتوقيت جرينتش +3.
الوقت الان » 02:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd