|
كبرت في عيني زود يابو سلطان.. وفداك النقطتين ياهلال باكيتاا [align=center]الهلالي ابو سارة يعود لكم من جديد .. هارد لكم التعادل .. والصدارة ملحوقه بأذن الله .. أهم شيء اراحة الفريق .. وتهيئته للجاي والجاي أصعب وأهم .. أمس أنطلقت متأخر للملعب ومعي أربعة من الشباب .. وصلنا بعد العشاء .. وكالعاده الملعب (( فل )) والمسؤؤلين عن المدرجات مالهم كلام غير: التذاكر خلصت .. ليه تأخرتوا؟! آسفين ما فيه أماكن !! كان اللي يبون يدخلون ومتأخرين مثلنا.. في ازدياد .. وكان المدرج الأصفر .. برتقالي وأماكن شاغره كثيييير .. بدأ الكلام يشد بين الجمهور ورجال الأمن .. والأصوات صارت عاليه .. والحكام على أعتاب دخول الملعب وبداية المباراة !! شوي.. الا ويقبل علينا رجال .. عقال ولطمه .. وشيك !! :D قال خويي .. مو هذا الرئيس ! بيني وبينكم توقعته يروح البوابه ..او يروح يكلم الرابطه ويطالبهم بالتشجيع !! قال خويي : ابو سلطان .. ناصيناا .. !! جاء لمكان الهوشه بيننا وبين مسؤؤلي المدرجات .. التفت عليه و طاحت عيني بعينه .. عرفني لأني ( دابل كبودهم ) في التمرينات :D بنفس الوقت قال واحد من العيال : مشينا بس عشان نلحقها في الاستراحه .. دخول أنسىىى يابو سارة .. راسهم يابس .. :D أشر لنا ابو سلطان كأنه يقول انتظروا .. ثم راح يخاطبهم ويتهاوش معهم كأنه واحد من الحضور المتأخرين .. وصرخ فيهم : حرام عليكم خلوا عندكم احترام يرجعون كل هذولي والمدرج حق النصر فاضي .. أحرجهم صراحه .. راحوا ( مصرفين ) جمهور النصر .. و ( رصوهم ) حبتين .. لين لصقوا في نهاية مدرجهم :D وصار فيه مساحة شبه كافية للحضور .. وفي غمضة عين أمتلت هالمساحه .. فيه ناس تابعوا المباراة واقفين تحت المنصه .. واللي مالقى مكان وتابعها وااقف بين الصفوف .. واللي رجع .. واللي عند المواقف ويتابع بالجوال .. والشرهة على اللي حط هالمباراة في الملز !! طبعاً انا والربع جلسنا في مكان التراشق اللي صار بين الشوطين .. يعني توقع قارورة موية .. ( نعلة أعزكم الله ) .. بكت ( ماريت ) يجيك ماشي مليون :D بس كله للأزرق يهون .. ........ فداكم النقطتين ياهلال .. فداكم النقطتين ياادارة ومدرب وجمهور .. حنا معكم والوعد قداام .. وأبشروا يوم الاثنين بأعظم من هالحضورر خصوصاً أنها مشفرة .. اثبتت مباراة الأمس أن الجمهور الهلال هو الأول .. وأثبتت أن الجمهور الهلالي ليس جمهور سامي فقط !! مع أننا نموووت في هـ السامي.. يعني كل الحضور كانوا عارفين ان سامي مو مشارك وان الكثير من الأساسيين غايبين.. ومع ذلك الحضور يفوق الخمسه وعشرين ألف هلالي .. رجع مثلهم مالقوا أماكن .. * يوم الاثنين ااذاا ما نقلت المباراة للاستاد .. فـ هذه كارثة والخوف من انهيار مدرج الملز!! * خالد عزيز .. كان عادي.. ثم صار نكبه .. ثم تحول لـ نجم .. ثم سوبر ستار .. يابطل s60s * الدوخي .. ( فالها ) مع الجمهور .. والجمهور ( فالها ) معه .. والضحية الثقفي والدوسري!! * أحلى مافي المباراة .. توزيع الجهد .. مرة الدوخي شغال .. شوي ويشتغل الشلهوب.. يتحرك كماتشو فترة .. وفترة يبدع الصويلح.. لكن الحق حق .. عزيز 24 ساعة أبداع ومجهوود :D * سلفا .. لا جديد .. * ابو سلطان انت وجه السعد وشعبيتك في المدرج لا تصدق .. الشايب يحبك والصغير .. * كادت الأمور تفلت ونرجع لأيام قبل عشر سنين .. حدثت بعض الاشتباكات.. الدوريات في كل مكان .. رحت الريان ثم السويدي بعد المباراة .. الدوريات بكثافه والأعلام الزرقاء منتشره .. والسبب جمهورنا .. رج الديره رج !! s60s * اخوي ابو ريان: يقول عبد الحليم.. لو اعرف ان البحر عميق ما ابحرت وانا اقول لو اعرف ان ابداعك سـ يتوقف لما تابعتك .. حرام تروح وتتركننا بعد ما تعلقنا .. أهم شيء التمرين لازم اشوفك هناك يومي .. وسلمني على خويك ابو علي .. والله ما قصر الداهية الرسمي s60s [/align] |
هاردلك التعادل اخوي بس بحق تجي السويدي ولاتقلط عندنا :nono: |
فداء والله فداء |
يسلم بواك يا ابو سارة على الابداع في الكلام s60s وان شاء الله يوم الاثنين راح يكون الجمهور حاضر في الملعب s60s |
إقتباس:
|
كلامك عسل مثلك يابو سااااااااااااارة والجمهور الهلالي s60s والله خسارة التعاااادل مع هالاشكال بس مانقول إلا حظوظ :sad: الوعد يوم الاثنين s13s |
[align=center][glint][glow=FFFFFF]... :rolleyes: هذه المساحة محجوزة للـــــــــرد :rolleyes: ...[/glow][/glint][/align] |
[align=center]الله يعطيك العافية يابو سويرة :) -التعادل بسلامته ,,,,,,, الصدارة ماهي منحاشه ,,,, اهم شي مباراة الاثنين ولا اعتقد انها بتكون بالاستاد ,,,,, لكن عسى مايقسمون المدرجات :nono: - الكل ابعد البارح من جمهور ولاعبين وياليتك يالحظ وخرت وخليت النصر ضحية الامس - شكرا لابو سلطان ,,,,وو اجزم ان حضور الامس كله عشانك ولسواد عيونك ولا يهون اللاعبين - وين راعين الاستفتاء الجماهيري الفاضح وينهم عن جمهور الهلال امس ,,,, تدرون عاد اصبروا وبتشوفون مباراة الاثنين والنهائي - اتوقع اليوم وجه الخوجلي مورم من اللي جاه امس اخخخخخخخ من الحظ بس - منظر الملعب امس يذكرنا بايام اول ,,,,,, ايام ماكن يمتلي ملعب الملز الله يديمها من ايام s60s - اسبوعين وياذن الله تاهل لنهائي وفوز ببطولة تحياتي [/align] |
[align=center]تسلم على الموضوع حبيب قلبي ابو سارة: والامور الفنية تكلمت من خلال موضوعي: http://vb.alhilal.com/showthread.php?t=204257 سأبدأ من حيث انتهيت وهلالي وان جار الزمن ناوي ينحاش لكن عندكم فواز خله يمسكه ويرجعه للشبكة بالغصب الدعوة مو لعبة يروح بلا احم ولا دستور. وتراني حاط له كمين وخطة علشان مايورينا عرض اكتافه ولكن لايدري ساعدني :helpsmili: اول شئ اجلسوا كالعادة في آخر المدرج :gathering او اعزموه على مطعم:essen: :pepsi: واذا مااقتنع خذوا الكرسي وعلى راسه:chair: واذا مافي كرسي فخذ معك عصا والا..... ومااوصيك:bash: بعد كذا شيلوه ورجعوه للشبكة:stretcher واذا تبغون مساندة فتراني مستعد :rifle: بس عطوني اشارة:toot: واذا مصوي ذكي ومو حاظر التمرين فنسحبه من الشاشة :lamo: ترانا ناويين عليك ياهلالي وبقوة وتراني معصب زود :ranting: ومسألة تشوف المباريات من التلفزيون:tvhappy: ولانشوفك انسى عطنا الاشارة ياقائد كتيبة الاستراحة ابو سارة وابشر بالي يسرك واذا تبغى كلاب بلوسيةs15s فأبشر حتى ولو حاول الهروب من البحر فلدينا قارب :boat:[/align] |
أبو شمس .. نقسم اراضي حنااا ؟!! :d ولد وايل: أزيد على كلامك .. كان النصراويين يقولون جمهوركم عشان يحضر يبي له ابو يعقوب .. وحضر بدون ابو يعقوب .. قالوا تالي.. جمهوركم جمهور سامي .. ايه نمووووت في دباااديب سامي .. بس امس ماكان موجود .. تحياتي لك يابعدهم |
إقتباس:
سوووري من قلب .. وانا اكتب الرد على ولد وايل خشت مشاركتك :D لي عوده لها انتظرني بلييز .. وسوري |
هلا والله باابو سيور والله مشتاقلك امس قاعد لين الساعة 4 الفجر وانا انتظر مقالك والله انك صادق كل يوم يكبر بعيوننا ابو سلطان وهو كبير بعيوننا اصلا من زمان ;) وان شاء الله نعوض هذا التعادل الاشبه بالخسارة يوم الاثنين قدام تشاد خصوصا مع رجوع اللاعبين اللي يشكلون ثقل مثل سامي وتفاريس والغامدي الخثران s60s ومشكور على المقال الرائع ودمتم سالمين :) |
ياهلا والله بابو ساره s60s s60s هاردلك التعادل :wallbash: :wallbash: ويا حظك شفت ابو سلطان :wallbash: واحد حاقد :D :D |
[align=center]الاخ العزيز [glow=FFFFFF]الهلالي _ أبو ســارة[/glow] ... ماراح أتكلم عن الأمور الفنية والتكتيكيه لاني أنا أقل الناس معرفه بها الشئ ... ولكن من شاهد مباراة الأمس فعلا يتضح له أن عندنا فريق ماشاء الله تبارك الرحمن ... ماأتوقع أنه بيترك بطولة هالسنه إلا وكوش عليها ... أنا بصراحة ودي أعرف وش هالوصفة السحرية اللي سواها ابو سلطان حتى جعل النادي بهذا الشكل ... ياجماعة الخير وربي فريقنا مرعب مرعب مرعب ... أكثر حتى مما كان عليه أيام يوردانيسكو ... مثل ماتفضلت يابو ســأرة سابقا الهلال يطبق كرة أوربية حديثة ... بالنسبة لكماتشو .. صدقني مو مهم تكون نظرتي فيه أصابت أو نظرتك أخطات .. المهم انه يفيد الهلال .. والا انا وش علي منه لانيب سمسار عليه .. ولاهوب تحت كفالتي ... بالنسبة لمباراة الاثنين الجاي بصراحة يابو ســأرة أقل مايقال عنها أنها شرسة ... لان الاتحاد وكماشاهدته على الطبيعه في جده فريق صعب جدا جدا ... وفرق بين كلمة صعب وكلمة خطير .. انا ماقول انه ممكن يهزم الهلال .. لا يخسون ... ولكن راح يتعب الهلال لان دفاعه قوي جدا ... وعندهم لاعب تراه مصيبه اللي هو ابو شعر هيريرا .. صحيح أن تفاريس الغى خطورته في المباراة السابقة .. لكن ركز فيه أثناء ماتكون الكورة معه وشف طريقة تحركه ... عموما المباراة راح تكون بملعب الملز .. لان احد الاخوان الاعضاء في لجنه الاعلامية نسيت اسمه والله .. يقول ان ستاد الملك فهد تجرى فيه بعض الاصلاحات استعدادا للنهائي ... تحياتي لك [glow=FFFFFF]يابو ســارة[/glow] ...[/align] |
تسلم يا ابو سارة |
يعطيك العافيه دائماً مبدع ويستاهل أبو سلطان حب الجماهير |
[align=center]هلا وغلا بصديقي العزيز ( تغيب الشمس بحلم يومي ) . عزيزي .. كنا العام الماضي نتباكى على انهيار فريقنا .. وهذي السنه أصبح عندنا ولله الحمد فريق مرعب منظم تكتيكياً .. ودكة بدلاء جيده .. أعتقد أن السبب يعود بعد الله للأدارة ككل .. والمدرب الداهيه اللي زرع في اللاعبين الروح .. وهنا لي ملاحضه لا بد من أيضاحها لك عزيز : كنت من المعجبين جداً بـ يوردانسكو .. تمنيته دوماً منذ رحيله .. وأتذكره بعد كل اخفاق يحل بنا .. حتى أتى الداهية باكيتا .. والله لا مقارنة بمدرب أتى لفريق يضم يوسف وسرجيو والتيماوي وابو اثنين وصنع انجازات .. ومدرب أتى الى عزيز وسامي والدوخي (فريق منهار نفسياً وبدنياً) وحوله 360 درجه.. توافقني ؟!! ......... بالنسبه لـ كماتشو فلن أستطرد لأنك اصبحت تعرف رأيي فيه .. ويقال: كثر ترديد المدح مجاملة .. __________ يوم الاثنين .. سـ يكون شرس نعم لكن بحول الله سننتصر .. يعجبني فيك .. أنك تعطي الخصم حقه .. ولكن مع التذكير أنه لا يقارن بالهلال. برافو عليك s60s __________ بالنسبه لـ هريرا .. أقسم بالله استغرب حربهم عليه .. وجعله يا رب ( يطس ) .. لأنه بصراحه يخوف .. قوة بدنيه .. كنترول كمتشاوي :D .. تحضين .. قوة تسديد .. ورأ يعرف المرمى .. قلت عقب ذيك المباراة : أول مرة يتعب تفاريس .. وأصعب مهاجم واجهه العملاق تفاريس .. وبرغم هذا تفوق s60s _______ تحياتي لك وأنتظر مباركتي لك يوم الاثنين .. ___________________________________________ اخوي المحب لزعيم آسيا : وين جبت هالوجيه والرموز منه ههههههههه ( أول مرة اشوفها ) . :D ههههههههههه حلو المخطط .. بس نقول الله يعدي ضروفه على خير .. تحياتي لك وأعترف لك أنك محلل رياضي خطير . __________ تحياتي لكم جميعاً[/align] |
مشكور وكلامك والله مثل العسل |
إقتباس:
بحق والله :( .. انا جالس ادور على السويدي كلها ادور واحد اسمه الهلالي ابو ساره :D .. يوم الأثنين بيفوز الهلال على الإتهاد .. وبأنتظرك عند مدخل السويدي .. عند ممر الترمذي :D .. |
يسلم بواك يا ابو سارة على الابداع في الكلام وان شاء الله يوم الاثنين راح يكون الجمهور حاضر في الملعب |
تسلم يا ابو ساره .. وهاردلك على التعادل الغير عادل .. ونعوضها الإثنين إنشالله قدام التشاديه .. وإنشالله ينقلوها لملعب الملك .. |
تسلم على الموضوع العجوبي :d وان شاء الله المباراة الجاية يفرحكم هلالنا بانتصار على الاتحاد يااااااااااااااا رب |
إقتباس:
[glow=3300CC][align=center]احلى رد مجيد.. :D [/align][/glow] |
هلا وغلا بالغالي ابوسارة ياخوووووووي الى الحين ترى فيني حرررة التعادل بس والله عساها فدوة للهلال وجماهيرية مااقول الى الجاي اصعب وعليكم ياشباب بالحضور ..... تكفون ياشباب الله يرحم والديكم .... قلت تكفون احضروا للمباريات الهلال ... وعلى الفريق الباقي والجمهور اللاعب رقم واحد ... ومايحتاج اعتقد وفيت وكفيت ... عليكم بالحضور بس |
إقتباس:
تحياتي للجميع |
إقتباس:
[align=center] s60s [/align] |
الأخ العزيز ابو ساره ,,, تسلم على هالموضوع الحلو ,,,,,, انا حضرت المباراة على الواقف تقل في عرس لكن كله يهون لعيون الأزرق,,,,,,,, بالنسبه لابو عزيز فرحتي فيه فرحتين وكان عندي ثقه ((بضم الثاء)) انه بيتألق عاجلا ام اجلا باذن الله لسبب بسيط انه يركض عن 3 لاعبين من دون مبالغه ,,,, ولاعزاء لشلة المطامرين :d ابو ساره الوعد يوم الاثنين ان شاء الله |
مبدع كالعاده يابو ساره بس الله لايهينكم هاتو هلالي وان جار الزمن غصب من عليه :d تحياتي للجميع |
الهلالي ابو ساره شاكر لك نقل لك للأحداث التي صاحبت مباراة الهلال وفعلا كل يوم يكبر حبنا لأبوسلطان s13s والحمد لله على سلامتك وسلامة الجماهير الهلاليه والقادم أفضل بأذن الله s13s |
:rolleyes: هلا هلا بالغــالي ابــو ســـاره :rolleyes: [glow=FFFFFF]مباراة والله قــهر راحــت عليـــنا والنصــر ان جينــا للصــدق ابــدع وما توقعناه كــذا[/glow] :rolleyes: وصويــلح والله ما كان يفتــح صح للاعبيــن :rolleyes: [grade="00008B FF6347 008000 4B0082"]ان شاء الله ينتبــه لذي النقطــه زين والله ها الاميــر مافي مثلــه الله لا يحرمنــا منـــه وبسالك الحن تمارين الهــلال متى تبدى من ساعه كم الي كم ودخــول بكــم[/grade] [glow=FFFFFF]تحيــاتي لك يا مبـــدع[/glow] |
أبـوســارة ... أجل راحوا ( مصرفين ) جمهور النصر .. و ( رصوهم ) حبتين.....!! دبـل كيـك يقول : أجل حبــة سلف وحبـــة ديـــن ...!! الله يرجك ابوســارة ... وبعديـن لاتنسى ان جمهور الفقر صاروا يتبعون سياسة جديــدة ... السياسة ذي اول من نقط بنودها شنكل ومبزرتــه ... وهي ان الجمهور سبب للهزيــمة ... شر البلية ممدوح ... الا ابوسـارة انت تقول تلبس كـاب وشعر طويـل ... اقول ابوسارة ممكن نتعرف .... (صورة رجال يضحك) <<== معليش الصور ماهي بطالعة عندي ... ابشرك ابشتري حصادة جديــدة وادهر بالصور ..... (صورة رجال يقول اوكيه) |
وبالفعل ابوســارة ... نعتذر عن هذا الخلل.. نسيت ماسحب الهنــدل .... واقولك .. ابوسلطــان بالفعل كبيــر ... والله يخليه لنــا ... |
الهلالي ابو ساره الحقيقه انك من الجماهير الهلاليه المخلصه والحمدالله انك شفت المباراه |
[align=center]عزيزي هلالي موت : التمرين _ عادةً_ يبدأ من بعد صلاة المغرب وينتهي حدود الساعه تسع .. طبعاً الدخول بـ خمسة ريال اذا مااعندك عضوية في النادي .. ______________ حيا الله اخوي هلالي كندا .. أول شيء الحمدلله على سلامة الاسفار وتو ما أنور الرياض s60s وبالنسبة لـ عزيز .. فـ هو لاعب ممتاز .. ولأنه يلعب بروح وحماس سموه مطامر.. الظاهر يبونه يتمشى ويسحب رجلينه في الملعب .. بس على فكرة مستوى البرقان مضيق صدري .. تحياتي لك _______________ هلا بالمدبول.. الله يعينك على هالحصادة اللي مكانها في الجنادرية متحف تكنولوجيا زمان .. :D :D :D :D شفت هذي الوجيه الأربع اللي كأن سنونهم الجدار العازل .. تذكرني بـ سنونك اللي كنها حبوب ضومنة :D ( شايف تعليقك هناك ) على فكرة هذي الوجيه بس عشان أعلمك أني شريت جهاز جديد ... لا ب توب .. تحس تهورت :D ثانكس وعضم الله أجرك .. ____________ والشكر موصول لكل من مر أو علق أو شاهد .. أخوكم الهلالي ابو سارة[/align] |
| الوقت المعتمد في المنتدى بتوقيت جرينتش +3.
الوقت الان » 09:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd