يوردانيسكو يتفوق على باكيتا
 

[align=center]بسم الله الرحمن الرحيم[/align]

تحية كبيرة من الأسمر لجميع عشاق الأزرق،، والف مبروك على هالفوز الغالي ،، وإن شاء الله البطولة هلالية،، وبصراحة يوردانسكو تفوق على باكيتا في وضع مهاجم اساسي في مباراة امس،، وهذا المهاجم هو من حسم المباراة،، والمهاجم هذا هو صالح الصقري ،، شكراً يا صالح على هالهدف الحلو الحاسم ،،
واحب اشكر الجمهور الي حضر المباراة معاي والحمد لله اثبتنا وجودنا كجمهور وسوينا الي علينا ،، والاعبين سووا الي عليهم والحمد لله قبل كل شيء ،،
في نقطة احب انوه عليها ! وهي ان الهدف الي احرزناه الجمهور الي معاي كانوا يحسبون الصويلح الي جابه ،، لكن في الأصل هو مهاجمنا الجديد صالح الصقري ،،
على فكرة!! صالح امس ذكرني بسامي ،، تذكرون مباراة الهلال والشباب الي سجل الجابر هدف التعادل في الدقيقة الأخيرة ،، تذكرون وش سوى وقتها،، راح انسدح عالارض يبكي،، امس نفس الشي سواه الصقري سجل الهدف في الوقت القاتل وانسدح وبكى ،،
لكن لو تبون الصدق ما هان علي الصقري لما شفته يبكي ،، لأنه محترم جداً ،، الله يعينه من جمهوره الغجر الي فشلوا فريقهم امام الحكام الأجانب ،، اعتقد والله اعلم ان الجمهور الاتحادي لو يلقون الصقري ما راح يرحمونه ولا بيقولون هذا بشر مو معصوم عن الخطأ ،، ولا بيقولون قدر ومكتوب ،، والحمد لله على كل حال.