نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   شكوى لوزارة الداخلـيـــة بخصوص معاملة رجال أمن الملاعب، اكتب ما حصل لك بأمانة وصدق (http://vb.alhilal.com/showthread.php?t=202471)

Blue longing 28/04/2005 04:09 AM

يالغالي مهما قلنا ومهما سوينا ماراح ينفع معاهم ..
بو طبيع ما يجوز عن طبعه ...

انا صرت لي مواقف كثيره معه وبذكر لك في مباراة الهلال والاسماعيلي في ملعب الملز ... منعوني من دخول الشال ... :nono: طبعا انا رفضت ادخل عناد فيهم :nono: اخر شي اضطريت اني اربطه داخل جسمي وادخل فيه مع انه شال يعني قيمته ما تسوى بس مثل ما يستقعدون نستقعد لهم ...


الموقف الثاني .. في مباراة الهلال والاتحاد اخر مباراة بستاد الملك فهد ...

طبعا الشوط الاول ما قصرت وصوتي راح فيها واحتجت ماء رحت بطلع قلت للعسكري وبكل احترام بالحرف الواحد قلت له .. يالغالي ممكن تفتح الباب بجيب مويه وبرجع .. قال لي ترا ان طلعت ماراح ارجعك :confused: ليش يابو الكافتيريا قريبه ... طبعا اضطريت انادي صاحب الكافتيريا يجيب لي مويه .. وانا احتريه جاني عسكري ومسكني من ورا من عند كتفي يبغى يطلعني :wallbash: خير يابو السلاتيح ...؟؟؟
والمشكله شايفني وانا اشجع واصارخ يعني معرووف مكاني .. يقول لي لا انت جاي من فوق يابو اخوياي تحت .. يمين ويسار تكلم الضب الناطق قال خله هو جاي من تحت ..

وبنفس المباراة .. طبعا انا لما بحرك الجمهور ما اقدر احركهم وانا جالس لازم اوقف لا وعلى الكرسي ... جاني سلتوح من السلاحيت وقال لي اجلس نعبو بليسك الرابطه كلها واقفه وش معنا انا ....؟
جلست بس ما طاوعني قلبي ووقفت مره ثانيه وهو يقول اجلس وانا مطنـش (( طنش تعش تنتعش )) ..

للاسف نجيهم بحترام ما ينفع نجيهم بالعانه هم ماتنفع .... ما اقول الا الله يسامحهم .. وإذا حنا اخطينا بحقهم الله يسامحنا ...

واعتقد صارت عقدة الاتحاد والعساكر .. الهلال وجمهورهـ s60s


ياخي تعودنا ... خلها على ربك فيه اللي اقوى منهم

DodgeBall 28/04/2005 04:12 AM

http://vb.alhilal.com/showthread.php?t=202276

تابع قضية البرمودا هنا :wallbash: :wallbash: :wallbash:

ابولميااااء 28/04/2005 05:21 AM

هالدبش ما يهجدهم الا رتب تكون متفهمه وتصدر اوامر بمعاملة المواطنين بالشكل الصحيح (المواطنين) وياليت ينتبهون لهالكلمه زين .

فهد_المشيطي 28/04/2005 07:06 AM

للرفع

ألازرق مجنني 28/04/2005 09:52 AM

ياعيال وانا صادفتني نفس المشكله

طبعا اخذت تذكره من الي يبيعونها برا الملعب(سوق السودا)
وانا داخل الملعب جالس يفتشني العسكري ويقول طلع الي معك

حشى راكب طياراه
المهم فتش ولا لقى شي قالي طلع الي معك ولا ماراح تدخل
المهم كان في شوي زحمه وخلاني واقف انتظره
وقالي مره ثانيه ماراح تدخل
جيت قلتله تسولف انت جاي من الشرقيه وتقولي لا تدخل
واقوووووله وين الضابط المسؤول
بعدين قام يتشاور مع خويه ودخلني بدون نفس كأني داخل بيتهم

من جد كنت بموت من القهر
والله قهرررررررررررر

يعني مو حرااام جاي وضاربلي 400كيلو
وفي النهايه يجي واحد حيوان مثل هذا يقولي لا تدخل


بوسلطان من اليوم لا تطالبنا بالحضور الين تشوف حل للحيونات ذولا


سامحوني على ذي الالفاظ بس لا تلوموني والله من القهرررررررررررر

هلالي وارسنالي 28/04/2005 10:10 AM

من جد شي يقهر

الابداع كله سامي 28/04/2005 03:28 PM

إقتباس:

الرسالة الأصلية كتبت بواسطة نشمي
كلامكم صحيح يا الربع وازيدك من الشعر بيت معظم الجماهير في المدرجات الا اتحاديه دخلت بدون تذاكر واكتشفت ذالك مصادفه حيث نسيت اغراض مهمه بسيارتي واعدت لا احضارها وبعد رجوعي لم استطع ادخول من عند بوابه مدرجات الهلال فذهبت لجهه الا اتحاديين وانا احاول اضبط اسلوبي واذا العسكري يتركني اذهب دون اي تفتيش وعند مسئول التذاكر ايضا قالي تفضل حتى انا فضحت نفسي وقلتله تراني قاص تذكر بس رميته وطلعت اجيب اغراض من سيارتي قالي يا رجال ادخل اذا منعناك تكلم :d

يلعن ام الغبنــه يانااااااااس الجماهير التشاديه تعامل احسن معامله وجماهير الهلال السعودي تهااان وتذل والله حرااام :wallbash: :wallbash:

حسبي الله ونعم الوووكيل

هذا الشيء لايمكن السكوت عليه :ranting: :ranting:

عاشق الزعيم من اليمن 28/04/2005 03:43 PM

للرفع

وبتجيكم أخبارهم .

كاكاو 28/04/2005 04:39 PM

يا ناس خلوها على الله

الزعيم سامي 28/04/2005 05:10 PM

ياشباب على طاري الامن ؛؛؛؛
انا لما جيت الملعب بصراحة ماحصلت اي من الكلام اللي تقولونه والله دخلت انا واخوياي الملعب وحصلنا تفتيشين وبصراحة التفتيش كان عادي ولقيت جنود اخلاقهم زي العسل والبسمة ماتفارق وجيههم وكان حتى يقولولننا بالتوفيق ان شاء الله اليوم وبصراحة حتى بين الشوطين قمت وطلعت للكافتيريا واشتريت منها ورجعت مالقيت اي شخص يتكلم والا يقول ممنوع والوضع كان ممتاز ؛؛
لكن انا سمعت ان فيه جماهير منعوها من الدخول وعللوا السبب بان المكان المخصص للجماهير الهلالية ممتلئ ؛؛؛؛ وهذا يحتاج الى دراسة والى شكوى على الجهات المختصة

بس الاهـــــــم في هالمباراة ماحصلنا اي كلام شين من العساكر او اي استلعان ؛ الوضع كان ايزي بالمرررررررة


الوقت المعتمد في المنتدى بتوقيت جرينتش +3.
الوقت الان » 07:43 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd