السلام عليكم

حقيقه ما يستاهل هاللقب فريق الهلال ولا حتى يستاهل نلقبه بالزعيم


فيه احد يبي يرد على كلامي ويقول ..... الزعامه بالبطولات والارقام

جوابي .. صح والبطولات والالقاب الهلاليه كفيله بوضع الهلال زعيم اسيا لعشرات السنين

لكن وين المجهود المبذول من ادارة النادي وخل نقول حتى الادارات السابقه وش اللي سوته علشان تعطي هاللقب المستحق للهلال ................... باختصار ولا شي

والله لو فريق حواري عنده ربع اللي عند الهلال كان لقيته وصل الموضوع للفيفيا وامداه خذ اللقب المستحق

الهلال المفروض لو فيه ناس تتحرك بالشكل المطلوب كان لنا سنتين او ثلاث خالصين من سالفة نادي القرن وتم اعتماد اللقب رسمي للهلال ..

لكن لأن محد سأل عنه ....ولأن محد حولك ... اجل ما يحق لنا نقول ان الهلال نادي القرن

وبالنهايه ما نزعل يوم فرق ما عندها ربع ا انجازات و بطولات الهلال يطمعون ويطالبون بهاللقب

اللي يبي حقه لا يستهين فيه ولا يضيعه ........ وخصوصا وانا اشوف هالكوكبه من رجال الهلال يتفرجون على المسرحيات الكوميديه اللي جالس يقدمها الاتحاد الاسيوي الفاشل بقيادة الفاشل الاكبر بن همام ..


فيني غصه حقيقه من هالموضوع ومن زمان ........شي يقهر والله .


انا عارف وفاهم ان كل انسان سواء رياضي او حتى غير رياضي يقول بلسانه ان الهلال ليس نادي القرن الاسيوي وزعيمها الاوحد هو بداخله يكذب لسانه لانه عارف انه مستحق للهلال ثم الهلال ثم الهلال فقط لا غير .................لكن وش التحرك اللي قامت فيه ادارات النادي مجرد كم كلمه على الهواء وانتهينا ..................................


لابد من الحسم
لابد من الحسم
لابد من الحسم



الامر محسوم رقميا وتاريخيا وفعليا
لكن التوثيق الرسمي لاخراس كل الالسنه هو الاهم

وان استمر الاتحاد الاسيوي بالتهميش والتطنيش لانه ما يروق لابن همام واشكاله ان الهلال يستلم كأسه المستحق (واقصد بكأسه هو لقب نادي القرن ) ما اعتقد ان الفيفا راح يطنش او يهمش ..وانا افضل ان اي تحرك هلالي يتم عن طريق الفيفا من بوابة الاتحاد السعودي لان الزبده راح تجي منهم مو من بن همام وفلبان وشلة الانس .


فـ ليعود حق الهلال للهلال يارجال الهلال


تحياتي