milan vs psv ولا تشغلني
 

السلام عليكم ورحمة الله وبركاته :

تدرون كلكم عن مباراة الهلال والاتهاد انها يوم الثلاثاء الجاي وفي نفس اليوم مباراة ميلان وايندهوفن وكلها مبارياااات مهمة .

واعتقد ان الكثير منكم يتابعون الكرة الاوروبية وتهمه مباراة ميلان والله يستر من انها تمنعكم من مؤازرة الزعيم .

فأقولكم : وخصوصا جماهير الميلان تعالوا احضروا لمباراة الهلال وخلواعنكم ميلان والله الهلال محتاج لكم وميلان مادرى عنكم .

انا استغربت من واحد ومع العلم انه عضو معنا في المنتدى وفعال بعد قلت له : تخاويني للملعب قال لي : لا بشوفها في التلفزيون واقلب بينها وبين ميلان وانا الصراحة انصدمت .

ابي رايكم عنه واتمنى انكم ماتكونوا مثله لان مباراة الميلان محسومه مع احترامي لأيندهوفن .

تحياتي لكم :
اخوكم / نايف

والله ياعزيزي مع احترامي لهذا الشخص هلاليته مهزوزه شوي اي بالعربي اي كلام

يا اخوا مباراة ميلان ستعاد بعد مباراة الهلال

ما اتوقع احد يبي يترك مباراه الهلال الا انه ماهو اصلي

الزعيم بيلعب وتقولي ميلان ودوري اوروبي وماني عارف ايش

هذا يسمح لي انه مشجع بالاسم فقط لاغير

الهلال بيلعب والاخ يقلي ميلان ..

والله إنكم محظوظين يا أهل الرياض بالهلال لكن مين يقدر ..

انا بروح الملعب وأوصي الأهل يسجلون مبارات الـشـيـاطـيـن مع ايندهوفن ... "اذا حظر الزعيم بطل غيره "

ولو كان ميلانو :)


تحياتي :)

زي ماقال الفن كله سامي مباراة الميلان محسومة مع ايندهوفن وهي تسخين و استعداد لمباراة النهائية واوصي

الجماهير انهم يحضرون للملعب ويؤازرون الزعيم لانه ماله داعي الاتحاد الافريقي يكبر راسه علينا

[align=center]ليــش نعطيك راينا فيه ؟

يعني ما أتوقع هو منتظر رأي أحد فيه

يا يحظر للمباراة يا نتكلم في الرجال ؟ ياخي كل شخص حر , و المسألة شخصي ما احد يقدر يحدد

مقاييس من عنده , عن الهلالي الأصلي و غير الأصلي , تذكروني بمن يقول هذا كافر و هذا مسلم .

مثــــــــــــلا :

لنفرض ان في شخص يحب الهلال و في نفس الوقت يحب اللعب الحلو و المباريات القوية .. و هالشي

من الله الي جعل فيه غريزه تعشق شيء غير الي نعشقه ,فمين يقدر يلومه ؟

و بالمقابل في شخص يحب الكورة موت و مستعد يحضر لأي مباراة و لنفر انه " أهلاوي " و راح

يحضر مباراة , الهلال و الإتحاد .. نقدر نقول انه هلالي أكثر من الشخص الأول ؟؟

و هناك ناس يكرهون الحضور في ملعب الملز و ناس يكرهو الإستاد و ناس يكرهونهم كلهم .. نقدر

نقول هذولي مو هلاليين ؟

يا شباب أرجوا ان كل شخص ما يقيس على نفسه أبداً , تصرفات كل انسان تنبع من اساسات في

داخل شخصه و مثالين واقعيين في الأخير ..

في واحد يموت بالهلال ومن كثر ماهو يموت بالهلال ما يقدر يتابع مباراة للهلال أبداً و يروح

يتمشى لين تنتهي المباراة .. وهذا شخص انا اعرفه .

وفيه شخص ثاني مسكين , يشجع الشباب يجلس بآخر المجلس و يتنافظ ( يرتجف من الخوف )

مع كل هجمة على الشباب لين يوصل عند التلفزيون بعدين يرجع مكانه ..

فما يقدر يتنافض بالملعب على راحته.

يعني كل شي له أساس في شخص الإنسان .. و الأخ الي يقول مع احترامي لخويك هلاليته

مهـــزوزة .. اتمنى راجع كلامه , و يفكر شوي ..

كيف حكم و على أي أساس ؟ وبيلاقي انه حكم عن طريق نظرته الشخصية


في النهاية ..

أحب أقول انه في شيئين ما يقدر الإنسان يتحكم فيها , التقدم التكنولوجي و رغبة الناس ...


تحياتي[/align]

اللي اعرفه ان مباراة الهلال 8ونص ومباراة ميلان 10 الا ربع يعني يمدي اي شخص يحضر مباراة الهلال كاملة ويلحق على الشوط الثاني من مباراة ميلان

واللي في الرياض وما يحضر (الا لأسباب خارجة عن ارادته) هلاليته اكثر من مهزووووووووووووووووووووووزة