|
الاتحاد السعودي & Orbit & ART يكسبون والمشاهد يخسر اتحاد كرة القدم السعودي برئاسة الأمير سلطان بن فهد سيوقع عقداً لتشفير مباريات الدوري السعودي الممتاز لقناة الدوري التي تجمع قناتي (art) وأوربيت الرياضية وسيكون العقد وفقاً للمصادر لعشر سنوات بحيث يصرف لكل ناد في الموسم عشرة ملايين ريال وفقاً للعقد كما سيحصل اتحاد الكرة على مبالغ أخرى تساعده في تسيير برامجه. هذا وسيتم نقل جميع المباريات حية على الهواء وفي حال توافق مباراتين في زمن واحد سيكون نقل كل مباراة على حدة في قناة مختلفة حيث ستطرح قناة الدوري على أكثر من شفرة التعليق : اولا / ابارك الاتحاد السعودي و Orbit و ART هذه الصفقة ثانيا / العزاء كل العزاء للمشاهد المسكين ثالثا / يقول الخبر انه في حال توافق مبارتين في الوقت فان كل مباراة ستكون في قناة طيب لحد هنا ما عندنا مشكلة لكن لو هالاسبوع مثلا مباراة الهلال ستنقل على Orbit والاسبوع الثاني على ART وش الحل ؟ طبعا الحل معروف هو واحد من ثلاثة : 1 - اني اروح الملعب 2 - اني اشترك في القناتين 3 - اني اذا ما اشتركت ويا ويلي اذا ما اشتركت وكانت المباراة خارج الرياض معناها انحرم من شوفة الازرق وانام بدري وانتظر نتيجة المباراة في الجرايد اتمنى من الله ثم من الامير سلطان بن فهد ان ينظر لمصلحة المشاهد وهذا الامر سهل بان تخصص مباريات كل فريق على احدى القناتين فالهلال مثلا يكون على Orbit وجميع مبارياتنا تكون على هالقناة اما ان الماريات للهلال اسبوع على Orbit واسبوع على ART ترى ما فينا والله والله يا جماعة ترانا بالقوة نشترك في قناة هالمرة تصير قناتين واذا على Orbit تهون لكن البلا من ART كل شوي تقطيع وكل شوي تعال غير البطاقة لان الشفرة تغيرت او البطاقة لنتهت وادفع الله يستر واتمنى ما اكون طولت عليكم الرجاء المطالبة بتحديد قناة لمباريات كل فريق اتمنى ان يكون صوتنا مسموع |
والله ماراح يخسر الا الاتحاد السعودي لان الدعوى تحدي بين الاتحاد والجماهير يعني غصب نجي للملعب ولا مانشوف المباره من زين الدوري الحين لو انه الاوروبي او الاسباني والله تفرح انك تشترك بس علشان دوري فاشل من كل المقاييس وانا اعتقد ان Art لها شراكه في اتحاد الكره عشان كذا يجبرون المشاهد الاشتراك فيها 000الحين ماشفنا بطوله دوري العرب معقدنا صالح كامل في النقل الفاشل من جميع الاتجاهات يعني يلعبون علي الواحد مثل مبارات الهلال والاهلي السنه الماضيه في نفس البطوله في جده يقول نعتذر عن سوء بسبب الاحوال الجويه و النقل من بريطانيا او ايطاليا والمباره في السعوديه في جده يعني مافيه يعني مافيه اهتمام بالمشترك بس عطنا فلوس وابشر بخدمه فاشله مره::::::: والله قهر المشاهد مظلووووووم يا اتحاد الكـــــــــــــــره00000 |
خخخخخخخخخخخخخخ ياخي الجمهور مقاطع المباريات وهي بلاش على القنوات يبالك بيشترك في هالقنوات وانا ارى واقترح ان نادي الهلال يعمل صالة ويضع بها تلفزيون والدخول بتذكرة رمزية للجمهور الهلالي وبذلك يكون قد استفاد وافاد ..... |
مالك الا شبكتنا الغالية |
ياشين البربسه شيناه .. مثل هالقرارات ياناس ماتؤخذ خبط عشوا .. هل فيه لو دراسة واحده درست وضع المجتمع السعودي لتلحظ ان هناك اسر كثيرة تمتنع عن الاشتراك ليس لعدم الاستطاعة وإنما لتجنيب ابنائها مشاهدة افلام وعري تقدمها بعض القنوات .. هل يغفل المسؤولين في الرئاسة ان هناك نسبة عالية حتى الدش ماهو موجود لديها ومكتفيه فقط بالقنوات السعودية الارضية .. الم تضع الرئاسة في حسابها ان هناك اسر كثيرة بالكاد تغطي مصاريفها المعيشيه وبالكاد تكون قادرة على سداد فواتير ماء وكهرباء وهاتف ثابت وجوال حتى تفتح على نفسها باب جديد وتسدد شيء ترفيهي .. هل عملت الرئاسة اي شيء تجعل الدوري السعودي محل متابعة للدرجة التي يتم الاشتراك في قنوات مهما كان ثمنها .. هل فكرت الرئاسة في نسبة كبيرة من الشباب ستكون مدمنة شيشه بكثرة ارتيادها للمقاهي لمشاهدة المباريات . بدل ما نقلل من ارتياد مقاهي المعسل نساعد في كثرة ارتياده .. هل فكرت الرئاسة في المشجعات اللي مايقدرون يحضرون الملعب ان كان هذا القرار يقصد من ضمن مقاصده الحضور الجماهيري .. اذا كانت بطولة العرب لم تجد البريق المتوقع لها بحكم انها مشفرة .. فكيف سيكون حال الدوري السعودي وهو الذي يرنح حالياً .. هل تريد الرئاسة العامة لرعاية الشباب تنهي المتابعة للدوري السعودي لينعكس هذا القرار على قوة المنتخب السعودي .. بعدين ليه مايكون الاستفادة من الدعم المالي بحصر إعلانات الملعب والتلفزيون على الشركات الناقلة للمباراة من دون تشفيرها .. وفي الاخير .. على اي اساس تم اختيار قناة الارتي او حتى الاوربت .. ليه مايسمح بتقديم عروض من أي قناة حتى وان كانت خارجية .. من زين نقل الارتي ولا من زين تحليلها حتى تعطى جانب من الدوري السعودي .. ماقول غير ياشين البربسه والله يهني سعيد بسعيده .. شفروا وشوفوا لوحدكم .. من زين هالدوري بعد نقعد نطارد وراه |
هلا فيك اخوي للتوضيح : الدوري سينقل على قناة واحدة اسمها قناة الدوري وهي مشتركة بين art و orbit وتلك القناة ستنقل جميع مباريات الدوري .... لا اعلم هل كاس الامير فيصل بن فهد وكاس ولي العهد ضمن الاتفاق ..... وفي حالة تعارض مبارتين في وقت واحد تنقل قناة الدوري مباراة وتفتح قناة ثانيه تنقل المباراة الاخرى . التعليق: الدوري لايستحق ان ادفع مبالغ لمتابعته , فلست مجبر ان اتابع مباريات النصر مثلا او الاتحاد او الاتفاق او الوحدة ومباريات الهلال ..... شبكة الزعيم تكفيكم ..... وبصراحه .... الاحد الماضي تابعت ريال مدريد وبرشلونه وشفت الفرق ... اللعب لم يتوقف وسيارة الاسعاف لم تدخل الملعب البته .. وبصراحه ندمت على الوقت اللي ضاع في متابعة مباريات الدوري السعودي . فاصلة منقوطة : لاعبين بملايين الريالات لم تدخل سيارة الاسعاف للاطمئنان عليهم .... وعندنا لاعبين بالملاليم وتدخل سيارة الاسعاف عشر مرات للاطمئنان على خالد عزيز ومن هم على شاكلته .... والغريب ان البنج والشاش اللي يضع على رؤوسهم اغلى من عقود لاعبينا ... باختصار : لاتشتركون في قناة الدوري واتركوا الدوري السعودي ............ وتابعوا الاسباني مجاناً على الجزيرة الرياضيه .. اخراج .. تعليق .... نجوم ... اداء رائع ... وبالمجان . وتقبلوا ارق التحايا اخوكم السلماني. |
إقتباس:
|
والله الاشتراك مو ذاك الغالي فليش البخل على الهلال |
الاخ وا زعيماه انا معك الدوري من اسوأ لاسوأ لكن وش حيلة اللي يحب الهلال ما نقدر الا نشوفه الاخ تشيلساوي احنا مش باخلين على الزعيم لكن منقهرين من الاستغلال بس |
بالعكس والله هذا الكلام السنع.. المفروض من زمان كذا والله..الناس يتطورون واناحنا لازم نتطور..كل الدوريات العالميه مشفره..هذا في مصلحه للانديه وللدوري لأنه بيزيد من الحضور الجماهيري للمباراه...وفي نفس الوقت راح يتطور مستوى التعليق ومستوى التصوير..وبيجيبون الشركتين كاميرات جديده وخاصه اصرف من ذي حقت الرياضيه النايمه... بعدين انا اتوقع انهم رايح يطلعون اشتراك خاص..يعني مو انك تشترك في الشبكتين اوربت واي ار تي..لا اتوقع يسون مثل الحركه اللي صايره الحين مع شوتايم واي ار تي للقنوات الرياضيه.. يسون اشتراك موحد وبسعر معقول.. |
حسبنا الله ونعم الوكيل على من اقترح الفكرو ومن روجها ومن وقع العقود فيها ؟؟؟ ما ذنب الأسر الفقيرة ؟؟ على بالهم كل المواطنين اغنياء ؟؟ الله المستعان |
إقتباس:
|
قرار من زمااان وأنا أنتظره الشباب رايح للمقهى رايح ... مهيب فارقه يعني .. هذا مباريات الهلال منقوله على القناة السعوديه .. وتلقى الملعب مهجور ... والمقاهي مالك ماطى رجل !! وش معناها ؟؟ النادي إذا فعلاً يبي يوصله 10 ملايين فهذا رقم فلكي ومحترم ويساعد كل الأنديه ... وتصير فيه إثاره مع كل الأنديه ويرتقي مستوى الدوري اللي له كم سنه وهو منتهي . والفائده الأكبر إن الحضور الجماهيري ان شاء الله يتزايد خصوصاً إنكم تلاحظون كثافة الجمهور في حال تشفير المباراة ولكم في مباراة الوداد الأخيره خير مثال . كل شي له سلبيات وإيجابيات ... وأتمنى أن تطغى الإيجابيات هنا . مشكور على النقل . |
ياناااااااااس التشفير غصب عليهم يعني الرئاسه العامه لرعاية الشباااب ماودها تشفرر عشان تلهي العالم بالكوره بس مجبووره تشفررر ولاسباب ماليه الجماهير تطالب الرئاسه العامه بدعم الانديه والمنتخب يبي من يدعمه وبرامج الئاسه تبي دعم...... والرئاسه ما عندها استعداد تدفع لكل فريق 10 ملايين ريال ولا عندها استعداد تنتظر البلوي يدعم المنتخب ومعسكره الاعدادي مقابل اختيار عدد من التشكيل ولا مجاملته بضم فلان ولا فلنتان فالحل هذا والمستفيد الاول والاخير الانديه والدوري وتعود الفائده في متعه الجمهور....... مثال نادي الوحده على سبيل المثال بيجيه 10 ملايين وراح يجيب فيها محترفين زي الناس وراح يستثمر مبلغ من 10 ملايين وراح يقوى الدوري(ميزانيه الوحده ماتوصل المليون الوقت الحالي ولا حتى لو جمعتها مع بدايه الدوري-وكل العالم تتهجج من رئاسه نادي مديون ولا بدون دعم) يعني كلها خمس سنوات او اربع ولا الاندييييييييه غنييه بحد ذاتها وبعيده عن اعضاء الشرف وعن الاتحاد السعودي بكبرره فبالعكس القرااار سليم ميه بالمييييييييه وعن اللي ما يقدر يشوف المباراه بحكم ما عندهم دش ولا بنات فهذا مقااابل قرار يخدم الكل صعبه اوقف تطور دوري كامل ومنتخب كامل ودوله كامله عشان شريحه معينه ما تقدر تشوف المباره وكلي اسف لهم وربي حاسي فيهم وضايق صدري عليهم وعن طريقه التشفير راح تطلع قناة جديده اسمها الدوري مكرره(مثل طريقه قناة الجزيرة الرياضية) لها اشتراكها الخاص من غير اشتراك الاوربت والي ارت تي بثهم واحد ماعدا وقت المباريات ويرجع ملكيه القناة مشتركه بين الاوربت والاي ار تي ومن اليوم وراااايح طالبوا النقل الممتاز للدوري والتعليق والتصوير والحركتاااااااااات والف صحه وسلامه للجمييييييييييع |
| الوقت المعتمد في المنتدى بتوقيت جرينتش +3.
الوقت الان » 07:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd