هذا ما دار بيني وبين عمي النصراوي
 

كنت امس انا وعمي نسولف او ندردش عن الكوره وجا طاري تصريح الامير سلطان بن فهد عن الاتحاد الاسيوي ومطالبته بحل الاتحاد وانا طبعا كنت من المؤيدين للفكره لكن قال عمي : كيف الامير سلطان يامر بحل الاتحاد الاسيوي وهو عنده هنا ماحلهم
قلت انا: هذاه ما قصر وغير الاتحاد السعودي كله
قال : طيب خلنا من النقطه هذي كيف الامير سلطان يقول انه فيه تلاعبات في الاتحاد الاسيوي في تلاعبات وانهم يتراجعون عن قراراتهم وحنا عندنا نفس الشي
قلت : مثل ايش
قال: قال وشلون خميس العويران ( يشطب مرتين !!!!! ) ويرجعونه مره ثانيه
قلت : ماشطبوه مرتين مره وحده بس وبعدين رجعوه بعفو مارجعوه بقرار عادي
قال : لا هو كان مشطوب المره الاولى بس نواف بن محمد قال لا , لا تشطبونه والمهم وقفوه 6 شهور
قلت : من اللي قالك الكلام هذا
قال : الدهام انه يقول الكلام هذا ويحلف بعد
قلت : مهب مشكله
قال : تدري ان سامي الجابر بعد مبارات النهائي بين الهلال والشباب يوم انه ينطرد انه صدر فيه قرار بشطبه وانه كان مطبوع وخالص بس انه يوم درا نواف بن محمد بدت الاتصالات لين وقفوا القرار هذا
قلت : طيب من اللي قايلك
قال: الدهام انه يحلف حلف ان الكلام هذا صحيح
قلت : مهب مشكله وش فيه بعد ثاني
قال : مافيه شي هذا يكفي


**** وتراه هو بعد مره قالي انه يوم يخلص عقد سامي المره اللي راحت وقبل ما يجدد ان الدهام يقول انه كان عنده في المكتب الشيك حق انتقال سامي من الهلال إلى النصر !!!!!! بمبلغ 3.500.000 ريال لسامي منها مليون والنادي الباقي وان جميع الاطراف موافقه على الشي هذا



وبالاخير وش رايكم يا شباب بالاكم هذا اللي جاي من واحد نصراوي متعصب بمعنى الكلمه وان كان فيه فضايح تكفون عن النصر علموني اياها خلوني احجرله وترا كلامي هذا ما يعني اني مصدقه

وش هالكلالالالالالالالالالالالالالالالالالالالالالامـ هل هو صحيح والا لا...

والله بصراحه انا ما ادري :confused: :confused: :confused: :confused:

ولكن ما اتوقع والله اعلم:confused:

هلا والله اخوي :
اخوي ما اتوقع ان ها الكلام صحيح .
وان عمك مع احترامي الشديد كلامه غير موثوق لان ها الموضوع فيه نصب كبير في نظري وانا ما استند الى اشياء بس هذا الي اتوقعه .

والله يا شباب انا اعتقد اني قلت اني ما صدقت الكلام هذا ولكن انا طلبت منكم ايضا معلومات او حقائق عن النصر

شباب مالها داعي تكذبون عمه
كلام خميس يمكن انه صح
انا قد سمعت زي هالكلام اما عن سامي
فهو غريب !!!!!!!!!( تراني ما قلت كذاب)

يا رجال الشرهه عليك اللي تجادل واحد نصراوي...
النصراويين مشهورين باللف والدوران وعكس الحقائق وتلفيقها لمصلحتهم.
يعني لو جبت لك 100 حادثه تسكت عمك فيها...تلقاه بكره جالس في مجلس ثاني وقاعد يلف ويدور ويخلي هالحوادث في مصلحة النصراويين وضد الهلال.(ويقول ان هالكلام حلف فيه بن دهام).

هلا أخوي سمسم الله يعطيك العافيه يارب

ما أدري وش تبي بالضبط عن النصر أنت حدد يعني تبي تسهيلات من الأتحاد السعودي للنصر ؟؟؟؟

السلام عليكم..
أنا مع ولد النعمة ..
الواحد إذا شجع فريق كالنصر يصير عنده أفكار مسبقة قبل و يبني كل شئ عليها مع أنها سخيفة و خطأها و تلفيقها واضح..
مع شديد الاعتذار لك

مشكورين يا شباب على الردود هذي بس انتم عطوني اي شي واذا قلتله يحلها الف حلال اذا غير الكلام بس انتم عطوني

يااخي النصر كلة فضايح ومكشوفة للناس واكبر فضيحة حفل اعتزال ماجد عبداللة يبون يسوون الحفل علشان يبلعون الهدايا مثل ماصار في محيسن الجمعان زلطوا كل شيئى والرجال طلع في الجرايد يقول كل التبرعات ما وصلتني الى الان . وحدث ولاحرج في فضايحهم .وبعدين يالحبيب
موضوع خميس شغل واسطات وليس فضيحة وحنا ياحبنا للواسطات . وخذ هذة القصة عن رئيس
نادي النصر في مرة من المرارير كانت لة مناقصة في احدى الوزارات ومارست علية المهم جاهم للوزارة علشان يناقشهم في الموضوع واخيرا ماوصل لحل وهم يودعونة قال لهم اكيد انتم هلالين
وهذا سبب رفضكم لعرضي واللة هذة القصة صدق