السلام عليكم ورحمة الله وبركاته

مايجب علينا كجمهور محب لهذا النادي اتجاه الرابطه في مباراة الاتحاد((كأس ولي العهد))

اتمنى ان يضع الجميع رايه بخصوص مايراه مناسباً للرابطه ويظهرها مظهر يليق بالهلال نادياً وجمهوراً..

((((انا اتصلت بالاخ نواف احد الاعضاء هنا وهو من اهل جده واتفقت معه ان اكون عون لكم في مباراة الاتحاد والنصر..

واتفقت معه على ان احضر معي دخان للملعب لكن هناك مشكله وحيده وهي كيف ادخله الى الملعب

اتمنى من المشرفين الرد علي وان يوصلوني باحد اعضاء الرابطه لكي اتفق معه لادخال الدخان سواء عن طريق إدارة النادي او عن طريق المشرف على الكره..))

اتمنى من الجميع المشاركه ووضع ارائهم..

تحياتي
اهلاوي هلالي

مشكور يا اخي العزيز على دعمك لعشقك الثاني الزعيم ,,,,,,,

وانا اذا حصل لنا فرصه راح نوقف مع القلعه ان شاء الله ,,,,,,

وبخصوص الدخان يليت تتقبل مني نصيحه بتركه نهائيا لانه يدمر صحتك ,,,,, غير انه حرام وما فيه خير ,,,,,,

واذا كان لابد جب معك كيس جزر وتسلى عليه في المباراة عشان يساعدك تنسى الدخان

تحياتي لك ولجميع الأهلاويين المحترمين

[align=center]أخوي الغالي جزرة بعد السلام والتحية ...

على حسب ماذكره لي بعض الاخوان المسؤلين ...

ترى لو حقين الامن شافو الدخان الازرق معك حول الرابطة ...

راح ياخذون كل أغراض الرابطة ...

وهذا مامنعني من إحضاره في مباراة الوداد ...[/align]

إقتباس الرسالة الأصلية كتبت بواسطة هلالي في كندا وبخصوص الدخان يليت تتقبل مني نصيحه بتركه نهائيا لانه يدمر صحتك ,,,,, غير انه حرام وما فيه خير ,,,,,,

[align=center][color=#000099] أخوي الغالي هو مايقصد السجاير ...

الدخان هذا أداة تستخدم للتشجيع يعطي الوان جذابه وجميله داخل المدرجات ...

تحياتي للجميع ...[/color[/align]]

وشالسالفه

[align=center]بالله ذولي وشلون يبونا نشجع .. لا دخان .. لا اعلام كبير ... لا شي .... ؟؟ [/align]

هلالي في كندا ..


من جدك ولا تمزح

نص المدرجات يدخنون (الله يصلحهم) ... ما يبي له تهريب بالرابطة ..


بس يبقى كلامك حلو ونصيحة من قلب

الدخان المقصود هو ماذكره تغيب الشمس بحلم يومي في تعليقه


آسف .. ماقدرت أمسك نفسي من الضحك ..

يعطيكم العافية

اتمنى تصعيــد الامر لابو سلطان وياسر الطلاسـي ومنصور الاحمد وفهد المديــد وتصعيد الموضوع بمنع كل ادوات التشيـع والمتـعه ..
اتمنــى من كل شخصيـة بارزة ومهمة او يعرف شخصيـة .. انه يكلم مدير الملعـب او نشوف صرفه .. ترا طفشـنا :
اتمنى من كل زوار النادي .. انهم يتكلمون مع ( الشخصيات المذكروه اعلى الرد )
قبــــــــــــــــــــــــــــــــــــــــــل مبارة الاتحاد : لا نتفشل : ويسلبون منا كل ادوات التشجيـع ؟ ويقولون ليش جماهير الهلال ( ساكته )

أخوي جزرة

أقدر لك مؤازرتك للزعبم

[align=center]اخي جزرة 2005
انا احب الاهلي من زمان
الان عشقته بعدالهلال بسببك
وفي جده تكفل واحد اهلاوي بعلم ازرق واخضر وابيض
ممتزجين ببعض
الاهلاويين اثبتوا انهم توأمنا
وسنقف معهم في القادم باذن الله[/align]

الأخ تغيب الشمس ,,,,,,, ألف شكر على التوضيح ,,,, من جد انا انسحبت سحبه قويه

أنا صار لي أكثر من سنتين برا البلد واشياء كثيره تغيرت في هالفتره من صفر الجوال الى الانتخابات البلديه وحتى الأعمال الارهابيه

يمكن راح تفكيري للسجاير لأنها اكبر عائق لي عن الجلوس في درجه ثانيه مع اني احب الصياح والصجه في المباريات ,,,,,,, وعلى الي يدخن ومعه قلم ازرق ابو نص ينتبه لا يجي الحبر على الدخان ويطلع الدخان ازرق بعدين يجونه العساكر يمشون مليون

من جد تخلف ,,,, وش فيها اذا الجمهور استخدم الدخان بالعكس يعطي منظر حلو ويشجع الناس على الحضور ,,,,,,,, واذا عذرهم السلامه ممكن يقتصر السماح فيه على الرابطه الرسميه لكل نادي بعد التأكد من وجود اشخاص متدربين على استخدامها ,,,,,,,,,

تحياتي للجميع

للرفع


نبي اعلام كبير نبي الدخاان الاحمر المتوهج بي مايكات قويه نبي كل شي
بس الامن عائق رئيسي لكل شي جميل نتمناه

هههههههههههههههههههههههههههه
والله ما ادري وش اقول

لو أنا منك انت روح النادي وكلم

أبو سلطان أو اركب مع الباص حق

الرابطة وروح معهم وتفاهمو مع الأمن

أو هربه<<<خخخخخخخخخخخخخخ

إقتباس الرسالة الأصلية كتبت بواسطة هلالي أصلي لو أنا منك انت روح النادي وكلم أبو سلطان أو اركب مع الباص حق الرابطة وروح معهم وتفاهمو مع الأمن أو هربه<<<خخخخخخخخخخخخخخ

ولي يرحملي والديك سوها علشان الهلال تكفى تكفى تكفى
ولا روح لأي واحد له شأن في ذالك