سلبيات وايجابيات لقاء الوداد..
 

السلام عليكم ورحمة الله.. أما بعد,,,
حبايبي جماهير الازرق.. بعد التحية والشكر .. اقدم ملاحظات بسيطة .. لاحظتها من الملعب مباشرة .. ويمكن غيري انتبه لها بعد..
1-الحضور الجماهيري اللي لبى دعوة ابوسلطان كان ممتاز.. ونطمع بأكثر ان شاء الله في مراحل الحسم الجاية.. نبي مثل هالوقفة واكثر بعد.. فلاتقصرون الله يخليكم..
2-الاداء الهلالي في الشوط الاول كان ممتاز.. وانخفض في الشوط الثاني .. وكان السبب القراءة غير الموفقة لأحداث الشوط الثاني.. والتبديلات الخاطئة.. وكذلك الاداء السيء والاستهتاري..لبعض اللاعبين وهم (عمر الغامدي خصوصـــــأ...) والشلهوب.. والخثران ؟
3-كان من المفروض الابقاء على سامي .. سامي كان هو الي شايل المباراة..وكان المفروض يدخل الجمعان بدل البرقان المصاب.. فقط كان هذا التغيير الكافي والمطلوب.. لان الفريق ماشي صح.. والاحتياط مافيه عناصر تقدر تضيف شي.. خصوصا اذا لاحظنا استبعاد الموري والصويلح من القائمة....؟؟؟؟
4-فيه لاعبين لازم يشكرون وننتظر منهم الكثير.. سامي,, الياس.., المفرج,, البرقان,, .
5-اتمنى من الادارة تشوف حل لعمر الغامدي ومستواه المنخفض.
6-اتمنى من الادارة تشوف حل لديزفتا.. ديسلفا في مراحل الحسم بينهي طموحات كل هلالي....!!!!!
7-كان فيه عدم تعاون ابدا من قبل كماتشو !! مع سامي...,, وعلى العكس كنا نشوف كيف يركز في التمرير لديزفتا؟؟؟..وكذلك المبارك حركة بلا بركة!! والشلهوب بعيد جدا عن المباراة؟؟ يعني خط الوسط كان تعبان ومحتاج للموري.


8-اتمنى من الجميع : الادارة.. والجمهور .. واللاعبين .. والجهاز الفني.. التكاتف وبذل الغالي والنفيس.. في المراحل الجاية

الشوط الأول والله الهلال هز الاستاد هز ... حتى المغاربه تلخبطو بشكل فضيع

اما الشوط الثاني فيه عدة أسباب لانخفاض المستوى

اولا : الهلال انكمش دفاعا على مرماه
ثانيا : سامي ما تحرك مثل الشوط الأول ..
ثالثا : المدرب لخبط الدنيا يوم رجع الدوخي ظهير ودخل المبارك ( الغايب ) بدل الياس ..
رابعا : اصابة البرقان لخبطت باكيتا
خامسا : الهلال يلعب بعشر لاعبين ... الشلهوب الحاضر الغائب

00000

اما ديسلفا .. والله هذا الاعب مهزوز نفسيا ..

ولا الاعب انا اذكره مع الوحده والاتفاق .. ما نخاف الا منه اذا لعبنا ضدهم

اما بالنسبه لعمر الغامدي ... غلط بهجمه وحده .. وقومتو الدنيا وقعدتوها .. وكأنها ما فيه الا هذي الهجمه للهلال

وما جبتو لهجمة الشلهوب طاري .. بعد الهدف الي لعبها لسامي على يساره وهو متسلل ويمينه كماتشو ( واضح الستلل )

وهجمة الدوخي الي المفروض يشوت الكوره بيساره .. أو سامي الي لعبها بجانب القام !؟!؟!

صحيح المفروض ما نضيع هجمات بالشكل هذا .. بس ما نبي نخص لاعب

واسف على الاطاله